എന്തിനാണ് കുഞ്ഞുങ്ങളെ കാറില്‍ പൂട്ടിയിട്ട് കൊല്ലുന്നത്?

പല കാരണങ്ങളുണ്ട്. ഒന്ന് മേല്‍പ്പറഞ്ഞ സംഭവത്തിലെപ്പോലെ ഉള്ളില്‍ വായു സഞ്ചാാരം കുറഞ്ഞ് ശ്വാസംമൂട്ടി മരണം സംഭവിക്കാം. മറ്റൊന്ന്, ഏസി പ്രവര്‍ത്തിക്കുന്നുണ്ടെങ്കില്‍ സംഭവിക്കാറുള്ളതാണ്. തണുപ്പ് കൊടിയ തോതില്‍ ഉയര്‍ന്ന് 'ഹൈപ്പോതെര്‍മിയ' എന്ന് വിളിക്കുന്ന അവസ്ഥയില്‍ മരണം സംഭവിക്കുന്നു. ശരീരത്തിന്റെ താപനില വളരെയധികം കുറഞ്ഞു വരികയാണ് ഈയവസ്ഥയില്‍ സംഭവിക്കുന്നത്. തണുപ്പേറിയ പ്രദേശങ്ങളില്‍ ഇത്തരം സംഭവങ്ങള്‍ ധാരാളം റിപ്പോര്‍ട്ട് ചെയ്യപ്പെടുന്നുണ്ട്.

മറ്റൊന്ന് 'ഹൈപ്പര്‍തെര്‍മിയ' എന്ന് വിളിക്കപ്പെടുന്ന അവസ്ഥയാണ്. കാറിനുള്ളില്‍ താപനില വര്‍ധിക്കുകയും ശരീരത്തിന് താങ്ങാനാവുന്നതിലധികമായിത്തീരുകയും ചെയ്യുന്നു. വേറൊരു കാരണം എന്‍ജിന്‍ പുറത്തുവിടുന്ന പുക ഏതെങ്കിലും വഴിയിലൂടെ അകത്തു കയറുന്നതാണ്. കാറിനുള്ളില്‍ കാര്‍ബണ്‍ മോണോക്‌സൈഡ് സാന്നിധ്യം വര്‍ധിക്കുകയും ഇത് മരണകാരണമാവുകയും ചെയ്യുന്നു.

കാറിനകത്തെ ചൂട് വളരെ പെട്ടെന്ന് ഉയരുമെന്ന് വിദഗ്ധര്‍ ചൂണ്ടിക്കാട്ടുന്നു. രണ്ടോ മൂന്നോ മിനിട്ടിനുള്ളില്‍ 140 ഡിഗ്രീസ് ഫാരന്‍ഹീറ്റ് വരെയെത്താം. ഇത്തരം സാഹചര്യങ്ങള്‍ ഒഴിവാക്കാന്‍ പറ്റിയ ഒരേയൊരു വഴി കുട്ടികളെ കാറില്‍ ഉപേക്ഷിച്ച് പോകാതിരിക്കുക എന്നതാണ്.

താപനില വര്‍ധിച്ച് ക്ഷീണിച്ച അസ്ഥയില്‍ കുട്ടിയെ പുറത്തെടുത്താല്‍ തണുത്ത ഇടത്തില്‍ നിറുത്തിയും തണുത്ത കാറ്റടിപ്പിച്ചും ശരീരത്തിന്റെ താപനില വീണ്ടെടുക്കാന്‍ സഹായിക്കുകയാണ് ചെയ്യേണ്ടതെന്ന് വിദഗ്ധര്‍ പറയുന്നു.

എങ്ങനെയാണ് ഇത്തരം സംഭവങ്ങള്‍ ആവര്‍ത്തിക്കുന്നത്. എല്ലാവരും എല്ലാ വിവരവും അറിയുന്നുണ്ട് എന്ന് പറയപ്പെടുന്ന ഒരു ലോകത്തില്‍? ഇതിന് കാരണം തിരയേണ്ടത് തലച്ചോറിലാണെന്ന് പറയുന്നു ചില വിദഗ്ധര്‍. ദൈനംദിന ഉത്തരവാദിത്തങ്ങള്‍ ഏറ്റെടുക്കേണ്ട തലച്ചോറിലെ ഭാഗങ്ങള്‍ കൊടിയ ടെന്‍ഷനുകളില്‍ പെട്ട് ആകെ തകരാറിലാവുകയും ചെയ്യേണ്ടവ ചെയ്യാതിരിക്കുകയും ചെയ്യരുതാത്തത് ചെയ്യുകയും ചെയ്യുന്നു. തല്‍ഫലമായി കുട്ടികളെ മരണത്തിന്റെ വാഹനത്തില്‍ പൂട്ടിയിട്ട് അവര്‍ ഷോപ്പിംഗിന് പോകുന്നു.