ഇന്ത്യൻ വിപണിയിൽ മത്സരം കടുപ്പിക്കാനായി വരാനിരിക്കുന്ന 5 മിഡ് സൈസ് എസ്‌യുവികൾ

ഏതാനും കാർ നിർമ്മാതാക്കൾ ഈ വിഭാഗത്തിലേക്ക് ചില പുതിയ മോഡലുകൾ കൂടി അവതരിപ്പിക്കാനുള്ള ഒരുക്കത്തിലാണ്. അവ വരും വർഷങ്ങളിൽ ഈ സെഗ്‌മെന്റിലെ മത്സരം കടുപ്പിക്കുന്നതിനൊപ്പം ഉപഭോക്താക്കൾ കൂടുതൽ ഓപ്ഷനുകളും വാഗ്ദാനം ചെയ്യും.

ഹ്യുണ്ടായി ക്രെറ്റ, കിയ സെൽറ്റോസ്, സ്‌കോഡ കുഷാഖ്, ഫോക്‌സ്‌വാഗണ്‍ ടൈഗൂൺ തുടങ്ങിയവയോട് മത്സരിക്കുന്ന ഇന്ത്യൻ വിപണിയിൽ വരാനിരിക്കുന്ന അഞ്ച് ഇടത്തരം എസ്‌യുവികൾ ഞങ്ങൾ ഇവിടെ പട്ടികപ്പെടുത്തിയിട്ടുണ്ട്.

1. ടാറ്റ നെക്‌സോൺ അടിസ്ഥാനമാക്കിയുള്ള കൂപ്പെ എസ്‌യുവി (ബ്ലാക്ക് ബേർഡ്)

ടാറ്റ മോട്ടോർസ് തങ്ങളുടെ വാഹന ശ്രേണിയിലേക്ക് ഒരു പുതിയ എസ്‌യുവി കൂടി ചേർക്കാൻ പദ്ധതിയിടുന്നു. ഇത് നെക്‌സോണിനും ഹാരിയറിനുമിടയിൽ സ്ഥാപിക്കും. ഈ വരാനിരിക്കുന്ന വാഹനം ബ്രാൻഡിന്റെ 'X1' പ്ലാറ്റ്‌ഫോമിനെ അടിസ്ഥാനമാക്കിയുള്ളതായിരിക്കും, നെക്‌സോണിന് സമാനമായി, കൂപ്പെ പ്രചോദിത രൂപകൽപ്പനയും വാഹനത്തിന് ഉണ്ടായിരിക്കും.

ഊഹാപോഹങ്ങൾ അനുസരിച്ച്, ഇത് ആദ്യം ഒരു ഓൾ ഇലക്‌ട്രിക് പവർട്രെയിനിനൊപ്പം കൂപ്പെ എസ്‌യുവി ലഭ്യമാകും, പിന്നീട് രണ്ട് ICE എഞ്ചിൻ ഓപ്ഷനുകളും (1.5 ലിറ്റർ ടർബോ പെട്രോൾ യൂണിറ്റും, 1.5 ലിറ്റർ ടർബോ ഡീസൽ യൂണിറ്റും) വിപണിയിൽ എത്തും.

2. വരാനിരിക്കുന്ന മാരുതി മിഡ്‌ സൈസ് എസ്‌യുവി (YFG)

മാരുതി സുസുക്കി ടൊയോട്ടയുടെ പങ്കാളിത്തത്തോടെ ഇന്ത്യൻ വിപണിയിൽ ഒരു പുതിയ ഇടത്തരം എസ്‌യുവി വികസിപ്പിക്കുന്നു. അണിയറയിൽ 'YFG' എന്ന കോഡ് നേമിൽ അറിയപ്പെടുന്ന ഈ പുതിയ മോഡൽ ഇന്തോ ജാപ്പനീസ് കാർ നിർമ്മാതാക്കളുടെ നിരയിൽ എസ്-ക്രോസിന് പകരമാകും.

വരാനിരിക്കുന്ന ഈ മോഡലിന് ടൊയോട്ടയുടെ DNGA (ഡൈഹാത്സു ന്യൂ ഗ്ലോബൽ ആർക്കിടെക്ചർ) അടിവരയിടും, കൂടാതെ 1.5 ലിറ്റർ പെട്രോൾ എഞ്ചിനോടുകൂടിയ ശക്തമായ ഹൈബ്രിഡ് പവർട്രെയിനായിരിക്കും ഇതിൽ നൽകുന്നത്.

3. വരാനിരിക്കുന്ന ടൊയോട്ട മിഡ്‌ സൈസ് എസ്‌യുവി (D22)

വരാനിരിക്കുന്ന മാരുതി ടൊയോട്ട എസ്‌യുവി ടൊയോട്ടയുടെ ബ്രാൻഡിലും ഇന്ത്യൻ വിപണിയിലും അവതരിപ്പിക്കും. ഈ എസ്‌യുവിയുടെ ടൊയോട്ടയുടെ പതിപ്പ് 'D22' എന്ന കോഡ് നേമിൽ അറിയപ്പെടും.

മാരുതിയുടെ പതിപ്പിനെ അപേക്ഷിച്ച് എക്സ്റ്റീരിയർ, ഇന്റീരിയർ ഡിസൈനിൽ ചെറിയ മാറ്റങ്ങൾ ഉണ്ടായിരിക്കും, എന്നാൽ ഓഫർ ചെയ്യുന്ന ഉപകരണങ്ങളും ഫീച്ചറുകളും സമാനമായിരിക്കാം. കരുത്തുറ്റ ഹൈബ്രിഡ് പവർട്രെയിന് വാഹനത്തിന് ശക്തി പകരുമെന്നും പ്രതീക്ഷിക്കുന്നു.

4. അടുത്ത തലമുറ മഹീന്ദ്ര XUV500

മഹീന്ദ്ര ആൻഡ് മഹീന്ദ്ര വരും വർഷങ്ങളിൽ 'XUV500' നെയിംപ്ലേറ്റ് തിരികെ കൊണ്ടുവരുമെന്ന് പ്രതീക്ഷിക്കുന്നു. എന്നിരുന്നാലും, പുതിയ പതിപ്പ് മുൻ പതിപ്പിനെപ്പോലെ ഏഴ് സീറ്റർ മോഡലിന് പകരം ഒരു അഞ്ച് സീറ്റർ ക്രെറ്റ എതിരാളിയായ എസ്‌യുവി ആയിരിക്കുമെന്ന് പ്രതീക്ഷിക്കുന്നു.

ഇത് XUV300 പ്ലാറ്റ്‌ഫോമിന്റെ പരിഷ്‌ക്കരിച്ച പതിപ്പിനെ അടിസ്ഥാനമാക്കിയുള്ളതായിരിക്കുമെന്നും പെട്രോൾ, ഡീസൽ എഞ്ചിൻ ഓപ്ഷനുകൾ വാഗ്ദാനം ചെയ്യുമെന്നും ഊഹാപോഹങ്ങൾ സൂചിപ്പിക്കുന്നു.

5. റെനോ ഡസ്റ്റർ

ഇന്ത്യയിൽ പുതിയ തലമുറ ഡസ്റ്റർ (മൂന്നാം തലമുറ മോഡൽ അന്താരാഷ്ട്രതലത്തിൽ) അവതരിപ്പിക്കുന്നത് റെനോ പരിഗണിക്കുന്നു. എസ്‌യുവിയുടെ ഓൾഡ് ജെൻ പതിപ്പിന്റെ നിർമ്മാണം ഈ വർഷം ആദ്യം ഇന്ത്യയിൽ ബ്രാൻഡ് അവസാനിച്ചിരുന്നു.

മോഡൽ ആദ്യമായി അവതരിപ്പിച്ചതിന് ശേഷം ഏകദേശം ഒരു ദശാബ്ദത്തിന് ശേഷമായിരുന്നു ഈ നടപടി. അടുത്ത തലമുറ മോഡൽ CMF-B പ്ലാറ്റ്‌ഫോമിനെ അടിസ്ഥാനമാക്കിയുള്ളതായിരിക്കും, കൂടാതെ ഇത് 2023-2024 കാലയളവിൽ ആഗോളതലത്തിൽ അരങ്ങേറ്റം കുറിക്കും, താമസിയാതെ അതിന്റെ ഇന്ത്യയിലെ ലോഞ്ചും ഉണ്ടാവും എന്നാണ് ഞങ്ങൾ പ്രതീക്ഷിക്കുന്നത്.