മലയാളികള്‍ക്ക് അത്ര പരിചയമില്ലാത്ത ദുല്‍ഖറിന്റെ നായിക! മെര്‍സിഡീസ് E 200 വാങ്ങിയ സുന്ദരിയെ പിടികിട്ടിയോ?

ബോളിവുഡിലും ഒടിടി (OTT) പ്ലാറ്റ്ഫോമുകളിലും തന്റെ സ്വതസിദ്ധമായ അഭിനയശൈലി കൊണ്ട് ശ്രദ്ധേയയായ നടി മിഥില പാല്‍ക്കര്‍ (Mithila Palkar) പുത്തന്‍ ലക്ഷ്വറി കാര്‍ സ്വന്തമാക്കി ജര്‍മ്മന്‍ ആഡംബര വാഹന നിര്‍മ്മാതാക്കളായ മെര്‍സിഡീസ് ബെന്‍സിന്റെ ജനപ്രിയ പ്രീമിയം സെഡാനായ E-ക്ലാസ് 200 (Mercedes-Benz E 200) ആണ് താരം തന്റെ ഗരാജില്‍ എത്തിച്ചിരിക്കുന്നത്. മെര്‍സിഡീസ് ബെന്‍സ് ഡീലര്‍മാരായ ഓട്ടോഹാംഗര്‍ ആണ് മിഥില തങ്ങളില്‍ നിന്ന് രണ്ടാമത്തെ മെര്‍സിഡീസ് സ്വന്തമാക്കിയ വിവരം പുറംലോകത്തെ അറിയിച്ചത്.

കുടുംബാംഗങ്ങള്‍ക്കൊപ്പം പുതിയ മെര്‍സിഡസ് ബെന്‍സ് കാറിന്റെ താക്കോല്‍ ഏറ്റുവാങ്ങുന്നതിന്റെയും പരമ്പരാഗത രീതിയില്‍ പൂജകള്‍ നടത്തുന്നതിന്റെയും ചിത്രങ്ങളും വീഡിയോകളും ഇന്‍സ്റ്റാഗ്രാം പോസ്റ്റില്‍ ഉള്‍പ്പെടുത്തിയിട്ടുണ്ട്.നെറ്റ്ഫ്‌ലിക്‌സിന്റെ സൂപ്പര്‍ഹിറ്റ് വെബ് സീരീസായ ലിറ്റില്‍ തിങ്‌സില്‍ (Little Things) കാവ്യ കുല്‍ക്കര്‍ണി എന്ന കഥാപാത്രത്തിലൂടെയാണ് മിഥില പാല്‍ക്കര്‍ ഇന്ത്യയൊട്ടാകെ ജനപ്രീതി നേടിയത്.

പിന്നീട് മലയാളികളുടെ സ്വന്തം ദുല്‍ഖര്‍ സല്‍മാന്റെ ബോളിവുഡ് അരങ്ങേറ്റ ചിത്രമായ കാര്‍വാനിലും കാജോളിനൊപ്പം ത്രിഭംഗ (Tribhanga) എന്ന സിനിമയിലും പ്രധാന വേഷങ്ങളില്‍ താരം തിളങ്ങി. അഭിനയത്തോടൊപ്പം സംഗീതത്തിലും നൃത്തത്തിലും ഒരുപോലെ കഴിവ് തെളിയിച്ച മിഥിലയുടെ വ്യക്തിജീവിതത്തിലെ ഏറ്റവും വലിയ സ്വപ്ന സാക്ഷാത്കാരങ്ങളില്‍ ഒന്നാണ് ഈ പുത്തന്‍ ആഡംബര വാഹനം.

സാങ്കേതികവിദ്യകള്‍ക്കും മികച്ച യാത്രാസൗകര്യങ്ങള്‍ക്കും പേരുകേട്ട മര്‍സിഡീസ് ബെന്‍സ് E-ക്ലാസ് ബോളിവുഡ് സെലിബ്രിറ്റികളുടെ പ്രിയപ്പെട്ട ചോയ്സാണ്. ദീര്‍ഘദൂര യാത്രകള്‍ക്ക് അനുയോജ്യമായ രീതിയില്‍ വലിയ ലെഗ്റൂമും അത്യാധുനിക റീക്ലൈനിംഗ് സീറ്റുകളുമാണ് ഈ ലോംഗ് വീല്‍ബേസ് (LWB) മോഡലില്‍ കമ്പനി ഒരുക്കിയിട്ടുള്ളത്. ഡിജിറ്റല്‍ ഇന്‍ഫോടെയ്ന്‍മെന്റ് സിസ്റ്റം, ആംബിയന്റ് ലൈറ്റിംഗ്, പ്രീമിയം ബര്‍മെസ്റ്റര്‍ ഓഡിയോ സിസ്റ്റം, പനോരമിക് സണ്‍റൂഫ് തുടങ്ങിയ അത്യാധുനിക ഫീച്ചറുകള്‍ ഈ സെഡാന്റെ ക്യാബിന് ആഡംബര അന്തരീക്ഷം സമ്മാനിക്കുന്നു.

യാത്രക്കാരുടെ സുരക്ഷ ഉറപ്പാക്കുന്നതിനായി ലെവല്‍ 2 ADAS സേഫ്റ്റി സ്യൂട്ടും ഇതിന് ലഭിക്കുന്നു. മിഥില പാല്‍ക്കര്‍ സ്വന്തമാക്കിയ മെര്‍സിഡീസ് ബെന്‍സ് E 200 മോഡലിന് കരുത്ത് പകരുന്നത് 2.0 ലിറ്റര്‍, ഫോര്‍-സിലിണ്ടര്‍ ടര്‍ബോചാര്‍ജ്ഡ് പെട്രോള്‍ എഞ്ചിനാണ്. ഈ പവര്‍ഫുള്‍ എഞ്ചിന്‍ പരമാവധി 197 bhp പവറും 320 Nm പീക്ക് ടോര്‍ക്കും ഉത്പാദിപ്പിക്കാന്‍ ശേഷിയുള്ളതാണ്. ഡ്രൈവിംഗ് ആനന്ദം ഇരട്ടിയാക്കുന്നതിനായി ഈ എഞ്ചിന്‍ 9-സ്പീഡ് ട്രോണിക് (9G-TRONIC) ഓട്ടോമാറ്റിക് ഗിയര്‍ബോക്സുമായി ബന്ധിപ്പിച്ചിരിക്കുന്നു.

ഇത് വാഹനത്തിന് മികച്ച ആക്‌സിലറേഷനും അതോടൊപ്പം തന്നെ സുഗമമായ ഗിയര്‍ ഷിഫ്റ്റിംഗും ശബ്ദകോലാഹലങ്ങളില്ലാത്ത യാത്രയും സമ്മാനിക്കുന്നു. പുതിയ E-ക്ലാസ് മോഡലുകളില്‍ ഇന്ധനക്ഷമത വര്‍ദ്ധിപ്പിക്കുന്നതിനായി 48V മൈല്‍ഡ്-ഹൈബ്രിഡ് (Mild-hybrid) സാങ്കേതികവിദ്യയും കമ്പനി ഉള്‍പ്പെടുത്തിയിട്ടുണ്ട്. സിസ്റ്റം സ്റ്റാര്‍ട്ട്-സ്റ്റോപ്പ് സമയങ്ങളിലും പെട്ടെന്ന് വേഗത കൂട്ടേണ്ടി വരുമ്പോഴും എഞ്ചിന് അധിക കരുത്ത് നല്‍കി ഇന്ധനക്ഷമത മെച്ചപ്പെടുത്താന്‍ സഹായിക്കുന്ന മെക്കാനിസമാണ് ഇത്.

ഏകദേശം 76 ലക്ഷം രൂപ മുതലാണ് ഇന്ത്യന്‍ വിപണിയില്‍ E-ക്ലാസ് മോഡലുകളുടെ എക്‌സ്-ഷോറൂം വില ആരംഭിക്കുന്നത് നികുതികളും മറ്റ് പ്രീമിയം ഓപ്ഷനുകളും ഉള്‍പ്പെടുമ്പോള്‍ ഇതിന്റെ ഓണ്‍-റോഡ് വില ഏകദേശം 90 ലക്ഷം രൂപ വരെയാകും. ഇന്ത്യന്‍ വിപണിയില്‍ ബിഎംഡബ്ല്യ 5 സീരീസ്, ഔഡി A6 തുടങ്ങിയ എതിരാളികളുമായിട്ടാണ് മെര്‍സിഡീസ് ഇ-ക്ലാസ് നേരിട്ട് ഏറ്റുമുട്ടുന്നത്. എങ്കിലും സെലിബ്രിറ്റികളുടെയും ബിസിനസുകാരുടെയും ആദ്യ ചോയ്സായി ഇന്നും ഈ ജര്‍മന്‍ മോഡല്‍ വിപണിയില്‍ തുടരുന്നു.

ഡ്രൈവ്സ്പാർക്ക് മലയാളം വെബ്‌സൈറ്റ് വാഹന സംബന്ധിയായ വാർത്തകൾ തത്സമയം നിങ്ങളുടെ വിരൽത്തുമ്പിൽ ലഭ്യമാക്കുന്നു. സോഷ്യൽ മീഡിയയിലൂടെ ഞങ്ങൾ വാർത്തകൾ വായനക്കാരുമായി തൽക്ഷണം പങ്കിടുന്നു. ഏറ്റവും പുതിയ കാർ, ബൈക്ക് വാർത്തകൾ, ടെസ്റ്റ് ഡ്രൈവ് റിപ്പോർട്ടുകൾ, വീഡിയോകൾ എന്നിവ ലഭിക്കാൻ ഡ്രൈവ്സ്പാർക്ക് മലയാളത്തിന്റെ ഫെയ്‌സ്ബുക്ക്, ഇൻസ്റ്റഗ്രാം, ടെലഗ്രാം, യൂട്യൂബ് ചാനൽ എന്നിവ മറക്കാതെ ഫോളോ ചെയ്യാം. ഞങ്ങളുടെ ഏതെങ്കിലും വാർത്ത ഇഷ്ടപ്പെട്ടാൽ ലൈക്ക് ചെയ്യാനും കമൻറ് ചെയ്യാനും മറക്കല്ലേ.