നാലാം കരിമ്പുകച്ചട്ടം വ്യാപകമാക്കുന്നു

Published: Tuesday, February 28, 2012, 16:01 [IST]

യൂറോപ്യന്‍ രാഷ്ട്രങ്ങളില്‍ കരിമ്പുകച്ചട്ടം അ‍ഞ്ചും ആറുമെല്ലാം എത്തിക്കഴിഞ്ഞു. വളരെ ശക്തമായി ഈ ചട്ടങ്ങള്‍ അവിടങ്ങളില്‍ നടപ്പാക്കുന്നുമുണ്ട്. യൂറോ 3 കാര്‍ബണ്‍ എമിഷന്‍ ചട്ടങ്ങളാണ് ഇന്ന് ഇന്ത്യയില്‍ ഭാരത് സ്റ്റേജ് നാലാം കരിനമ്പുകച്ചട്ടമായി 'ആചരി'ക്കുന്നത്. യൂറോ ത്രീക്ക് സമാനമാണെന്ന് പറച്ചിലില്‍ മാത്രമേയുള്ളൂ. പ്രയോഗത്തില്‍ യൂറോ ത്രീയെക്കാള്‍ വളരെ താഴ്ന്ന പടിയിലാണ് ഇന്ത്യയുടെ നാലാം കരിമ്പുകച്ചട്ടം. പുതിയ വാര്‍ത്ത നാലാം കരിമ്പുകച്ചട്ടം ഇന്ത്യയില്‍ കൂടുതല്‍ നഗരങ്ങളിലേക്ക് വ്യാപിപ്പിക്കുന്നതിനെ കുറിച്ചുള്ളതാണ്.

ഇതോടെ മൂന്നാം കരിമ്പുകച്ചട്ടം പാലിക്കുന്ന വാഹനങ്ങള്‍ കൂടുതല്‍ നിരത്തുകളില്‍ നിന്ന് അപ്രത്യക്ഷമാകും. ഏതാണ്ട് 17 നഗരങ്ങളിലേക്കുകൂടിയാണ് നാലാം കരിമ്പുകച്ചട്ടം വ്യാപിപ്പിക്കുന്നത്.

പ്രസ്തുത നഗരങ്ങള്‍ ഓട്ടോവിപണിയില്‍ വളരെ നിര്‍ണായക പ്രാധാന്യമുള്ളവയാണ്. ഏകദേശം 40 ശതമാനത്തിന്‍റെ വിപണിവിഹിതം ഇവിടങ്ങളില്‍ നിന്നുണ്ട്. 20115ടെ 50 നഗരങ്ങളില്‍ കരിമ്പുകച്ചട്ടം വ്യാപിപ്പിക്കുക എന്നതാണ് ലക്ഷ്യം. നാലാം കരിമ്പുകച്ചട്ട പ്രകാരമുള്ള ഗുണനിലവാരമുള്ള എണ്ണ വിതരണം ചെയ്യാന്‍ അപ്പോഴേക്കും രാജ്യത്തെ എണ്ണക്കമ്പനികളും തയ്യാറെടുത്തു കഴിഞ്ഞിരിക്കും.

2010ല്‍ 13 നഗരങ്ങളെ നാലാം കരിമ്പുകച്ചട്ടത്തിന് കാഴില്‍ കൊണ്ടുവന്നിരുന്നു. ഇതില്‍ ചെന്നൈ, ബങ്കളുരു, കൊല്‍ക്കത്ത, പൂനെ, അഹ്മദാബാദ് എന്നീ നഗരങ്ങളും ഉള്‍പ്പെട്ടിരുന്നു. ഈ മാറ്റത്തിനായി എണ്ണക്കമ്പനികള്‍ 32,000 കോടി രൂപയോളം നിക്ഷേപം നടത്തിയി‍ട്ടുണ്ട്.