Click it and Unblock the Notifications
എര്റ്റിഗ ബുക്കിംഗ് 32,000 കവിഞ്ഞു
ഏഴ് വേരിയന്റുകളുമായിട്ടാണ് മാരുതി സുസുക്കി എര്റ്റിഗ വിപണിയിലെത്തിയിരിക്കുന്നത്. എംപിവി സെഗ്മെന്റിലാണ് എര്റ്റിഗയുടെ നിലാപാടെന്ന് പൊതുവില് പറയാമെങ്കിലും വാഹനലക്ഷണശാസ്ത്ര പ്രകാരം അത് അത്രകണ്ട് ശരിയാവുകയുമില്ല. ഇക്കാരണത്താലാണ് എര്റ്റിഗയെ മാരുതി എല്യുവി(ലൈഫ് യൂട്ടിലിറ്റി വാഹനം) അഥവാ "ജീവിതോദ്ദേശ്യ വാഹനം" എന്നു വിളിക്കുന്നത്. ജീവിതോദ്ദേശ്യമെന്ന വാക്കുകൊണ്ട് ഒരൊറ്റ ഉദ്ദേശ്യമേ മാരുതി മുമ്പോട്ടു വെക്കുന്നുള്ളൂ. ഇന്ത്യന് സാമ്പത്തിക, സാംസ്കാരിക, സാമൂഹിക, ശാരീരിക പ്രത്യേകതകളെ കാര്യക്ഷമമായി ഈ എംയുവി അഥവാ എല്യുവി ഉള്ക്കൊണ്ടിരിക്കുന്നു.
എര്റ്റിഗയിലൂടെ മാരുതിക്ക് ഇടക്കാലത്ത് നഷ്ടപ്പെട്ട വിപണിവിഹിതം തിരിച്ചുപിടിക്കാമെന്ന പ്രതീക്ഷ കമ്പനിക്കുണ്ട്. 50 ശതമാനത്തിലേക്ക് വിപണിവിഹിതത്തെ എത്തിക്കുകയാണ് ലക്ഷ്യം. നിലവില് 40 ശതമാനത്തിന്റെ പരിധിയിലേക്ക് ചുരുങ്ങിയിരിക്കുകയാണ് വില്പന.
എര്റ്റിഗയുടെ ഡീസല് പതിപ്പിനാണ് ഏറ്റവുമധികം ആവശ്യക്കാരുള്ളത്. മൊത്തം ബുക്കിംഗിന്റെ 70 ശതമാനവും ഡീസല് പതിപ്പിനു വേണ്ടിയുള്ളതാണ്.
Continue with Google