Click it and Unblock the Notifications
ഓവര്ടേക്ക് ചെയ്യുമ്പോള്
ശ്രദ്ധിക്കാനുള്ള ഘടകങ്ങള് വളരെയൊന്നും ഇല്ല. റോഡിന്റെ അവസ്ഥ, പാലം, കയറ്റിറക്കങ്ങള് തുടങ്ങിയ കാര്യങ്ങള് ശ്രദ്ധിച്ചതിനു ശേഷം വേണം ഓവര്ടേക്ക് ചെയ്യാനുള്ള തീരുമാനമെടുക്കാന്. ട്രാഫിക് സിഗ്നലുകളെ ശ്രദ്ധിച്ചാവണം തീരുമാനം നടപ്പില് വരുത്താന്. കാണേണ്ട സിഗ്നലുകള് കണ്ടും നല്കേണ്ട സിഗ്നലുകള് നല്കിയും തീരുമാനമെടുക്കുക. റോഡ് മാര്ക്കിംഗ് പ്രത്യേകം ശ്രദ്ധിക്കുക.
ഒരു കാരണവശാലും ഓവര്ടേക്ക് ചെയ്യുന്ന മറ്റൊരു വാഹനത്തെ പിന്തുടരരുത്. പ്രസ്തുത വാഹനത്തിന്റെ തീരുമാനം മാറുന്നതിനനുസരിച്ച് നമുക്ക് തീരുമാനം മാറ്റാന് കഴിഞ്ഞെന്നു വരില്ല. ഇത് അപകടത്തിലേക്ക് നയിക്കുന്നു.
മുന്വശം പൂര്ണമായും നമ്മുടെ ദൗത്യത്തിന് സജ്ജമാണെന്നു കണ്ടാല് പിന്വശം മിറര് വഴി നിരീക്ഷിക്കുക. പിന്നില് നിന്ന് വാഹനങ്ങള് സമീപിക്കുന്നുണ്ടെങ്കില് സിഗ്നല് നല്കി ചെയ്യാന് പോകുന്ന കാര്യം അയാളെ അറിയിക്കുക. സിഗ്നല് കണ്ടാല് മനസ്സിലാക്കാന് പ്രായമായിട്ടില്ലാത്ത ചിലരായിരിക്കും പിന്നിലെ വണ്ടിയിലുള്ളത്. അത് പ്രത്യേകം ശ്രദ്ധിക്കുക.
മുന്പിലെ വാഹനത്തിന്റെ ഡ്രൈവറില് നിന്ന് അനുകൂലമായ സിഗ്നല് ലഭിച്ചാല് മുന്നോട്ടു നീങ്ങാം. വളവുകളില് വെച്ച് ഈ പണി ഒരു കാരണവശാലും ചെയ്യരുത്.
ചില പ്രത്യേക ചരക്കുകള് കൊണ്ടു പോകുന്ന വാഹനങ്ങള്ക്ക് 13 മീറ്റര് വരെ നീളമുണ്ടാകാറുണ്ട്. ഇത്തരം വാഹനങ്ങളെ മറികടക്കാന് ശ്രമിക്കുമ്പോള് കൂടുതല് ശ്രദ്ധിക്കണം.
സീബ്ര ക്രോസ്സിംഗ്, പെലികണ് ക്രോസിംഗ് എന്നിവ ഉള്ളയിടങ്ങളില് വെച്ച് ഓവര്ടേക്ക് ചെയ്യരുത്. ഓവര്ടേക്ക് അനുവദിക്കാത്ത ട്രാഫിക് സിഗ്നലുകളോ റോഡ് സൈനുകളോ കണ്ടാല് സംയമനം പാലിക്കുക. വളവ്, ഹംപ്, വീതികുറഞ്ഞ റോഡ്, പാലം എന്നിവിടങ്ങളില് വെച്ച് ഓവര്ടേക്ക് ചെയ്യാതിരിക്കുക.
ആരെങ്കിലും ധൃതിയില് വരുന്നുണ്ടെങ്കില് അവര്ക്ക് വഴിയൊഴിഞ്ഞു കൊടുക്കേണ്ടത് സാമാന്യമര്യാദയാണ്. മറ്റുള്ളവരുടെ ഓവര്ടേക്കിംഗ് അനാവശ്യമായി തകര്ക്കരുത്. മറ്റൊരാള് ഓവര്ടേക്ക് ചെയ്യുമ്പോള് ആക്സിലറേറ്റ് ചെയ്യുക, കൂടുതല് വലത്തോട്ട് ചായുക എന്നിവ ശരിയായ നടപടിയല്ല. ഇത് രണ്ടുകൂട്ടരുടെയും ജീവന് അപകടത്തിലാക്കുന്നു.
Continue with Google