Click it and Unblock the Notifications
എണ്ണവിലമാറ്റം ദിനംപ്രതിയാക്കാന് ആലോചന
അന്താരാഷ്ട്രവിപണി വിലകള് ദിനംപ്രതി മാറുന്നുണ്ട്. ഈ ചലനങ്ങള് ശരിയായി പ്രതിഫലിക്കാതെ വരുന്നതാണ് രാജ്യത്ത് എണ്ണയ്ക്ക് വിലക്കയറ്റം മാത്രം സംഭവിക്കുന്നതെന്നാണ് കേന്ദ്രം വിലയിരുത്തുന്നത്. ക്രൂഡോയില് വിലകയറുമ്പോള് എണ്ണവില കൂട്ടാന് കാണിക്കുന്ന ഉല്സാഹം ക്രൂഡോയില് വില കുറയുമ്പോള് ഉണ്ടാകാറില്ല. ഈ പ്രശ്നം പരിഹരിക്കുന്നതിനായി ദിനംപ്രതിയുള്ള അന്താരാഷ്ട്ര വിലവ്യതിയാനങ്ങള് പ്രതിഫലിക്കുന്ന വിധത്തില് എണ്ണവിലയിടലിനെ മാറ്റാനാണ് ആലോചന.
ഈ സംവിധാനം നിലവില് വരുന്നതോടെ എണ്ണവിലയില് ദിവസവും മാറ്റം വരും. ഇതോടെ ക്രൂഡോയില് വിലയിലുണ്ടാകുന്ന താഴ്ചയുടെ ഗുണം ഉപഭോക്താക്കള്ക്ക് ലഭിക്കുകയും ചെയ്യും.
ഇതോടെ വിലയില് വര്ധനയുണ്ടാകുന്നത് ചെറിയ സംഖ്യകളിലായിരിക്കും. ഒരുമിച്ച് അഞ്ചും ആറും രൂപ കൂട്ടുന്നത് വഴിയുണ്ടാകാനിടയുള്ള ജനരോഷം കുറയ്ക്കാനും ഈ നടപടി ഉപകരിക്കും.
എന്നാല് ഇത്തരത്തില് വിലനിശ്ചയിക്കുന്നത് വല്യ പാടാണെന്നാണ് സാമ്പത്തികവിദഗ്ധര് ചൂണ്ടിക്കാട്ടുന്നത്. ക്രൂഡ് ഓയില് വിലയെ മാത്രം ആശ്രയിച്ചല്ല എണ്ണ വിലയില് മാറ്റം വരുന്നത് എന്നവര് ചൂണ്ടിക്കാട്ടുന്നു. ക്രൂഡ് ഓയില് വില താഴ്ന്നാലും രൂപയുടെ മൂല്യം ഇടിയുകയാണെങ്കില് പെട്രോള് വില താഴണമെന്നില്ല എന്ന് അവര് ചൂണ്ടിക്കാട്ടുന്നു.
Continue with Google