സ്വിഫ്റ്റ് ഫോര്‍ വീല്‍ ഡ്രൈവ് ലോഞ്ച് ചെയ്തു

ഫോര്‍വീല്‍ ഡ്രൈവ് ഘടിപ്പിച്ചതോടെ സ്വിഫ്റ്റ് ഹാച്ച്ബാക്കിന്റെ ഭാരത്തില്‍ വര്‍ധന വന്നിട്ടുണ്ട്. ഏതാണ്ട് 65 കിലോഗ്രാം വര്‍ധനയാണ് സംഭവിച്ചിട്ടുള്ളത്.

ഈ ഫോര്‍വീല്‍ സന്നാഹം വഴി പിന്‍വീലുകളിലേക്കുള്ള ചക്രവീര്യം വര്‍ധിപ്പിച്ചിട്ടുണ്ട്.

രണ്ട് വേരിയന്റുകളില്‍ സ്വിഫ്റ്റ് ഫോര്‍വീല്‍ ഡ്രൈവ് ലഭ്യമാണ്. എസ്‌സെഡ്3, എസ്‌സെഡ്4 എന്നിവ. വാഹനത്തിന്റെ ഗ്രൗണ്ട് ക്ലിയറന്‍സ് 25എംഎം കണ്ട് ഉയര്‍ത്തിയിട്ടുണ്ട്.

എസ്‌സെഡ്3 വരുന്നത് ഫ്രണ്ട് വീല്‍ ഡ്രൈവിന് സമാനമായ സവിശേഷതകളോടെയാണ്. അതെസമയം എസ്‌സെഡ്4ല്‍ നിരവധി പുതിയ സവിശേഷതകള്‍ കൂട്ടിച്ചേര്‍ത്തിട്ടുണ്ട്. കറുത്ത വീല്‍ ആര്‍ച്ചുകളാണ് ഈ പതിപ്പിനുള്ളത്. പവര്‍ ഫോള്‍ഡിംഗ് മിററുകള്‍, മുന്നിലും പിന്നിലും സ്‌കിഡ് പ്ലേറ്റുകള്‍ എന്നിങ്ങനെയുള്ള സംവിധാനങ്ങള്‍ ഇതിലുണ്ട്.

സ്വിഫ്റ്റ് ഫോര്‍വീല്‍ എസ്‌സെഡ്4 പതിപ്പില്‍ ഡേടൈം റണ്ണിംഗ് ലാമ്പുകള്‍ നല്‍കിയിട്ടുണ്ട്.

എസ്‌സെഡ്3യുടെ വില ഇന്ത്യന്‍ രൂപയിലേക്ക് മാറ്റിയാല്‍ 10.44 ലക്ഷവും എസ്‌സെഡ്4ന് 11.89 ലക്ഷവും വരും. ഇത് അവതരണവിലയാണെന്ന് കമ്പനി വ്യക്തമാക്കിയിട്ടുണ്ട്.

റഷ്യന്‍ വിപണിയില്‍ സ്വിഫ്റ്റ് ഫോര്‍ വീല്‍ ഡ്രൈവ് ലഭ്യമാക്കാന്‍ തീരുമാനിച്ചിട്ടുണ്ട് സുസൂക്കി. ഈ വര്‍ഷം അവസാനത്തില്‍ തന്നെ വാഹനം റഷ്യയിലിറങ്ങും.

യുകെയുടെ ഗ്രാമ വിപണികളെ ലക്ഷ്യം വെക്കുന്ന ഈ വാഹനം ഇന്ത്യയിലെത്തുമോ എന്ന കാര്യമാണ് ഇനി ആലോചിക്കേണ്ടത്. ഇന്ത്യയില്‍ ഗ്രാമ വിപണികളില്‍ ആരും തന്നെ ഈ വാഹനം വാങ്ങാന്‍ പോകുന്നില്ല എന്നത് ഉറപ്പിക്കാം. ഫോര്‍വീല്‍ ഡ്രൈവ് സന്നാഹത്തിന് നഗരങ്ങളില്‍ പ്രിയമുണ്ടെങ്കിലും ഇത്രയും ചെറിയൊരു വാഹനം ആളുകള്‍ എത്രത്തോളം തെരഞ്ഞെടുക്കും എന്നാലോചിക്കേണ്ടതുണ്ട്. വില വലിയ തോതില്‍ ഉയരുമെന്നതിനാല്‍ സമാനമായ വിലയ്ക്ക് ഒരു എസ്‌യുവി സ്വന്തമാക്കാമെന്ന് കരുതുന്നവരായിരിക്കും അധികവും.