ടെസ്‌ല എന്നും രക്ഷകൻ; അപകടത്തിൽ നിന്ന് തലനാരിഴയ്ക്ക് രക്ഷപ്പെട്ട് നടി

നിരവധി ബോളിവുഡ് സിനിമകളിൽ അഭിനയിച്ച ഇന്ത്യൻ നടി രംഭയുടെ ഈ അപകടം ടെസ്‌ല കാറിൻ്റെ സുരക്ഷ എടുത്ത് കാണിക്കുന്നു. കാനഡയിൽ ആണ് ഇപ്പോൾ നടി സ്ഥിരതാമസമാക്കിയിരിക്കുന്നത്. ഇൻസ്റ്റഗ്രാമിലൂടെയാണ് രംഭ തനിക്ക് സംഭവിച്ച അപകടത്തിൻ്റെ വിവരങ്ങൾ പങ്കുവെച്ചത്. നടിയുടെ ടെസ്‌ല മോഡൽ എക്‌സിൽ രണ്ട് കുട്ടികളോടും അവരുടെ നാനിക്കുമൊപ്പം യാത്ര ചെയ്യുകയായിരുന്നു. അവരെല്ലാം സ്‌കൂളിൽ നിന്ന് മടങ്ങുകയായിരുന്നു.

മറ്റൊരു വാഹനം ഒരു ജംഗ്ഷനിൽ ടെസ്‌ല മോഡൽ എക്‌സിനെ വന്ന് ഇടിക്കുകയായിരുന്നു. നിസാര പരിക്കുകളോടെ കാറിലുണ്ടായിരുന്ന എല്ലാവരും സുരക്ഷിതരായി പുറത്തിറങ്ങി. പക്ഷേ നടിയുടെ ഇളയ മകൾ സാഷ ഇപ്പോൾ ആശുപത്രിയിലാണ്. മകൾ സുഖം പ്രാപിക്കാൻ എല്ലാവരോടും പ്രാർത്ഥിക്കണമെന്ന് അവർ അഭ്യർത്ഥിച്ചിട്ടുണ്ട്.

തന്റെ അപകടത്തിൽപെട്ട ടെസ്‌ല മോഡൽ എക്‌സിന്റെ ചിത്രങ്ങൾ പങ്കുവെച്ച് നടി എഴുതിയത് ഇങ്ങനെയാണ്, "ഞാനും കുട്ടികളും എന്റെ നാനിയും" "ഞങ്ങൾ എല്ലാവരും ചെറിയ പരിക്കുകളോടെ സുരക്ഷിതരാണ് . എന്റെ ഇളയമകൾ സാഷ ഇപ്പോഴും ആശുപത്രിയിലാണ്. മോശം ദിവസങ്ങൾ മോശം സമയം.ദയവായി ഞങ്ങൾക്ക് വേണ്ടി പ്രാർത്ഥിക്കൂ. നിങ്ങളുടെ പ്രാർത്ഥനകൾക്ക് ഒരുപാട് വിലയുണ്ട്.

രംഭ പങ്കുവെച്ച ചിത്രങ്ങൾ ടെസ്‌ലയുടെ കേടായ ഡോർ ആണ് കാണിക്കുന്നത്. എന്നിട്ടും ഡോർ തുറന്ന് വാഹനത്തിലുണ്ടായിരുന്നവരെ പുറത്തേക്ക് ഇറക്കാൻ സാധിച്ചു. കൂടാതെ, ടെസ്‌ല മോഡൽ എക്‌സിന്റെ കർട്ടനും സൈഡ് എയർബാഗുകളും യാത്രക്കാരെ എല്ലാ തരത്തിലുമുളള അപകടങ്ങളിൽ നിന്ന് രക്ഷിക്കാൻ മികച്ച രീതിയിൽ പ്രവർത്തിച്ചെന്ന് ചിത്രം കാണുമ്പോൾ മനസിലാക്കാൻ സാധിക്കും.

ഇത്തരം ടി-ബോൺ അപകടങ്ങൾ പല സന്ദർഭങ്ങളിലും കട്ടിയുള്ളതായിരിക്കും. എതിരെ വന്ന് ഇടിച്ച വാഹനത്തിന് എന്ത് ആഘാതം സംഭവിച്ചുവെന്ന് അറിയാൻ സാധിച്ചിട്ടില്ല, പക്ഷേ ടെസ്‌ലയിൽ ഇടിച്ച കാറിന്റെ അവസ്ഥ വളരെ മോശമാവാനേ സാധ്യതയുളളു

ടെസ്‌ല മോഡൽ X

ടെസ്‌ല മോഡൽ X ലോകമെമ്പാടുമുള്ള വിവിധ വിപണികളിൽ വിൽക്കുന്ന വാഹനമാണ്, കൂടാതെ നാഷണൽ ഹൈവേ ട്രാഫിക് സേഫ്റ്റി അഡ്മിനിസ്ട്രേഷൻ (NHTSA), Euro N-CAP എന്നിവയിൽ നിന്നും മികച്ച ഫൈവ് സ്റ്റാർ റേറ്റിംഗ് ഇതിന് ലഭിക്കുകയും ചെയ്തിട്ടുണ്ട്. ഈ രണ്ട് ക്രാഷ് ടെസ്റ്റ് ഏജൻസികൾക്കും ഏറ്റവും കടുകട്ടിയുളള റേറ്റിംഗ് നടപടിക്രമങ്ങളുണ്ട്, അവ ഗ്ലോബൽ N-CAP പോലുള്ള ഏജൻസികളുടെ മാനദണ്ഡങ്ങളേക്കാൾ ഉയർന്നതാണ്.

ടെസ്‌ല മോഡൽ എക്‌സിന്റെ വൈറൽ ക്ലിപ്പുകളിലൊന്നാണ് റോൾഓവർ ടെസ്റ്റ്. ക്ലിപ്പിൽ, ടെസ്‌ല മോഡൽ എക്‌സിനെ റോൾ ചെയ്യാൻ നിരവധി ശ്രമങ്ങൾ നടത്തിയെങ്കിലും അതിന്റെ വശത്തേക്ക് ഒരിക്കലും റോൾ ചെയ്തിട്ടില്ല. അതുകൊണ്ടാണ് NHTSA-യിൽ നിന്ന് പഞ്ചനക്ഷത്ര സുരക്ഷാ റേറ്റിംഗ് ലഭിക്കുന്ന ആദ്യത്തെ എസ്‌യുവിയായി ഇത് മാറിയത്.

എസ്‌യുവികൾക്ക് ഉയർന്ന ഗുരുത്വാകർഷണ കേന്ദ്രമുണ്ട്, അത് കൊണ്ട് തന്നെ അത് കാറിനെ റോൾ ഓവർ ചെയ്യാൻ സാധ്യതയുണ്ട്. ഒരു കാറിന്റെ റോൾഓവർ പ്രതിരോധം പരിശോധിക്കുന്ന ലോകത്തിലെ ഏക ഏജൻസിയാണ് NHTSA. ടെസ്റ്റിനിടെ, ടെസ്‌ല മോഡൽ എക്‌സിന്റെ വശത്ത് സ്വാധീനം ചെലുത്താൻ ഏജൻസികൾ ശ്രമിച്ചു. എന്നിരുന്നാലും, എസ്‌യുവി റോൾ ഓവർ ചെയ്യാനുള്ള ഒന്നിലധികം ശ്രമങ്ങൾ പരാജയപ്പെട്ടു.

ടെസ്‌ല ഇന്ത്യയിലേക്ക് വരുന്നതിനെ കുറിച്ച് കഴിഞ്ഞ വർഷം ഏറെ പ്രചരിച്ചതിന് ശേഷം, പരാജയപ്പെട്ട ലോബിയിംഗ് ശ്രമങ്ങളെത്തുടർന്ന് അമേരിക്കൻ ബ്രാൻഡ് അതിന്റെ ജീവനക്കാരെ മറ്റ് രാജ്യങ്ങളിലേക്ക് മാറ്റി. ഇലക്ട്രിക് കാറുകളുടെ ഇറക്കുമതി നികുതി ഇന്ത്യൻ സർക്കാർ കുറയ്ക്കണമെന്ന് ബ്രാൻഡ് ആഗ്രഹിച്ചു. എന്നിരുന്നാലും, ടെസ്‌ല ഇന്ത്യയിൽ അസംബ്ലി ലൈൻ സ്ഥാപിക്കണമെന്ന് സർക്കാർ ആവശ്യപ്പെട്ടു.