ആഡംബരമെന്നു പറഞ്ഞാൽ ദാ ഇതാണ്; ഇന്ത്യയിൽ അബുദാബി രാജകുമാരൻ വന്നിറങ്ങിയ ഈ വിമാനം നിങ്ങളെ ഞെട്ടിക്കൂം!!

യുഎഇ ഉപസര്‍വ സൈന്യാധിപന്‍ കൂടിയായ ഈ രാജകുമാരന്റെ ഇന്ത്യ സന്ദര്‍ശനം ഇരു രാജ്യങ്ങളും തമ്മിലുള്ള ഉഭയകക്ഷി ബന്ധത്തെ പുതിയ തലത്തിലേക്ക് ഉയര്‍ത്താനാണെങ്കിലും കൂടുതൽ വാർത്താപ്രാധാന്യം സൃഷ്ടിച്ചത് അദ്ദേഹം പറന്നിറങ്ങിയ വിമാനമായിരുന്നു.

അബുദാബി രാജകുമാരന്റെ വിമാനത്തിന്റെ ആഡംബരത പൂർണമായും വെളിവാക്കുന്ന തരത്തിലുള്ള വീഡിയോയാണ് ഇപ്പോൾ സോഷ്യൽ മീഡയയിലെ താരം.

വാട്സ് ആപ്പ് വഴി ആദ്യം പ്രചരിക്കാൻ തുടങ്ങിയ വീഡിയോ ഇപ്പോൾ യൂടൂബിലും അപ്‌ലോഡ് ചെയ്തിരിക്കുന്നു. യൂടൂബിൽ കൂടുതൽ വ്യൂവർഷിപ്പും ഈ വീഡിയോയ്ക്ക് ലഭിച്ചുകൊണ്ടിരിക്കുന്നു.

ദില്ലിയിലെ പാം ടെക്നിക്കൽ ഏരിയൽ പാർക്ക് ചെയ്തിരിക്കുന്ന വിമാനത്തിൽ നിന്നും എടുത്തിരിക്കുന്ന വീഡിയോ വിമാനത്തിലെ ആഡംബരത പൂർണമായും തുറന്നുകാട്ടുന്ന തരത്തിലുള്ളതാണ്.

അത്യാധുനിക സൗകര്യങ്ങളോടെ ഒരുക്കിയിരിക്കുന്ന ഈ മാസ്മരിക ലോകം വെളിപ്പെടുത്തുന്ന വീഡിയോ രണ്ടുമിനിട്ടു നേരം ദൈർഘ്യമുള്ളതാണ്.

വിശ്രമിക്കാനും, ബിസിനസ് മീറ്റിംഗുകൾക്കും, ഒരു വിനോദയാത്ര എന്ന അർത്ഥത്തിലും ആസ്വാദ്യകരമായ യാത്ര സമ്മാനിക്കുന്ന തരത്തിലുള്ള ഒരു ആഡംബരവിമാനം തന്നെയാണ് അബുദാബി രാജകുമാരന്റേത്.

വിമാനത്തിനകത്ത് കയറിയാൽ ആദ്യം കാണുന്നത് മീറ്റിംഗുകൾക്കും മറ്റും ഉപയോഗിക്കാവുന്ന അതിവിശാലമായ ലോഞ്ചാണ്. തൊട്ടപ്പുറത്തു തന്നെ ചെറിയൊരു ലോഞ്ചും കാണൻ സാധിക്കും.

പിന്നീട് ഇടനാഴിയിലൂടെ നടന്നുനീങ്ങുന്നത് ചെറിയൊരു സ്വികരണമുറിയിലേക്കാണ്. സ്വാഗതം ചെയ്യുന്ന അറബ് സുന്ദരികളേയും ഇവിടെ കാണാം. പിന്നീടായി കാണാൻ കഴിയുക രാജകുമാരൻ വിശ്രമിക്കുന്ന അതിവിശാലമായ കിടപ്പുമുറിയാണ്.

എൽഇഡി ലൈറ്റുകളാൽ അലങ്കരിച്ചിരിക്കുന്ന ഈ ശീതീകരണ കിടപ്പുമുറിയിൽ സുഖനിദ്ര പ്രധാനം ചെയ്യുന്ന എല്ലാവിധ സജ്ജീകരണങ്ങളും ഒരുക്കിയിട്ടുണ്ട്.

മാത്രമല്ല എല്ലാ ആധുനിക ഫിറ്റിംഗുകളോടു കൂടി കിടപ്പുമുറിയോട് ചേർന്നൊരു ബാത്ത്റൂമും സജ്ജീകരിച്ചിട്ടുണ്ട്.

ചെറിയോരു അടുക്കളയും കോക്പിറ്റും പകർത്തുന്നതോടെ രണ്ടുമിനിറ്റ് ദൈർഘ്യമുള്ള വീഡിയോയും അവസാനിക്കുകയായി.

ഒരു ആഡംബര വിമാനത്തിന്റെ അകത്തളം എങ്ങനെയിരിക്കുമെന്ന് ജനങ്ങൾക്ക് മുൻപ് വെളിപ്പെടുത്താൻ നടത്തിയ ഈ ശ്രമത്തേയും അഭിനന്ദിക്കേണ്ടതായിട്ടുണ്ട്.

റിപ്പബ്ലിക് ദിനത്തിൽ അതിഥിയായി ക്ഷണം സ്വീകരിച്ച് സ്വന്തം വിമാനത്തിൽ പറന്നിറങ്ങിയ രാജകുമാരൻ സന്ദർശനത്തിന്റെ ഭാഗമായി 16 കരാറുകളിലാണ് ഇന്ത്യയുമായി ഒപ്പുവച്ചിരിക്കുന്നത്.

പ്രതിരോധം, അടിസ്ഥാന സൗകര്യ വികസനം, ഊര്‍ജം, തൊഴിലാളി ക്ഷേമം തുടങ്ങിയ മേഖലകളിലാണ് കരാർ ഒപ്പ് വച്ചിരിക്കുന്നത്.

റിപ്പബ്ലിക് ദിനാഘോഷ വേളയിൽ അബുദാബി രാജകുമാരന്റെ ഇന്ത്യ സന്ദർശനത്തോടനു ബന്ധിച്ച് യുഎഇ വ്യോമസേനാംഗങ്ങളും ഇക്കുറി റിപ്പബ്ലിക് ദിന പരേഡില്‍ അണിചേർന്നിട്ടുണ്ട്.

വീഡിയോ കാണാം

ദേശീയതയും മെയ്ക്കിൻ-ഇന്ത്യ പദ്ധതിയും മുറുകെ പിടിക്കുന്ന നരേന്ദ്രമോദി എന്തുകൊണ്ട് സ്‌കോർപിയോ തഴഞ്ഞു

ആദ്യവിമാനം നിർമിച്ചത് റൈറ്റ് സഹോദരന്മാരല്ല മറിച്ച് ഇന്ത്യൻ പണ്ഢിതൻ; ചരിത്രം വളച്ചൊടിച്ചത് വെള്ളക്കാർ