Click it and Unblock the Notifications
ഹോണ്ട സിറ്റി ഡീസല് ഈ വര്ഷം?
ഡീസല് മോഡലുകള് ഇറക്കില്ലെന്ന നയവുമായി വന്നിട്ടും ഹോണ്ട വിപണിയില് പിടിച്ചുനില്ക്കുന്നുവെങ്കില് അതിന് നന്ദി പറയേണ്ടത് ഹോണ്ടയുടെ സാങ്കേതികതയ്ക്കാണ്. സെഡാന് വിപണിയില് ഇപ്പോഴും എടുത്തുപിടിച്ചു നില്ക്കുകയാണ് സിവിക്. കൊമ്പുകുത്തി കാടിളക്കി വന്നവന്മാരെല്ലാം ഇവന്റെ മുന്പില് മുട്ടുമടക്കി.
എങ്കിലും വിപണിയിലെ വോള്യം കൂട്ടണമെങ്കില് ഡീസല് തന്നെ വേണമെന്നതാണ് സ്ഥിതി. ഈ സ്ഥിതിയെ പുരസ്കരിച്ച് ഹോണ്ടയുടെ ഗവേഷകര് ഡീസല് എന്ജിന് വികസിപ്പിക്കാനുള്ള തകൃതിയായ ശ്രമങ്ങളിലാണ്. പുതിയ ഊഹങ്ങള് സൂചിപ്പിക്കുന്നത് ഈ വര്ഷം തന്നെ ഹോണ്ടയുടെ ഡീസല് കാര് ഇന്ത്യയില് എത്തുമെന്നാണ്. അതും സിറ്റിക്ക്. ചില ചാനലുകളും ബ്ലോഗുകളുമാണ് ഇതുസംബന്ധിച്ച കൊലവെറി പ്രചരണങ്ങളുമായി വന്നിരിക്കുന്നത്.
ചെറിയ സംശയത്തിന്റെ പുറത്ത് ഡ്രൈവ്സ്പാര്ക് ഡോട് കോം നടത്തിയ അന്വേഷണത്തില് ലഭിച്ചത് മറ്റൊരു ചിത്രമാണ്. കഴിഞ്ഞ വര്ഷം മാത്രമാണ് ഡീസല് എന്ജിന് വികസിപ്പിച്ചെടുക്കാനുള്ള പരിപാടികള് ഹോണ്ട തുടങ്ങിയത്. ഒരു എന്ജിന് വികസിപ്പിച്ചെടുക്കാന് ഇത്ര ചുരുങ്ങിയ സമയം പോര എന്നതാണ് വിഷയം. എന്ജിന് നിര്മിച്ചയുടനെ ഏതെങ്കിലും വണ്ടിയില് സ്കൂവിട്ട് മുറുക്കിവിടാന് ഹോണ്ട പോലൊരു കമ്പനിക്ക് ഏതായാലും സാധിക്കില്ല. ടെസ്റ്റുകളും മറ്റും പൂര്ത്തിയായി പുറത്തുവരണമെങ്കില് ഇനിയുമെടുക്കും സമയം.അടുത്ത വര്ഷം, അതായത് 2013ല് അവസാനത്തേക്ക് നമുക്ക് ഇത് പ്രതീക്ഷിക്കാവുന്നതാണ്.
Continue with Google