ഇക്കോസ്പോര്‍ട് 5.59 ലക്ഷത്തിന് ലോഞ്ച് ചെയ്തു

ഏറ്റവുമടുത്ത എതിരാളിയായ റിനോ ഡസ്റ്ററിന്‍റെ വിലതുടങ്ങുന്നത് കൊച്ചി എക്സ്ഷോറൂം നിരക്ക് പ്രകാരം 8,06,000 രൂപയിലാണ്. അവസാനിക്കുന്നത് 12,31,000 രൂപയിലും. ഈ വാഹനത്തെക്കാള്‍ എത്യും മത്സരക്ഷമമായ വിലയിലാണ് ഇക്കോസ്പോര്‍ട് വന്നിരിക്കുന്നത്. എന്നാല്‍, ഇതോടൊപ്പം ചേര്‍ത്തുകാണേണ്ട ഒരു വസ്തുത, റിനോ ഡസ്റ്റര്‍, ഇക്കോസ്പോര്‍ടിനെപ്പോലെ 4 മീറ്ററിനകത്ത് വരുന്ന വാഹനമല്ല എന്നതാണ്. നാല് മീറ്ററിനുള്ളില്‍ വരുന്നതിനാല്‍ ഇക്കോസ്പോര്‍ടിന് ലഭിക്കുന്ന ടാക്സിളവ് പെരുത്തതാണ്.

ടാക്സിളവിന് വേണ്ടി വാഹനത്തിന്‍റെ ഗാംഭീര്യമാര്‍ന്ന സൗന്ദര്യത്തെ വിട്ടുവീഴ്ച ചെയ്യാന്‍ ഡസ്റ്റര്‍ ശ്രമിച്ചിട്ടില്ല എന്നത് പ്രത്യേകം കാണണം. നാല് മീറ്ററിനകത്ത് നില്‍ക്കുമ്പോളും ഇക്കോസ്പോര്‍ടിന്‍റെ സ്റ്റൈലിന് യാതൊരു കുറവും കാണാന്‍ കഴിയില്ല എന്നതും പരിഗണിക്കണം.

5.59 ലക്ഷം എന്ന വില എസ്‍യുവി സെഗ്മെന്‍റില്‍ മാത്രമല്ല ചലനങ്ങളുണ്ടാക്കുക. പ്രീമിയം ഹാച്ച്ബാക്ക് നിരയിലെ വിലയുമായുള്ള താദാത്മ്യം അവിടെയും കാര്യപ്പെട്ട മാറ്റങ്ങളുണ്ടാക്കും. പ്രീമിയം ഹാച്ച്ബാക്ക് ഉപഭോക്താക്കള്‍ ഇക്കോസ്പോര്‍ടിലേക്ക് നീങ്ങാനുള്ള സാധ്യത തള്ളിക്കളയേണ്ടതില്ല.

ഫോഡ് ഇക്കോബൂസ്റ്റ് വിലകള്‍

1.5 പെട്രോള്‍ - 5.59 ലക്ഷം

1.5 ഡീസല്‍ - 6.69ലക്ഷം

1.0 ഇക്കോബൂസ്റ്റ് പെട്രോള്‍ - 7.90 ലക്ഷം

1.5 പെട്രോള്‍ ഓട്ടോമാറ്റിക് - 8.45 ലക്ഷം

കൂടുതല്‍ വിവരങ്ങളൊന്നും ലഭിക്കാറായിട്ടില്ല. വിശദാംശങ്ങളുമായി ഉടനെയെത്താം.