ഹെന്നസി വെനോം: ലോകത്തിലെ വേഗമേറിയ കാര്‍

Updated: Friday, January 25, 2013, 12:25 [IST]

ലോകത്തിലെ ഏറ്റവും വേഗമേറിയ, ഉല്‍പാദനത്തിലുള്ള കാര്‍ ഏതെന്നതിന് ഗിന്നസ് ബുക്ക് നല്‍കുന്ന ഉത്തരമാണ് ഹെന്നെസി വെനോം ജിടി. കാഴ്ചയില്‍ തന്നെ മസില്‍ കരുത്തിനെ വിളംബരം ചെയ്യുന്ന ഈ കാറിന്‍റെ എന്‍ജിന്‍ 1,244 കുതിരകളുടെ ശേഷിയാണ് പകരുന്നത് . മണിക്കൂറില്‍ 300 കിലോമീറ്റര്‍ വേഗത പിടിക്കാന്‍ 14.51 സെക്കന്‍ാണ് ഹെന്നെസി എടുക്കുക

ഗിന്നസ് പ്രതിനിധികള്‍ക്കായി ഈ റെക്കോര്‍ഡ് പ്രകടനം നടന്നത് ടെക്സാസിലെ എല്ലിംഗ്‍ടണ്‍ എയര്‍പോര്‍ടിലാണ്. കൊയെഗ്നിസെഗ് അഗെറ ഈ സന്ദര്‍ഭത്തില്‍ 300 കിമി ഇത്ര വേഗത്തില്‍ പിടിക്കാന്‍ കഴിയാതെ പിന്‍വാങ്ങിയ കാര്യവും പ്രത്യേകം പരാമര്‍ശിക്കേണ്ടിയിരിക്കുന്നു.

ഒരു ഇന്ത്യന്‍ എസ്‍യുവിക്ക് ഇത്രയും സെക്കന്‍ഡുകള്‍ കൊണ്ട് പിടിക്കാവുന്ന പരമാവധി വേഗം 100 കിലോമീറ്ററാണ്.

നേരത്തെ ഈ ടെസ്റ്റില്‍ കൊയെഗ്നിസെഗ്ഗ് അഗെറ 300 കിമി വേഗം പിടിക്കാന്‍ 17.68 സെക്കന്‍ഡ് എടുത്തിരുന്നു. ബുഗാട്ടി വെയ്റോണ്‍ സ്പോര്‍ട് 22.2 സെസക്കന്‍ഡു കൊണ്ടാണ് 300 കിമി വേഗം പിടിച്ച് മുമ്പ് റെക്കോഡിട്ടത്.

താഴെ ചിത്രങ്ങള്‍ കാണാം.