പെണ്ണുങ്ങളുടെ ദിനത്തില്‍ അര്‍മാദിക്കാന്‍!

Updated: Friday, March 8, 2013, 17:31 [IST]

ഇന്ന് പെണ്ണുങ്ങളുടെ ദിനമാണ്. മറ്റെല്ലാ ദിനങ്ങളും ആണുങ്ങളുടെ ഉടമസ്ഥതയിലുള്ളതാകയാല്‍ ഒരു സേഫ്റ്റി വാല്‍വ് എന്ന നിലയിലാണ് പെണ്ണുങ്ങള്‍ക്കായി ഒരു പ്രത്യേക ദിനം മാറ്റി വെച്ചിരിക്കുന്നത്. പെണ്ണുങ്ങളെക്കൊണ്ട് പ്രസ്തുത ദിനത്തെ അംഗീകരിപ്പിക്കുന്നതിലും ആണുങ്ങള്‍ വലിയ തോതില്‍ വിജയിച്ചിരിക്കുന്നു എന്നു കാണാം.

ഇത്തരം ദിനങ്ങള്‍ ആഘോഷിക്കുന്ന പെണ്‍കിടാങ്ങളെ സന്തോഷിപ്പിച്ചു നിറുത്തേണ്ടത് ആണുങ്ങളുടെയെല്ലാം കടമയാണെന്നറിയാമല്ലോ. ഇതിനായി ആണുങ്ങള്‍ ഇത്തവണ ഒരു കാര്‍ വാങ്ങിക്കൊടുക്കുക. ഏതുതരം കാറുകളാണ് പെണ്‍കിടാങ്ങള്‍ കൂടുതല്‍ ഇഷ്ടപ്പെടുന്നതെന്ന് ചോദിച്ചുകൊണ്ട് നിരവധി പേര്‍ ഗൂഗിളിലും മറ്റും തെണ്ടിത്തെരയുന്നതായി അറിയുന്നു. അവര്‍ക്കായി ഇതാ ഒരുപഹാരം. പെണ്ണുങ്ങളിഷ്ടപ്പെടുന്ന കാറുകള്‍!

പെണ്ണുങ്ങളുടെ ദിനത്തില്‍ അര്‍മാദിക്കാന്

സ്ത്രീകള്‍ പൊതുവില്‍ രണ്ട് കാര്യങ്ങളാണ് കാറില്‍ നോക്കുക. ആയാസമില്ലാത്ത ഡ്രൈവിംഗ് ആണ് ഒന്ന്. രണ്ട്: കാണാനുള്ള ചന്തം. വാഹനത്തിന്‍റെ ടോര്‍ക്ക് നില, കുതിരശക്തി, ഫ്യുവല്‍ ഇന്‍ജക്ഷന്‍ ശേഷി തുടങ്ങിയ കാര്യങ്ങളെക്കുറിച്ച് അവര്‍ കാര്യമായൊന്നും ആലോചിക്കുന്നില്ല. വെറുതെ അതെക്കുറിച്ചെല്ലാം പറഞ്ഞ് അവരെ ബോറടിപ്പിക്കാന്‍ നില്‍ക്കരുത്.

ഫോക്സ്‍വാഗണ്‍ ബീറ്റില്‍

പെണ്ണുങ്ങള്‍ക്കുള്ള കാര്‍ എന്ന് പറഞ്ഞപ്പോള്‍ തന്നെ നിങ്ങളൂഹിച്ചുകാണും ആദ്യത്തെ കാറേതെന്ന്. അതെ നിങ്ങള്‍ക്ക് ഒട്ടും തെറ്റിയിട്ടില്ല. ഫോക്സ്‍വാഗണ്‍ ബീറ്റില്‍ തന്നെയാണ് ആ കാര്‍. പണം ധാരാളമുള്ളവര്‍ ഭാര്യമാര്‍ക്ക് ഈ കാര്‍ വാങ്ങിക്കൊടുക്കുന്നത് ഒരു ചടങ്ങു തന്നെയായി മാറിയിട്ടുണ്ട്. ഭംഗിയിലും കരുത്തിലുമൊന്നും ഒട്ടും കോംപ്രമൈസ് ചെയ്യുന്നില്ല ഈ വാഹനം.