Click it and Unblock the Notifications
വേതനം അഞ്ചിരട്ടി കൂട്ടണമെന്ന് മാരുതി തൊഴിലാളികള്
ഇതേ പ്രശ്നങ്ങളുയര്ത്തി കഴിഞ്ഞ വര്ഷം തൊഴിലാളികള് നടത്തിയ സമരങ്ങള് അഞ്ച് മാസത്തോളം കമ്പനി അടച്ചിടുന്നതില് കലാശിച്ചിരുന്നു. തൊഴിലാളി യൂണിയന് രൂപീകരിക്കുന്നത് അംഗീകരിക്കാനാവില്ല എന്ന കടും പിടിത്തം മാരുതി സ്വീകരിച്ചതോടെ വന് ഉല്പാദന നഷ്ടമാണ് കമ്പനിക്ക് വന്നുപെട്ടത്. തൊഴിലാളികള്ക്ക് സംഘടിക്കാനുള്ള അവകാശമുണ്ടെന്ന് ചൂണ്ടിക്കാട്ടി പുതിയ തൊഴിലാളി യൂണിയന് സര്ക്കാര് അംഗീകാരം നല്കുകയായിരുന്നു.
മാരുതി തൊഴിലാളികളുടെ ആവശ്യങ്ങള് മറ്റ് കാര് കമ്പനികളുടെയും താല്പര്യം ഉണര്ത്തിയിട്ടുണ്ട്. മാരുതി വേതനം വര്ധിപ്പിക്കാന് തയ്യാറായാല് അത് മറ്റുള്ളവരെയും ബാധിക്കും. ഹോണ്ട, ബോഷ്, ജനറല് മോട്ടോഴ്സ്, ഫോര്ഡ് തുടങ്ങിയ വന് കമ്പനികളെല്ലാം സമരങ്ങളുടെ നിഴലിലാണുള്ളത്. കുറഞ്ഞ വേതനവും, വ്യവസ്ഥയില്ലാത്ത തൊഴില് സമയവും പിരിച്ചുവിടലുമെല്ലാമാണ് പ്രശ്നങ്ങള്.
കമ്പനിയുമായി ചര്ച്ചയ്ക്കുള്ള ഒരുക്കത്തിലാണ് തൊഴിലാളികളിപ്പോള്. വിഷയത്തില് മാരുതി സുസുക്കി ഇതുവരെ പ്രതികരിച്ചിട്ടില്ല.
Continue with Google