ദില്ലി ടു തൂണേരി: റെക്കോഡ് വേഗത്തില്‍ ഇജാസ്

മുംബൈ പൂനെ എക്സ്പ്രസ് വേയിലെ ഭടാൻ ടണൽ

ചിത്രങ്ങളിലൂടെ നീങ്ങുക.

വഡോദര-അഹ്മദാബാദ് എക്സ്പ്രസ് വേയിൽ

ഒരു ഹോണ്ട സിബി യൂണികോണ്‍ ഡാസ്‌ലറിലായിരുന്നു ഇജാസിന്റെ യാത്ര. ലിറ്ററിന് ശരാശരി 52 കിലോമീറ്റര്‍ മൈലേജ് നല്‍കുന്നുണ്ട് ഐജാസിന്റെ പക്കലുള്ള 150 സിസി യൂണികോണ്‍. കുറഞ്ഞ ശേഷിയുള്ള ബൈക്കുമായി കൂടിയദൂരം മറികടക്കുക എന്ന ഉദ്ദേശ്യവും ഉണ്ടായിരുന്നു യാത്രയ്ക്ക്. പെട്രോളടിക്കാന്‍ മാത്രമായി 4000 രൂപയോളം ചെലവ് വന്നു. യാത്രയുടെ മൊത്തം ചെലവ് 18,000 രൂപയാണ്.

തെക്കന്‍ ദില്ലിയിലെ തിമൂറില്‍ നിന്ന് പുറപ്പെട്ട ഇജാസ് ജയ്പൂര്‍, വഡോദര, മുംബൈ, രത്‌നഗിരി, പനാജി, ഉഡുപ്പി, മംഗലാപുരം വഴിയാണ് യാത്രയ്ക്ക് തെരഞ്ഞെടുത്തത്. ശരാശരി മണിക്കൂറില്‍ 45 കിലോമീറ്റര്‍ വേഗതയില്‍ സഞ്ചരിച്ചു. സാധ്യമായ ഇടങ്ങളില്‍ വേഗം കൂട്ടി. ദില്ലിയില്‍ നിന്ന് മഹാരാഷ്ട്ര വരെയുള്ള പാതകളില്‍ സഞ്ചരിക്കാന്‍ രാത്രികാലം തെരഞ്ഞെടുത്തു. കടുത്ത ചൂട് തന്നെ കാരണം.

കൊങ്കൺ പാതയിൽ

ദില്ലിയില്‍ നിന്ന് കേരളത്തിലേക്ക് സഞ്ചരിക്കുന്ന ഏതൊരാളെയും പോലെ കൊങ്കണ്‍ പാതകളാണ് ഇജാസിനെയും ആകര്‍ഷിച്ചത്. മുംബൈ-പൂനെ എക്‌സ്പ്രസ് വേ‌ ഏറ്റവും മനോഹരമാണെങ്കിലും നാലുചക്രമുള്ള വാഹനങ്ങളിൽ കുറഞ്ഞതൊന്നും അവിടെ കയറ്റില്ല. ഉദയ്പൂര്‍ കാട്ടിലൂടെയുള്ള പാതയില്‍ രാത്രി രണ്ടുമണിക്ക് ബൈക്കോടിക്കേണ്ടതായി വന്നു. രാവിലെ വഡോദര എത്തണമെന്നു തീരുമാനിച്ചിരുന്നതിനാല്‍ ഫോറസ്റ്റ് അധികൃതരുടെ വിലക്ക് മറികടന്ന് സഞ്ചരിക്കുകയായിരുന്നു.

കർണാടക അതിർത്തിയിൽ

അടുത്ത യാത്ര രാജ്യത്തിന്റെ വടക്കുകിഴക്കന്‍ മേഖലയിലേക്കാണ് പ്ലാന്‍ ചെയ്തിരിക്കുന്നത്. ഒരു ഡോക്യുമെന്ററി നിര്‍മിക്കാന്‍ ആലോചിക്കുന്നുണ്ട് ഇജാസ്. ഇന്ത്യക്കാരാണോ എന്ന് ഇന്ത്യക്കാര്‍ തന്നെ സംശയിക്കുന്ന ഒരു വിഭാഗം ജനത നേരിടുന്ന വംശീയ വെല്ലുവിളികളാണ് പ്രമേയം. ഇതേ വിഷയത്തില്‍ ഇതിനകം തന്നെ ഒരു ഡോക്യുമെന്ററി ചെയ്തുകഴിഞ്ഞു ഇജാസ്.

കർണാടകത്തിലെ കാർവാറിൽ

അടുത്ത യാത്ര ഒരു റോയല്‍ എന്‍ഫീല്‍ഡ് ബൈക്ക് തന്നെ തെരഞ്ഞെടുക്കാനാണ് ഈ 21കാരന്റെ പദ്ധതി. ഈ വര്‍ഷം അവസാനം തന്നെ യാത്ര നടന്നേക്കും.

വേഗത മരണത്തിലേക്ക് കൊണ്ടു ചെന്നെത്തിക്കുന്നു എന്നുതുടങ്ങിയ മുദ്രാവാക്യങ്ങളോട് ഇജാസ് ഇടയുന്നുണ്ട്. വേഗതയല്ല, അശ്രദ്ധയാണ് അപകടങ്ങള്‍ക്കു കാരണമെന്ന് വിശദീകരണം.