രാജ്യത്ത് ജനറേഷൻ അപ്ഗ്രേഡിനായി ഒരുങ്ങുന്ന മൂന്ന് ജനപ്രിയ ഹാച്ച്ബാക്കുകൾ

മുൻനിര സ്ഥാനം തിരിച്ചുപിടിക്കാൻ, ഇന്ത്യയിലെ മികച്ച മൂന്ന് ഹാച്ച്ബാക്കുകൾ അടുത്ത രണ്ട് വർഷത്തിനുള്ളിൽ അവയുടെ പുതിയ തലമുറയിലേക്ക് പ്രവേശിക്കാൻ തയ്യാറെടുക്കുകയാണ്. വരാനിരിക്കുന്ന അടുത്ത തലമുറ സ്വിഫ്റ്റ്, ആൾട്ടോ, ടിയാഗോ എന്നിവയുടെ പ്രധാന വിശദാംശങ്ങൾ ഇതാ.

ന്യൂ ജെൻ മാരുതി ആൾട്ടോ

നിലവിൽ പരീക്ഷണ ഘട്ടത്തിലുള്ള പുതിയ തലമുറ മാരുതി ആൾട്ടോ 2022 ദീപാവലി സീസണോട് അടുത്ത് നിരത്തിലെത്തുമെന്നാണ് റിപ്പോർട്ടുകൾ സൂചിപ്പിക്കുന്നത്.

മാരുതി സുസുക്കിയുടെ പുതിയ ബ്രീഡ് കാറുകൾക്ക് അടിവരയിടുന്ന മോഡുലാർ HEARTECT പ്ലാറ്റ്‌ഫോമിന്റെ രൂപത്തിലാണ് വാഹനത്തിൽ വരുന്ന പ്രധാന അപ്‌ഡേറ്റുകളിലൊന്ന്.

നിലവിലെ മോഡലുമായി താരതമ്യപ്പെടുത്തുമ്പോൾ, പുതിയത് വീതിയും ഉയരവുമുള്ളതും നീളമുള്ള വീൽബേസുമായി വരുമായിരിക്കും എന്ന് ഞങ്ങൾ പ്രതീക്ഷിക്കുന്നു. ഹാച്ച്ബാക്ക് പൂർണ്ണമായും പരിഷ്കരിച്ച ഫ്രണ്ട് ഫാസിയയും ശ്രദ്ധേയമായ കുറച്ച് മാറ്റങ്ങളുമായാണ് വരുന്നത്.

ടച്ച്‌സ്‌ക്രീൻ ഇൻഫോടെയിൻമെന്റ് സിസ്റ്റം, സെമി ഡിജിറ്റൽ ഇൻസ്ട്രുമെന്റ് ക്ലസ്റ്റർ, കീലെസ് എൻട്രി, പവർ സ്റ്റിയറിംഗ് എന്നിവയും അതിലേറെയും ഫീച്ചറുകളോടെയാണ് 2022 ആൾട്ടോ മാരുതി വാഗ്ദാനം ചെയ്യുന്നത്.

ഹൂഡിന് കീഴിൽ, മാനുവൽ, AMT ഗിയർബോക്സ് ഓപ്ഷനുകളുള്ള 796 സിസി, ത്രീ സിലിണ്ടർ പെട്രോൾ എഞ്ചിൻ ഫീച്ചർ ചെയ്തേക്കാം. ഇന്തോ ജാപ്പനീസ് വാഹന നിർമ്മാതാക്കൾ സെലേറിയോയുടെ K10C ഡ്യുവൽജെറ്റ് പെട്രോൾ എഞ്ചിനും വാഗ്ദാനം ചെയ്തേക്കാം.

ന്യൂ ജെൻ മാരുതി സ്വിഫ്റ്റ്

ജാപ്പനീസ് വിപണിയിൽ മൂന്നാം തലമുറയിൽ എത്തിയ സ്വിഫ്റ്റ് ഹാച്ച്ബാക്ക് ഈ വർഷം പുതിയ തലമുറയിലേക്ക് പ്രവേശിക്കും. ഹാച്ച്ബാക്കിന്റെ പുതിയ മോഡൽ 2022 അവസാനത്തോടെ അവതരിപ്പിക്കുമെങ്കിലും, അതിന്റെ മാർക്കറ്റ് ലോഞ്ച് അടുത്ത വർഷം നടക്കാനാണ് സാധ്യത.

ഇതിന്റെ ഇന്ത്യയിലെ ലോഞ്ച് ടൈംലൈൻ കമ്പനി ഇതുവരെ വെളിപ്പെടുത്തിയിട്ടില്ല. ഓൾ ന്യൂ സ്വിഫ്റ്റ് HEARTECT പ്ലാറ്റ്‌ഫോമിൽ അടിവരയിടുമെന്നും സമഗ്രമായ ഡിസൈൻ മാറ്റങ്ങൾക്ക് സാക്ഷ്യം വഹിക്കുമെന്നും റിപ്പോർട്ടുകൾ സൂചിപ്പിക്കുന്നു.

ഇവിടെ, മൈൽഡ് ഹൈബ്രിഡ് ടെക് ഓപ്‌ഷനുകളുള്ള 1.2 ലിറ്റർ നാച്ചുറലി ആസ്പിറേറ്റഡ് പെട്രോൾ യൂണിറ്റും 1.2 ലിറ്റർ പെട്രോൾ എഞ്ചിനുമായി ഇത് തുടർന്നും വരും. മികച്ച പ്രകടനവും ഇന്ധനക്ഷമതയും നൽകുന്നതിന് രണ്ട് മോട്ടോറുകളും കാലിബ്രേറ്റ് ചെയ്യാവുന്നതാണ്.

പുതുതലമുറ ടാറ്റ ടിയാഗോ

2016 -ൽ ആദ്യമായി സമാരംഭിച്ച ടാറ്റ ടിയാഗോയ്ക്ക് അതിന്റെ ആദ്യ മിഡ്-ലൈഫ് അപ്‌ഡേറ്റ് 2020 -ൽ ലഭിച്ചു. മോഡൽ താരതമ്യേന പുതുമയുള്ളതും അപ്‌ഡേറ്റ് ചെയ്തതാണെങ്കിലും, അടുത്ത രണ്ട് - മൂന്ന് വർഷത്തിനുള്ളിൽ അതിന്റെ അടുത്ത തലമുറയിലേക്ക് പ്രവേശിക്കുമെന്ന് പ്രതീക്ഷിക്കുന്നു.

നിലവിൽ, പുതിയ ടാറ്റ ടിയാഗോയുടെ വിശദാംശങ്ങൾ വളരെ കുറവാണ്. എന്നിരുന്നാലും, ആൾട്രോസ് പ്രീമിയം ഹാച്ച്ബാക്കിൽ നിന്ന് കടമെടുത്ത 'X0' പ്ലാറ്റ്‌ഫോമിൽ നിന്ന് ബ്രാൻഡിന്റെ പുതിയ ALFA ആർക്കിടെക്ചറിലേക്ക് മാറുമെന്ന് റിപ്പോർട്ടുണ്ട്.

അകത്തും പുറത്തും ശ്രദ്ധേയമായ ചില മാറ്റങ്ങൾ ഹാച്ചിൽ പ്രതീക്ഷിക്കുന്നു. എന്നിരുന്നാലും, നിലവിലുള്ള മോഡലിൽ നിന്ന് എഞ്ചിൻ സജ്ജീകരണം അതേപടി നിലനിർത്താൻ സാധ്യതയുണ്ട്.