Just In
- 1 hr ago ഇന്ത്യയിൽ ചരിത്രം കുറിച്ച് മഞ്ഞൻ മണ്ണുമാന്തി; 5 ലക്ഷം യൂണിറ്റ് പ്രൊഡക്ഷൻ പിന്നിട്ട് JCB
- 14 hrs ago ടിക്കറ്റില്ലാത്തവര് റിസര്വ്ഡ് സീറ്റ് കൈയ്യേറിയോ? ഇക്കാര്യങ്ങള് ചെയ്താല് മതിയെന്ന് റെയില്വേ
- 14 hrs ago വിദേശത്തുണ്ട് ഇന്ത്യയിലേയ്ക്ക് എത്തില്ല, പുത്തൻ സ്വിഫ്റ്റിൽ ഒഴിവാക്കാൻ സാധ്യതയുളള ഫീച്ചറുകൾ ഇവയൊക്കെ
- 15 hrs ago അതെന്നാ അങ്ങനെ? എഞ്ചിൻ കപ്പാസിറ്റി ഒന്നാണെങ്കിലും സ്കൂട്ടറിലും ബൈക്കിലും മൈലേജ് വ്യത്യാസം എന്തുകൊണ്ട്?
Don't Miss
- News കെജ്രിവാളിന്റെ അറസ്റ്റ്; നിലപാട് ആവർത്തിച്ച് യുഎസ്, കോൺഗ്രസ് അക്കൗണ്ട് മരവിപ്പിക്കലും പരാമർശിച്ചു
- Finance ഒരു വർഷത്തിനിടെ 91% നേട്ടം, തീ പാറി തീമാറ്റിക് ഫണ്ട് നിക്ഷേപം, അറിയാം മികച്ച 10 ഫണ്ടുകൾ
- Movies ചെന്നൈ എന്നാല് സ്വാതന്ത്ര്യമാണ്, എനിക്ക് ആര്ത്തി ഉണ്ട്, അത് സിനിമയോടല്ല; വിനീത് ശ്രീനിവാസന്
- Technology 202 രൂപയ്ക്ക് 13+ ഒടിടി പ്ലാറ്റ്ഫോമുകളും 400+ ചാനലുകളുമായി വിഐയുടെ പുതിയ പ്ലാൻ; പക്ഷെ ഒരു ട്വിസ്റ്റ് ഉണ്ട്
- Sports IPL 2024: കടുത്ത നീക്കത്തിന് മുംബൈ, രോഹിത്തുമായി അംബാനിയുടെ ചര്ച്ച! ഹാര്ദിക്ക് പുറത്തേക്ക്?
- Lifestyle ഈ ബ്രേക്ക്ഫാസ്റ്റുകള് ഒരു കാരണവശാലും വേണ്ട
- Travel ഇതല്ലേ സ്വർഗ്ഗം! ഈ ജീവിതത്തില് ഇതൊക്കെയല്ലേ കാണേണ്ടത്; ജന്നത്ത്- ഇ- കശ്മീര് യാത്രയുമായി ഐആര്സിടിസി
സ്റ്റീയറിംഗ് വീല് തിരിക്കാന് ബലം പ്രയോഗിക്കേണ്ടി വരുന്നുണ്ടോ? കാരണങ്ങള് ഇതാണ്
വാഹനത്തിന്റെ നിയന്ത്രണം പ്രധാനമായും സ്റ്റീയറിംഗ് സംവിധാനത്തെ ആശ്രയിച്ചാണ് നിലകൊള്ളാറ്. കാറിനെ ഏതു ദിശയ്ക്ക് നയിക്കണമെന്ന് സ്റ്റീയറിംഗ് വീല് തീരുമാനിക്കും. സ്റ്റീയറിംഗ് വീലുകളുടെ പ്രവര്ത്തനം കാര്യക്ഷമമെങ്കിൽ മാത്രമെ കാര് പൂര്ണ സുരക്ഷിതമെന്ന് വിധിയെഴുതാന് സാധിക്കുകയുള്ളു.
സ്റ്റീയറിംഗ് വീലില് അനുഭവപ്പെടുന്ന പ്രശ്നങ്ങളെ നിസാരമെന്ന് കരുതി തള്ളിക്കള്ളയരുത്. സ്റ്റീയറിംഗ് വീല് തിരിക്കാന് ബലം പ്രയോഗിക്കേണ്ടി വരുന്ന സാഹചര്യം കാറുകളില് പതിവാണ്. സ്റ്റീയറിംഗ് വീലിന്റെ ഈ 'ബലംപിടുത്തത്തിനുള്ള' കാരണങ്ങള് പരിശോധിക്കാം —
ടയര് മര്ദ്ദം
സ്റ്റീയറിംഗ് വീല് തിരിക്കാന് ബലം പ്രയോഗിക്കേണ്ടി വരുന്നുണ്ടെങ്കില് ആദ്യം നോട്ടമെത്തേണ്ടത് ടയറുകളിലേക്കാണ്. കുറഞ്ഞ ടയര് മര്ദ്ദം, ടയര് പങ്ചര് എന്നിവ സ്റ്റീയറിംഗ് വീലിന്റെ കാര്യക്ഷമതയെ ബാധിക്കും.
നിര്മ്മാതാക്കള് നിര്ദ്ദേശിക്കുന്ന തോതില് ടയര് മര്ദ്ദം പാലിക്കാന് പ്രത്യേകം ശ്രദ്ധിക്കണം. ഇതിനൊപ്പം മുന് നിര ടയറുകളുടെ അലൈന്മെന്റിലേക്കും ശ്രദ്ധ നല്കേണ്ടതുണ്ട്.
അലൈന്മെന്റ് തകരാറുണ്ടെങ്കില് കാര് ഒരു വശത്തേക്ക് കൂടുതല് നീങ്ങും. ഇത് സ്റ്റീയറിംഗ് വീൽ നിയന്ത്രണത്തില് കൂടുതൽ ബുദ്ധിമുട്ട് സൃഷ്ടിക്കും.
Recommended Video
സ്റ്റീയറിംഗ് റാക്കില് തകരാര്
ഒരുപിടി ഷാഫ്റ്റുകളും U-Joint കളും മുഖേനയാണ് സ്റ്റീയറിംഗ് റാക്ക്സ്റ്റീയറിംഗ് വീലുമായി ബന്ധം സ്ഥാപിക്കുന്നത്. ദിവസനേയുള്ള ഡ്രൈവിംഗില് ഈ ഭാഗങ്ങള്ക്ക് തകരാര് സംഭവിക്കാം.
സ്റ്റാര്ട്ട് ചെയ്ത് കാര് നീങ്ങി തുടങ്ങുമ്പോള് മാത്രമാണ് സ്റ്റീയറിംഗ് കൂടുതല് ബലപ്പെട്ടതായി അനുഭവപ്പെടുന്നതെങ്കില് പ്രശ്നം സ്റ്റീയറിംഗ് റാക്കിനാണ്. ഡ്രൈവിംഗ് തുടരുമ്പോള് സ്റ്റീയറിംഗ് വീലിന്റെ ബലംപിടുത്തം താനെ കുറയാറാണ് പതിവ്.
എഞ്ചിന് പ്രവര്ത്തിക്കുമ്പോള് റാക്ക് ചൂടാകും. ഇത് സ്റ്റീയറിംഗ് വീലിനെ മയപ്പെടുത്തും. സ്റ്റീയറിംഗ് റാക്കിലുള്ള തകരാറുകള് ഉടനടി പരിഹരിക്കുന്നതാണ് ഉത്തമം.
സെര്പന്റൈന് ബെല്റ്റില് തകരാര്
സെര്പെന്റൈന് ബെല്റ്റിലുള്ള (Serpentine Belt) തകരാറും സ്റ്റീയറിംഗ് വീലിന്റെ ബലംപിടുത്തതിനുള്ള കാരണമാണ്. ഡ്രൈവിംഗില് സ്ഥിരമായി ഉപയോഗിക്കപ്പെടുന്നതിനാല് സെര്പന്റൈന് ബെല്റ്റില് കാലക്രമേണ വിള്ളലുകള് ഉടലെടുക്കും. സാധാരണയായി സെര്പന്റൈന് ബെല്റ്റ് അയഞ്ഞു തുടങ്ങിയാലാണ് സ്റ്റീയറിംഗ് വീല് തിരിക്കാന് ബുദ്ധിമുട്ട് നേരിടാറ്.
പമ്പില് തകരാര്
പമ്പിന്റെ സഹായത്താലാണ് പവര് സ്റ്റീയറിംഗ് സംവിധാനം കാര്യക്ഷമമായി പ്രവര്ത്തിക്കുക. ഏതെങ്കിലും കാരണത്താല് പമ്പിന് തകരാറ് സംഭവിച്ചാല് സ്റ്റീയറിംഗ് വീല് തിരിക്കാന് ബുദ്ധിമുട്ട് നേരിടും.
പവര് സ്റ്റീയറിംഗ് സംവിധാനത്തിന് ആവശ്യമായ മര്ദ്ദം ലഭിക്കാത്തതാണ് ഇതിന് കാരണം. പമ്പിലെ തകരാര് സ്റ്റീയറിംഗ് വീലിന്റെ പ്രവര്ത്തനത്തെ ബാധിക്കില്ല. എന്നാല് ഈ സന്ദര്ഭത്തില് സ്റ്റീയറിംഗ് വീല് തിരിക്കാന് ഡ്രൈവര്ക്ക് കൂടുതല് ബലം പ്രയോഗിക്കേണ്ടി വരും.
കുറഞ്ഞ വേഗതയില് സ്റ്റീയറിംഗ് വീല് തിരിക്കാന് ബുദ്ധിമുട്ട്
വളവുകളില് വേഗത കുറച്ച് കാര് തിരിക്കുമ്പോള് മാത്രം സ്റ്റീയറിംഗ് വീല് ബലം പിടിക്കുന്നതായി ചിലര്ക്ക് അനുഭവപ്പെട്ടിട്ടുണ്ടാകും. പവര് സ്റ്റീയറിംഗ് സംവിധാനത്തിലുള്ള കുഴപ്പങ്ങളാണ് ഇവിടെയും കാരണം.
പമ്പ്, ഓയില്, സെര്പന്റൈന് ബെല്റ്റ് എന്നിവയില് ഏതുമാകാം പ്രശ്ന കാരണം. വളവുകളില് ഇവ മൂന്നും ഒരുമിച്ച് പ്രവര്ത്തിച്ചാണ് സ്റ്റീയറിംഗ് വീലിന്റെ പ്രതിരോധം കുറയ്ക്കുന്നത്.
കൃത്യമായ പരിപാലനവും സര്വീസും സ്റ്റീയറിംഗ് വീല് പ്രശ്നങ്ങളെ കാറില് നിന്നും അകറ്റും. കാറിലെ ഫ്ളൂയിഡ് നില ഇടവേളകളില് വിലയിരുത്തണം. ഒപ്പം സര്വീസ് ചെയ്യുമ്പോള് പവര് സ്റ്റീയറിംഗ് സംവിധാനം കൃത്യമായി പരിശോധിച്ചെന്ന് ഉറപ്പ് വരുത്തിയാൽ സ്റ്റീയറിംഗ് വീലിൽ ഈ ബലംപിടുത്തം ഉണ്ടാകില്ല.