ടൊയോട്ട കാറുകള്‍ക്ക് വന്‍ഡിമാന്‍ഡ്

നിലവില്‍ വര്‍ഷത്തില്‍ 2,10,000 യൂണിറ്റ് വാഹനങ്ങളാണ് ടൊയോട്ട വിപണിയിലെത്തിക്കുന്നത്. ഇത് 3,10,000 യൂണിറ്റായി ഉയര്‍ത്താനാണ് ആലോചിക്കുന്നത്.

ബങ്കളുരുവിലെ ബിഡദിയിലാണ് ടൊയോട്ട പ്ലാന്‍റ് സ്ഥിതി ചെയ്യുന്നത്.

ടൊയോട്ട ഇന്നോവയാണ് ഏറ്റവും കൂടുതല്‍ ഡിമാന്‍ഡുള്ള ടൊയോട്ട വാഹനം. 15 ദിവസം മുതല്‍ ഒരു മാസം വരെയാണ് നിലവിലെ കാത്തിരിപ്പുസമയം. എംപിവി വിപണിയില്‍ മാരുതിയെ പോലുള്ളവര്‍ കടന്നുവരുന്നതും ഇനിയും നിരവധി വിദേശ കമ്പനികള്‍ കടക്കാനൊരുങ്ങുന്നതും ടൊയോട്ട മുമ്പില്‍ കാണുന്ന മറ്റൊരു വിഷയമാണ്.

ഫോര്‍ച്യൂണര്‍, എട്യോസ്, കൊറോള ആള്‍ടിസ് എന്നീ മോഡലുകളുടെ വില്‍പനയും വര്‍ധിച്ചു വരുന്നുണ്ട്. ബിഡദിയില്‍ തന്നെ നിര്‍മിച്ച ടൊയോട്ടയുടെ രണ്ടാമത്തെ പ്ലാന്‍റിലാണ് ഈ കാറുകളുടെ നിര്‍മാണം നടക്കുന്നത്.

ടൊയോട്ടയില്‍ നിന്നുള്ള പ്രീമിയം കാറായ കാമ്രി, ഇന്ത്യയില്‍ അസംബിള്‍ ചെയ്യാന്‍ തുടങ്ങിയിട്ടുണ്ട്. കുറച്ച് ദിവസങ്ങള്‍ക്ക് മുമ്പാണ് കാമ്രിയുടെ പുതിയ പതിപ്പ് വിപണിയിലെത്തിയത്. ഈ വാഹനത്തിന്‍റെ ഘടകഭാഗങ്ങള്‍ വിദേശത്തു നിന്നെത്തിച്ച് ബിഡദി പ്ലാന്‍റില്‍ വെച്ച് കൂട്ടിയോജിപ്പിക്കുകയാണ് ചെയ്യുന്നത്.