Creta -യുടെ ആധിപത്യത്തിന് വെല്ലുവിളിയായി ഇന്ത്യൻ വിപണിയിൽ എത്താനൊരുങ്ങുന്ന അഞ്ച് പുത്തൻ മിഡ് സൈസ് എസ്‌യുവികൾ

ഹ്യുണ്ടായി ക്രെറ്റ, കിയ സെൽറ്റോസ് എന്നിവയുമായി മത്സരിക്കാൻ ഒരുങ്ങുന്ന മികച്ച അഞ്ച് മിഡ് സൈസ് എസ്‌യുവികൾ ഞങ്ങൾ ഈ ലേഖനത്തിൽ പട്ടികപ്പെടുത്തിയിട്ടുണ്ട്.

1. ടൊയോട്ട ഹൈറൈഡർ (D22)

ടൊയോട്ട തങ്ങളുടെ പുതിയ മിഡ് സൈസ് എസ്‌യുവി ജൂലൈ 1 -ന് ഇന്ത്യൻ വിപണിയിൽ അവതരിപ്പിക്കുമെന്ന് പ്രതീക്ഷിക്കുന്നു. ഉടൻ തന്നെ ലോഞ്ച് ചെയ്യാനൊരുങ്ങുന്ന ഈ മോഡലിന് 'ഹൈറൈഡർ' എന്ന് പേരിടുമെന്ന് കരുതുന്നു.

ഈ വരാനിരിക്കുന്ന എസ്‌യുവി പെട്രോൾ ഹൈബ്രിഡ് പവർട്രെയിനിനൊപ്പം ലഭ്യമാകും. ഒരു മൈൽഡ് ഹൈബ്രിഡ് പെട്രോൾ പവർട്രെയിനും ഇതിൽ വാഗ്ദാനം ചെയ്യപ്പെടുമെന്ന് പ്രതീക്ഷിക്കുന്നു, ഒരു AWD ഓപ്ഷനോടൊപ്പം. ടൊയോട്ട ഹൈറൈഡറിന് ധാരാളം ഉയർന്ന സവിശേഷതകളും എക്യുപ്മെന്റുകളും ലഭിക്കും.

2. മാരുതി സുസുക്കി വിറ്റാര (YFG)

മാരുതി സുസുക്കി ഒരു പുതിയ മിഡ് സൈസ് എസ്‌യുവിയും അവതരിപ്പിക്കാൻ പദ്ധതിയിടുന്നു, ടൊയോട്ട ഹൈറൈഡറിന്റെ റീബ്രാൻഡഡ് പതിപ്പിന് ബ്രാൻഡ് 'വിറ്റാര' എന്ന് പേരിടാമെന്ന് അഭ്യൂഹങ്ങളുണ്ട്!

മാരുതിയുടെ പതിപ്പ് ടൊയോട്ടയുടെ പതിപ്പിനെ അപേക്ഷിച്ച് ശ്രദ്ധേയമായ സ്റ്റൈലിംഗ് വ്യത്യാസങ്ങൾ അവതരിപ്പിക്കും, എന്നാൽ ഇവ രണ്ടും മെക്കാനിക്കലി സമാനമായിരിക്കും. മൈൽഡ്-ഹൈബ്രിഡ് പെട്രോൾ യൂണിറ്റും 'സ്ട്രോംഗ്' ഹൈബ്രിഡ് പെട്രോൾ യൂണിറ്റുമായി പവർട്രെയിൻ ഓപ്ഷനുകൾ ഒന്നുതന്നെയായിരിക്കും.

3. ഹോണ്ട മിഡ്‌ സൈസ് എസ്‌യുവി (3RA)

ഇന്ത്യൻ വിപണിയിൽ 2024 -ൽ അവതരിപ്പിക്കാൻ ഉദ്ദേശിക്കുന്ന ഒരു പുതിയ മിഡ് സൈസ് എസ്‌യുവിയിലും ഹോണ്ട പ്രവർത്തിക്കുന്നുണ്ട്. പെട്രോൾ, ഡീസൽ എഞ്ചിൻ ഓപ്ഷനുകളോടൊപ്പം പെട്രോൾ ഹൈബ്രിഡ് പവർട്രെയിനും (ഹോണ്ട സിറ്റിയിൽ ലഭിക്കുന്നത് പോലെ) ലഭ്യമാകുമെന്ന് പ്രതീക്ഷിക്കുന്നു.

ഇതിന് 4.3 മീറ്റർ നീളമുണ്ടാകുമെന്നും ധാരാളം പ്രീമിയം എക്യുപ്മെന്റുകൾ വാഗ്ദാനം ചെയ്യുമെന്നും റിപ്പോർട്ടുകൾ പറയുന്നു.

4. ടാറ്റ കർവ്വ്

ടാറ്റ കർവ്വ് കൺസെപ്റ്റ് ഈ വർഷം ആദ്യം ഇന്ത്യയിൽ അനാച്ഛാദനം ചെയ്‌തു, ഇതിന് വളരെയധികം ഹൈപ്പ് സൃഷ്ടിക്കാൻ കഴിഞ്ഞു. 2024 -ൽ മോഡൽ ഇന്ത്യയിൽ അവതരിപ്പിക്കുമെന്ന് പ്രതീക്ഷിക്കുന്നു.

ആദ്യം ഒരു ഇവിയായും പിന്നീട് ഒരു ICE കാറായും വാഹനം വിപണിയിൽ എത്തും. ICE പതിപ്പ് പെട്രോൾ, ഡീസൽ എഞ്ചിൻ ഓപ്ഷനുകളിൽ ലഭ്യമാകും, ഈ സെഗ്‌മെന്റിലെ ആദ്യത്തെ കൂപ്പെ-സ്റ്റൈൽ എസ്‌യുവിയായിരിക്കും കർവ്വ്.

5. നെക്സ്റ്റ് ജെൻ മഹീന്ദ്ര XUV500

ഊഹാപോഹങ്ങൾ അനുസരിച്ച്, മഹീന്ദ്ര & മഹീന്ദ്ര ഇന്ത്യൻ വിപണിയിൽ 'XUV500' നെയിംപ്ലേറ്റ് പുനരുജ്ജീവിപ്പിക്കാൻ ഒരുങ്ങുകയാണ്. മുൻ മോഡലിനെപ്പോലെ ഏഴ് സീറ്റർ എസ്‌യുവിയല്ലാതെ പുതിയ പതിപ്പ് അഞ്ച് സീറ്റർ എസ്‌യുവിയായിരിക്കുമെന്ന് പ്രതീക്ഷിക്കുന്നു.

ഇതിനെക്കുറിച്ചുള്ള വിശദാംശങ്ങൾ ഇപ്പോൾ വിരളമാണ്, എന്നാൽ അടുത്ത തലമുറ മഹീന്ദ്ര XUV500 2024 -ൽ നിർമ്മാതാക്കൾ പുറത്തിറക്കാൻ സാധ്യതയുണ്ട് എന്ന് റിപ്പോർട്ടുകൾ സൂചിപ്പിക്കുന്നു.