Click it and Unblock the Notifications
ഹ്യൂണ്ടായ് പ്രതിസന്ധിയിലേക്ക്?
ഹ്യൂണ്ടായ് കാറുകള്ക്കുള്ള സ്പെയര് പാര്ട്സുകളുടെ ബിസിനസ് മുഴുവന് കൈകാര്യം ചെയ്യുന്നത് മൊബിസ് ആണ്. 'അണ്ണാ തൊഴിര് സംഘം' എന്ന സംഘടനയിലാണ് തൊഴിലാളികള് ഭൂരിപക്ഷവും അംഗങ്ങളായത്. എഐഎഡിഎംകെ പിന്തുണയുള്ള സംഘടനയാണിത്. തൊഴിലാളി സംഘടനയില് തങ്ങളുടെ തൊഴിലാളികള് അംഗങ്ങളാകുന്നത് തങ്ങള് അനുകൂലിക്കുന്നില്ലെന്നാണ് കമ്പനി പറയുന്നത്.
ഇതൊടെ പ്രതിസന്ധിയിലായിരിക്കുന്നവരില് ഹ്യൂണ്ടായ് ഉപഭോക്താക്കളും പെടും. കാറുകളുടെ കാത്തിരിപ്പ് സമയം കൂടും എന്നതാണ് ഒരു പ്രശ്നം. മാരുതിയില് തൊഴിലാളികള് സമരം നടത്തിയതിനെ തുടര്ന്ന് കമ്പനി സ്വീകരിച്ച വഴിവെട്ട് നയം മൂലം കാറുകളുടെ കാത്തിരിപ്പ് സമയം കൂടുകയും വലിയ വിഭാഗം പേര് ഹ്യൂണ്ടായ് അടക്കമുള്ള കമ്പനികളുടെ കാര്മോഡലുകളിലേക്ക് നീങ്ങിയിരിക്കുകയുമാണ്. ഇപ്പോള് ഹ്യൂണ്ടായിയിലേക്കും പ്രശ്നം എത്തിയിരിക്കുന്നു.
ഇന്ത്യയിലെ കാര് നിര്മാതാക്കള് മിക്കവരും കരാര് തൊഴിലാളികളെ വെച്ചാണ് പണിയെടുപ്പിക്കുന്നത്. കുറഞ്ഞ വേതനം, കൂടുതല് പണി എന്നതാണ് ഇവരുടെയെല്ലാം നയം. കൂടുതല് സമയം പണിയെടുപ്പിക്കുക, കുറഞ്ഞ വിശ്രമസമയം നല്കുക, തൊഴിലാളികളെ നോട്ടീസ് പോലും നല്കാതെ പിരിച്ചുവിടുക തുടങ്ങി നിരവധി പ്രശ്നങ്ങള് റിപ്പോര്ട്ട് ചെയ്യപ്പെടുന്നുണ്ട്. ഹ്യൂണ്ടായ് പ്ലാന്റിലെ തൊഴിലാളികള്ക്കിടയിലും അസംതൃപ്തി കാര്യമായി വളര്ന്നിട്ടുണ്ടെന്നാണ് റിപ്പോര്ട്ടുകള് കാണിക്കുന്നത്. ഇയോണ് പുറത്തിറങ്ങിയ ഘട്ടത്തില് തൊഴിലാളികള് സമരത്തിനിറങ്ങിയിരുന്നു. നിലവിലുള്ള തൊഴിലാളികളെ കൂടുതല് പണിയെടുപ്പിച്ച് പുതിയ കാര് മോഡലും വിപണിയിലെത്തിക്കാനാണ് കമ്പനി ശ്രമിച്ചത്.
Continue with Google