ജിയോ ഗ്യാരേജിലെ പുത്തൻ അതിഥി; പരിചയപ്പെടാം അംബാനിയുടെ പുത്തൻ Cadillac Escalade എസ്‌യുവിയെ

എന്നാൽ അവയ്ക്കൊപ്പം ഇപ്പോഴിതാ, മുകേഷ് അംബാനി തന്റെ ശേഖരത്തിലേക്ക് ഒരു കാഡിലാക് എസ്‌കലേഡ് എസ്‌യുവി ചേർത്തിരിക്കുകയാണ്. നിലവിൽ അംബാനിയുടെ കാഡിലാക്കിന്റെ ഒരു ചിത്രം മാത്രമേ ഇന്റർനെറ്റിൽ ലഭ്യമായിട്ടുള്ളൂ.

കാർ ക്രേസി ഇന്ത്യയാണ് ഇത് ഇൻസ്റ്റഗ്രാമിൽ പങ്കുവെച്ചിരിക്കുന്നത്. അംബാനിയുടെ എസ്കലേഡ് സിൽവർ നിറത്തിലാണ് പൂർത്തിയാക്കിയിരിക്കുന്നത്. കാഡിലാക്ക് തങ്ങളുടെ വാഹനങ്ങൾ ഇന്ത്യൻ വിപണിയിൽ ഔദ്യോഗികമായി വിൽക്കുന്നില്ല എന്നത് ശ്രദ്ധിക്കേണ്ടതാണ്. അതിനാൽ, മുകേഷ് അംബാനി ഇത് സ്വകാര്യമായി ഇറക്കുമതി ചെയ്തതായിരിക്കണം.

ലോകത്തിലെ ഏറ്റവും വലുതും ബൾക്കി ലുക്കിംഗുമായി കാണപ്പെടുന്ന എസ്‌യുവികളിലൊന്നാണ് എസ്‌കലേഡ്. വാഹനത്തിന്റെ വലിപ്പം, ഡിസൈൻ, ബൾക്കി ലുക്ക് എന്നിവ ആരേയും മയക്കുന്നു. ഇത് ധാരാളം റോഡ് പ്രെസൻസും ഡിമാൻഡ് ചെയ്യുന്നു.

ഈ എസ്‌യുവിയിൽ ഉള്ളതെല്ലാം വളരെ വലുതാണ്. ഗ്രില്ലിന്റെ വലിപ്പവും എൽഇഡി ഹെഡ്‌ലാമ്പുകളുടേയും സൈസ് നമുക്ക് കാണാം. മാത്രമല്ല, ആവശ്യത്തിന് ബ്ലിംഗ് ഓഫറുണ്ടെന്ന് ഉറപ്പാക്കാൻ കാഡിലാക്ക് ധാരാളം ക്രോം ഘടകങ്ങളും ഉപയോഗിക്കുന്നു.

ഹോളിവുഡിലെ പ്രശസ്തരായ പല താരങ്ങളും കാഡിലാക് എസ്കലേഡ് ഉപയോഗിക്കുന്നു. മാത്രമല്ല, പ്രസിഡന്റും ഈ എസ്‌യുവി ഉപയോഗിക്കുന്നു. ഒരു എസ്കലേഡ് സ്വന്തമാക്കിയിരിക്കുന്നത് അംബാനി മാത്രമല്ല, ഇന്ത്യയിൽ വേറെയും ചിലരുടെ പക്കലും ഈ വാഹനമുണ്ട്.

ഇത്രയും കൂറ്റൻ എസ്‌യുവിയെ പവർ ചെയ്യാൻ വലിയ എഞ്ചിൻ ആവശ്യമാണ്. 420 bhp പരമാവധി കരുത്തും 624 Nm പീക്ക് torque ഉം ഉൽപ്പാദിപ്പിക്കുന്ന കൂറ്റൻ 6.2 ലിറ്റർ V8 എഞ്ചിനാണ് കാഡിലാക്ക് ഉപയോഗിക്കുന്നത്.

ലാൻഡ് റോവർ ഡിഫൻഡർ 110

അംബാനിയുടെ ഗാരേജിലെ ഒരു പ്രമുഖ മോഡലാണ് ലാൻഡ് റോവർ ഡിഫെൻഡർ 110. ഡിഫൻഡറിന്റെ അഞ്ച് ഡോറുകളുള്ള പതിപ്പാണ് 110. നിലവിൽ വിൽപനയിലുള്ള ഏറ്റവും ശേഷിയുള്ള എസ്‌യുവികളിൽ ഒന്നാണിത്. മൂന്ന് എഞ്ചിൻ ഓപ്ഷനുകളിലാണ് ലാൻഡ് റോവർ ഡിഫൻഡർ വാഗ്ദാനം ചെയ്യുന്നത്.

2.0 ലിറ്റർ ടർബോ പെട്രോൾ, 3.0 ലിറ്റർ ടർബോ പെട്രോൾ, 3.0 ലിറ്റർ ഡീസൽ എഞ്ചിൻ എന്നിവ വാഹനത്തിലുണ്ട്. വിദേശ വിപണിയിൽ, ഒരു സൂപ്പർചാർജ്ഡ് V8 ഓഫറുമുണ്ട്. ഇന്ത്യയിൽ 80.72 ലക്ഷം രൂപ മുതൽ 1.22 കോടി രൂപ വരെയാണ് എക്സ്-ഷോറൂം വില.

ലെക്സസ് LX570

കഴിഞ്ഞ വർഷം മുകേഷ് അംബാനി തങ്ങളുടെ ഗാരേജിൽ രണ്ട് ലെക്സസ് LX570 എസ്‌യുവികൾ ചേർത്തു. ഒരെണ്ണം സിൽവറിലും രണ്ടാമത്തേത് വൈറ്റ് ഷേഡിലുമാണ് വരുന്നത്. എസ്‌യുവികൾ വളരെ വലുതാണ്, നിലവിൽ ലെക്‌സസിന്റെ മുൻനിര എസ്‌യുവിയാണ് LX570. 362 bhp പരമാവധി കരുത്തും 530 Nm torque ഉം ഉത്പാദിപ്പിക്കുന്ന 5.7 ലിറ്റർ നാച്ചുറലി ആസ്പിറേറ്റഡ് V8 എഞ്ചിനാണ് ഇതിന് കരുത്തേകുന്നത്.

ബെന്റ്ലി ബെന്റേഗ W12

ഇന്ത്യയിൽ ആദ്യമായി ബെന്റ്‌ലി ബെന്റേഗ ലഭിച്ചവരിൽ ഒരാളാണ് അംബാനിയുടെ കുടുംബം. റേസിംഗ് ഗ്രീൻ പെയിന്റ് ഷേഡിലാണ് ഇത് പൂർത്തിയാക്കിയിരിക്കുന്നത്. W12 മോഡലാണ് അംബാനിയുടെ ബെന്റേഗ. അതിനാൽ, 600 bhp പരമാവധി കരുത്തും 900 Nm പീക്ക് ടോർക്കും ഉൽപ്പാദിപ്പിക്കുന്ന 6.0 ലിറ്റർ ട്വിൻ-ടർബോചാർജ്ഡ് W12 പെട്രോൾ എഞ്ചിനിലാണ് ഇത് വരുന്നത്.

ബെന്റ്ലി ബെന്റേഗ V8

അംബാനി ഗാരേജിൽ രണ്ടാമതായി ഒരു ബെന്റെയ്‌ഗയും ഉണ്ട്. ഇത് ഒരു V8 ആണ്. അതിനാൽ, 542 bhp പരമാവധി കരുത്തും 770 Nm പീക്ക് torque ഉം ഉൽപ്പാദിപ്പിക്കുന്ന 4.0 ലിറ്റർ ട്വിൻ-ടർബോചാർജ്ഡ് V8 ആണ് ഇതിന് കരുത്തേകുന്നത്. അനന്ത് അംബാനിയാണ് ഈ എസ്‌യുവി കൂടുതലും ഉപയോഗിക്കുന്നത്.

മറ്റ് എസ്‌യുവികൾ

ജിയോ ഗാരേജിൽ മറ്റ് പല എസ്‌യുവികളും ഉണ്ട്. റോൾസ് റോയ്‌സ് കലിനൻ, ലാൻഡ് റോവർ റേഞ്ച് റോവർ, ലംബോർഗിനി ഉറൂസ്, മെർസിഡീസ് ബെൻസ് AMG G63, ലാൻഡ് റോവർ ഡിസ്‌കവറി എന്നിവയും അതിലേറെയും അംബാനി കുടുംബത്തിന്റെ പക്കലുണ്ട്.