Click it and Unblock the Notifications
മെഴ്സിഡിസ് ബെന്സ് ഇ 63 ലോഞ്ച് ചെയ്തു
മെഴ്സിഡിസ് ബെന്സ് ഇ ക്ലാസിന്റ പെര്ഫോമന്സ് പതിപ്പായ ഇ 63 എഎംജി ഇന്ത്യന് വിപണിയില് ലോഞ്ച് ചെയ്തു. ദില്ലിയിലെ ബുദ്ധ് ഇന്റര്നാഷണല് സര്ക്യൂട്ടില് വെച്ചാണ് വാഹനത്തിന്റെ ലോഞ്ച് നടന്നത്. 1.29 കോടി വിലയിട്ടിരിക്കുന്ന ഈ വാഹനം പൂര്ണമായും പുറത്ത് നിര്മിച്ച് ഇന്ത്യയിലേക്ക് ഇറക്കുമതി ചെയ്യുകയാണ് മെര്ക് ചെയ്യുന്നത്.
ഇ 63 എഎംജിക്ക് കുറെക്കൂടി കരുത്തേറിയ ഒരു പതിപ്പ് (E 63 AMG S trim) വിദേശ വിപണികളിലുണ്ട്. ഇന്ത്യയില് ഈ പതിപ്പ് ഇനിയും കുറെക്കാലത്തേക്കു കൂടി ലഭ്യമാകില്ല എന്നാണ് മനസ്സിലാക്കാന് കഴിയുന്നത്.
എന്ജിന്
5.5 ലിറ്റര് ശേഷിയുള്ള ട്വിന് ടര്ബോ വി8 എന്ജിനാണ് ഇ 63ക്കുള്ളത്. 557 കുതിരകളെയാണ് ഈ എന്ജിനില് അടക്കം ചെയ്തിരിക്കുന്നത്. 720 എന്എം ചക്രവീര്യം പകരുന്നുണ്ട് ഇവന്.
7 സ്പീഡ് ഓട്ടോമാറ്റിക്
7 സ്പീഡ് ഓട്ടോമാറ്റിക് ട്രാന്സ്മിഷനില് വരുന്നു ഇ 63. മാന്വല് ഷിഫ്റ്റ് മോഡിലും വാഹനത്തെ കൈകാര്യം ചെയ്യാം. പിന്വീല് ഡ്രൈവ് സിസ്റ്റമാണ് ഇന്ത്യയിലെത്തിച്ചിരിക്കുന്നത്.
വേഗം
4.2 സെക്കന്ഡുകള്ക്കുള്ളില് 100 കിലോമീറ്റര് വേഗത പിടിക്കാന് ഈ വാഹനത്തിന് സാധിക്കുന്നു. പരമാവധി വേഗത മണിക്കൂറില് 250 കിലോമീറ്ററാണ്.
സ്പോര്ട്സ് എക്സോസ്റ്റ്
എഎംജി മോഡലുകളില് സാധാരണമായ സ്പോര്ട്സ് എക്സോസ്റ്റുകള് തന്നെയാണ് വാഹനത്തില് കാണാന് കഴിയുക.
ഡിസൈന്
കുറുകെ ഇരട്ട ആരങ്ങളുള്ള റേഡിയേറ്റര് ഗ്രില്ലില് മെര്ക് ലോഗോ ഇടം പിടിച്ചിരിക്കുന്നു. ഇ ക്ലാസിന്റെ റീഡിസൈന് ചെയ്ത അതേ ശൈലിയിലുള്ള, പൂര്ണമായും എല്ഇഡിയിലുള്ള ഹെഡ്ലാമ്പും വാഹനത്തില് കാണാം.
അകപ്പെരുമ
നാപ്പ തുകലിന്റെ ഉദാരമായ ഉപയോഗം ഇ 63യുടെ അകപ്പെരുമ കൂട്ടുന്നു. സീറ്റുകളിലും സ്റ്റീയറിംഗ് വീലിലും ലതര് സാന്നിധ്യം ആസ്വദിക്കാം.
സുരക്ഷ
ആക്ടിവ് പാര്ക്കിംഗ് അസിസ്റ്റ്, അറ്റന്ഷന് അസിസ്റ്റ്, കൊളിഷന് പ്രിവന്ഷന് അസിസ്റ്റ് എന്നിങ്ങനെ സമ്പന്നമായ സുരക്ഷാ സന്നാഹങ്ങള് വാഹനത്തില് കാണാം.
Continue with Google