മഹാരാഷ്ട്രയിൽ 190 വർഷം പഴക്കമുള്ള അമൃതഞ്ജൻ പാലം പൊളിച്ചുമാറ്റി

1830 ജനുവരിയിൽ നിർമ്മാണം ആരംഭിക്കുകയും അതേ വർഷം നവംബറിൽ പൊതുജനങ്ങൾക്കായി തുറക്കുകയും ചെയ്തിരുന്നു. ബ്രിട്ടീഷ് കാലഘട്ടത്തിലെ ഈ പാലം പൊളിച്ചുമാറ്റാൻ നിയന്ത്രിത സ്ഫോടനമാണ് അധികൃതർ ഉപയോഗിച്ചത്.

മഹാരാഷ്ട്രയിലെ ഡെക്കാൻ (മലയോര), കൊങ്കൺ (തീരപ്രദേശങ്ങൾ) പ്രദേശങ്ങൾ ബന്ധിപ്പിക്കുന്നതിനായിരുന്നു അമൃതഞ്ജൻ പാലം നിർമ്മിച്ചത്. ഇപ്പോൾ മുംബൈ എന്നറിയപ്പെടുന്ന നഗരത്തിൽ നിന്ന് പൂനെയിലേക്കുള്ള യാത്രാമധ്യേ ഖണ്ടാല, ലോണാവാല എന്നീ മലയോള പ്രദേശങ്ങളിലേക്കുള്ള യാത്ര ഈ പാലം എളുപ്പമാക്കിയിരുന്നു.

പാലത്തിന്റെ സ്തംഭങ്ങൾ ആറ് വരി ഡ്യുവൽ‌ കാരിയേജായ മുംബൈ-പൂനെ എക്സ്പ്രസ് ഹൈവേയിൽ‌ കാര്യമായ തടസ്സം സൃഷ്ടിക്കുന്നതായി പരാതികൾ ഉയർന്നിരുന്നു.

അതു മൂലം ഗതാഗതക്കുരുക്ക് രീക്ഷമാവുന്നതിനാലാണ് കുറച്ചു കാലമായി ഉപയോഗത്തിലില്ലാത്ത പാലം പൊളിക്കാനുള്ള തീരുമാനം എടുത്തതെന്ന് MSRDC -യിലെ ഒരു മുതിർന്ന ഉദ്യോഗസ്ഥൻ പറഞ്ഞത്.

പൊളിച്ചുനീക്കൽ നടപടികൾക്കും മറ്റ് പ്രവർത്തനങ്ങൾക്കും ഏപ്രിൽ 4 മുതൽ 14 വരെ നടത്താൻ MSRDC -ക്ക് റായ്ഗഡ് ജില്ലാ കളക്ടർ അനുമതി നൽകിയിരുന്നു.

ഈ കൊറോണ വൈറസ് ലോക്ക്ഡൗണ്‍ കാലയളവിൽ റോഡിലെ ഗതാഗതം ഗണ്യമായി കുറവായിരിക്കുന്ന സാഹചര്യത്തിൽ തങ്ങളുടെ ജോലി വേഗത്തിൽ പൂർത്തിയാക്കാൻ MSRDC പ്രയോജനപ്പെടുത്തിയതായി മനസ്സിലാക്കാം.