എയർ ഇന്ത്യയിൽ പറക്കൂ ട്രെയിൻ നിരക്കിൽ!!!

ദില്ലി-മുംബൈ, ദില്ലി-ചെന്നൈ, ദില്ലി-കൊൽക്കത്ത, ദില്ലി-ബംഗ്ലൂരു എന്നീ നാല് റൂട്ടുകളിലായിരുന്നു എയർ ഇന്ത്യ ആദ്യം രാജധാനി നിരക്കുകൾ ഏർപ്പെടുത്തിയിരുന്നത്.

ഈ നാല് റൂട്ടുകൾക്ക് പുറമെ ദില്ലി-റാഞ്ചി, ദില്ലി-അഹമദാബാദ്, ദില്ലി-ഹൈദ്രബാദ്, ദില്ലി-ഗോവ, ദില്ലി-ഭുവനേശ്വർ, ദില്ലി-പാറ്റ്ന, ദില്ലി-റായ്പൂർ എന്നീ ഏഴ് റൂട്ടുകളിലേക്കും ഓഫർ ദീർഘിപ്പിച്ചിട്ടുണ്ടെന്നാണ് എയർ ഇന്ത്യ പത്രകുറിപ്പിൽ അറിയിച്ചത്.

ദില്ലി-മുംബൈ (2,870 രൂപ), ദില്ലി-ചെന്നൈ (3,905 രൂപ), ദില്ലി-കൊൽക്കത്ത (2,890 രൂപ), ദില്ലി-ബംഗ്ലൂരു (4,095 രൂപ) എന്ന നിരക്കാണ് ഈ റൂട്ടുകളിൽ എയർ ഇന്ത്യ ഏർപ്പെടുത്തിയിട്ടുള്ളത്.

ദില്ലി-റാഞ്ചി (2,770 രൂപ), ദില്ലി-അഹമദാബാദ് (2,270 രൂപ), ദില്ലി-ഹൈദ്രബാദ് (3,275 രൂപ), ദില്ലി-ഗോവ (3,665രൂപ), ദില്ലി-ഭുവനേശ്വർ (3,475രൂപ), ദില്ലി-പാറ്റ്ന (2,315രൂപ), ദില്ലി-റായ്പൂർ (2,240രൂപ) എന്ന നിരക്കിൽ ഈ റൂട്ടുകളിൽ യാത്ര ചെയ്യാം.

ചുരുക്കത്തിൽ 2,270രൂപ മുതൽ 4,095രൂപ വരെയാണ് എയർ ഇന്ത്യയുടെ നിലവിലെ നിരക്കുകൾ.

വിമാനം പുറപ്പെടുന്നതിന് നാലു മണിക്കൂർ മുമ്പ് വരെ ടിക്കറ്റ് ബുക്ക് ചെയ്യാനാകുമെന്നാണ് എയർ ഇന്ത്യയിൽ നിന്നുമുള്ള അറിയിപ്പ്.

ഈ നിരക്കുകൾ ഉൾപ്പെടുത്തി കൊണ്ട് ലാഭം മാത്രമല്ല മുന്നിൽ കാണുന്നത് അവസാനം നിമിഷം വരെ ടിക്കറ്റ് ബുക്കിംഗ് സാധ്യമാക്കുക എന്നതാണെന്ന് എയർ ഇന്ത്യ അറിയിച്ചു.

രാജധാനി നിരക്കിലുള്ള ഈ ഓഫറുകൾ ജൂൺ 27 മുതൽ സെപ്തംബർ 30 വരെയാണ് ലഭ്യമാക്കിയിട്ടുള്ളത്.

കൂടുതൽ യാത്രക്കാരെ ഇതുവഴി ആകർഷിക്കാമെന്ന പ്രതീക്ഷയിലാണ് എയർ ഇന്ത്യ. പല സ്വകാര്യ വിമാന കമ്പനികളും എയർ ഇന്ത്യയുടെ ഈ തീരുമാനം മൂലം നിരക്ക് കുറയ്ക്കാൻ നിർബന്ധിതരായേക്കാം.