Click it and Unblock the Notifications
പവര്കട്ടിനെതിരെ നിസ്സാന് ലീഫ്
"കരിമ്പുക തള്ളാത്ത ലോകം" എന്നതാണ് ലീഫ് ഇലക്ട്രിക് കാറിനു പിന്നിലെ നിസ്സാനിന്റെ ഫിലോസഫി. ഈ കാര് വൈദ്യുതി അങ്ങോട്ട് വലിക്കുക മാത്രമല്ല, ആവശ്യമെങ്കില് ഇങ്ങോട്ടും തരുമെന്നാണ് നിസ്സാന് പറയുന്നത്. ഇതിനുള്ള സംവിധാനം കാറില് ഒരുക്കിയിട്ടുണ്ട്. കറന്റ് പോയാല് കാറില് സംഭരിച്ച വൈദ്യുതി ഉപയോഗിക്കാവുന്നതാണ്. ഇങ്ങനെ ഓരോ കാറുകള് വീതം നമ്മുടെയെല്ലാം വീടുകളിലുണ്ടായിരുന്നാല് വൈദ്യുതമന്ത്രി ആര്യാടന് മുഹമ്മദിന്റെ അടപ്പു തെറിക്കുമെന്നത് മൂന്നുതരം!
ജപ്പാനിലെ ആഗോള ഹെഡ്ക്വാര്ട്ടേഴ്സിനു മുമ്പില് തയ്യാര് ചെയ്ത കാന്-കാന്-കിയോ എന്നു പേരായ വീട്ടിലേക്ക് വൈദ്യുതി കണക്ഷന് നല്കിക്കൊണ്ട് നിസ്സാന് പുതിയ സംവിധാനത്തെ കുറിച്ച് നാട്ടുകരെ അറിയിച്ചു. മൂന്നു ദിവസം തുടര്ച്ചയായി ഉപയോഗിക്കാനുള്ള വൈദ്യതി ഈ കാറിന്റെ ബാറ്ററിയില് സംഭരിച്ചു വെക്കാനാവും. വൈദ്യുതി ഉപഭോഗം കുറഞ്ഞ രാത്രി കാലങ്ങളില് വൈദ്യുതി സംഭരിച്ചു വെക്കുക, സൗരോര്ജ്ജ സംവിധാനം വഴി വൈദ്യുതി ശേഖരിക്കുക എന്നിങ്ങനെ രണ്ട് വഴികളാണ് ലീഫിനുള്ളത്. ഇത് സാമ്പത്തികമായും ലാഭകരമാണെന്ന് പറയേണ്ടതില്ലല്ലോ?
ഈ സാമ്പത്തിക വര്ഷത്തിന്റെ അവസാനത്തില് പുതിയ സംവിധാനം ലീഫില് ചേര്ക്കും.
Continue with Google