വിന്റേജ് കാര്‍ റാലിയില്‍ പങ്കെടുക്കുന്ന 'രാജാക്കന്മാര്‍'

By Santheep

Published: Thursday, February 5, 2015, 18:25 [IST]

ഒരല്‍പ നേരമെങ്കിലും ഓര്‍മകളില്‍ ജീവിക്കാതെ നമ്മുടെ ഒരുദിവസം പോലും കടന്നു പോകുന്നില്ല. ഓര്‍മിക്കാനുള്ള കഴിവ് നമ്മെ മനുഷ്യപ്പറ്റുള്ളവരാക്കി മാറ്റുന്നു. വിന്റേജ് കാറുകള്‍ ഓര്‍മകളില്‍ ജീവിക്കുന്നവര്‍ക്കുള്ളതാണ്. മറ്റൊരു വിധത്തില്‍ പറഞ്ഞാല്‍, മനുഷ്യപ്പറ്റുള്ളവര്‍ക്കുള്ളതാണ്!

ക്ലാസിക് വിന്റേജ് കാറുകളുടെ ഒരു വന്‍ പ്രദര്‍ശനം ഇന്ത്യയില്‍ നടക്കാനൊരുങ്ങുന്നതിനെക്കുറിച്ചാണ് പറഞ്ഞുവരുന്നത്. ഫെബ്രുവരി 21നും 22നുമായി ദില്ലിയില്‍ നടക്കാനിരിക്കുന്ന 21 ഗണ്‍ സല്യൂട്ട് വിന്റേജ് കാര്‍ റാലി ലോകത്തെമ്പാടുമുള്ള വിന്റേജ് കാറുകളുടെയും കാര്‍ പ്രണയികളുടെയും സംഗമകേന്ദ്രമായിത്തീരും.

ഈ വിന്റേജ് കാര്‍ റാലിയെക്കുറിച്ച് അറിഞ്ഞിരിക്കേണ്ട 10 കാര്യങ്ങള്‍ താഴെയുള്ള താളുകളില്‍ നല്‍കിയിരിക്കുന്നു.

കാര്‍ റാലിയില്‍ പങ്കെടുക്കുന്ന രാജാക്കന്മാര്‍

താളുകളിലൂടെ നീങ്ങുക.

01. തിയ്യതികള്‍

21 ഗണ്‍ സല്യൂട്ട് റാലിയുടെ അഞ്ചാം എഡിഷനാണ് സംഭവിക്കാനിരിക്കുന്നത്. ഫെബ്രുവരി 21, 21 എന്നീ ദിനങ്ങളിലാണ് റാലി നടക്കുക.

02. ചരിത്രമുറങ്ങുന്ന പാതകളിലൂടെ...

റാലി തുടങ്ങുക ദില്ലിയിലെ റെഡ് ഫോര്‍ട്ടില്‍ നിന്നാണ്. ഗുഡ്ഗാവിലെ ലെയ്ഷ്വര്‍ വാലി പാര്‍ക്കിലേക്കുള്ള 50 കിലോമീറ്റര്‍ ദൂരമാണ് റാലി നടക്കുക.

03. രാജകുടുംബങ്ങളിലെ ഇപ്പോഴത്തെ കാരണവന്മാര്‍

ഇന്ത്യയെ സംബന്ധിച്ച് വിന്റേജ് കാറുകളെന്നാല്‍ പഴയ രാജാക്കന്മാരാണ്. ഇത്തവണത്തെ റാലിയില്‍ വിവിധ രാജകുടുംബങ്ങളിലെ ഇപ്പോഴത്തെ കാരണവന്മാര്‍ പങ്കെടുക്കും. ചിത്രത്തില്‍ കാണുന്ന റോയല്‍ കാര്‍ന്നോന്മാരുടെ പേരുവിവരങ്ങള്‍ താഴെ വായിക്കാം.

01. ബര്‍വാനിയിലെ മാനവേന്ദ്ര സിങ്

02. ഭോണ്‍സ്ലെയിലെ ഷാഹു

03. മേവാറിലെ അര്‍വിന്ദ് സിങ്

04. വീര്‍ഭദ്രസിങ്ജി സാഹിബ്

04. വിന്റേജ് കാറുകള്‍

നേരത്തെ നിങ്ങള്‍ കണ്ടിരിക്കാനിടയില്ലാത്ത നിരവധി വിന്റേജ് കാറുകള്‍ ഇത്തവണ പ്രദര്‍ശനത്തിനുണ്ടായിരിക്കും. 201 കാറുകളും 50 ബൈക്കുകളുമാണ് പ്രദര്‍ശിപ്പിക്കുക.