Click it and Unblock the Notifications
ഹൃദയാഘാതം? ആംബുലന്സ് ഡ്രോണുകള് രക്ഷയ്ക്കെത്തും!
അടിയന്തിര ജീവന്രക്ഷാ ഉപാധികളുമായി പറക്കുന്ന ഒരു ആളില്ലാവിമാനം വികസിപ്പിച്ചെടുത്ത് ശ്രദ്ധനേടുന്നു അലക് മൊമൊന്റ് എന്ന എന്ജിനീയറിങ് വിദ്യാര്ത്ഥി. പ്രധാനമായും ഹൃദ്രോഗബാധിതരെ ലക്ഷ്യമിട്ടാണ് ഈ ഡ്രോണ് വികസിപ്പിക്കപ്പെട്ടിട്ടുള്ളത്. അത്യാവശ്യഘട്ടങ്ങളില് മൊബൈല് കോള് വഴി ഈ ഡ്രോണിനെ വരുത്താവുന്നതാണ്. ഇതില് അടിയന്തിര ജീവന്രക്ഷാ സാമഗ്രികളുണ്ടായിരിക്കും.
ഈ പറക്കും ആംബുലന്സിനെ അടുത്തു പരിചയപ്പെടാം താഴെ ചിത്രങ്ങള്ക്കൊപ്പം.
ചിത്രങ്ങളിലൂടെ നീങ്ങുക.
നാല് കിലോഗ്രാം ഭാരം കൊണ്ടുപോകാനുള്ള ശേഷിയുണ്ട് ഈ ആളില്ലാവിമാനത്തിന്. ഹൃദ്രോഗത്തിന് അടിയന്തിരമായി നല്കുന്ന ചികിത്സകളില് പ്രധാനമായ ഡിഫിബ്രില്ലറേറ്റര് ഉപയോഗിച്ചുള്ള ചികിത്സയ്ക്ക് ഈ ഡ്രോണ് ഉപയോഗിക്കാവുന്നതാണ്.
മണിക്കൂറില് 100 കിലോമീറ്റര് വേഗതയില് സഞ്ചരിക്കാന് കഴിയും ഈ ആംബുലന്സ് ഡ്രൈണിന്. ആറ് പ്രോപ്പല്ലറുകളാണ് ഡ്രോണിനെ പായിക്കുന്നതിനായി സന്നാഹപ്പെടുത്തിയിട്ടുള്ളത്. വര്ഷത്തില് 8 ലക്ഷത്തോളം പേരാണ് യൂറോപ്യന് യൂണിയനില് ഹൃദയാഘാതം സംഭവിക്കുന്നതെന്ന് ചൂണ്ടിക്കാട്ടുന്നു അലക് മൊമൊന്റ്. ഇവരില് വെറും 8 ശതമാനം പേര് മാത്രമാണ് ഇതിനെ അതിജീവിക്കുന്നത്. തന്റെ ഡ്രോണ് ഈ വഴിക്ക് വലിയ മുന്നേറ്റങ്ങളുണ്ടാക്കുമെന്ന് അവകാശപ്പെടുന്നു അലക്.
അടിയന്തിര കോളുകളിലൂടെയാണ് ഡ്രോണിനെ വരുത്താന് കഴിയുക. ജിപിഎസ് നാവിഗേഷന് ഉപയോഗിച്ച് ഡ്രോണ് കൃത്യസ്ഥലത്തെത്തിച്ചേരുന്നു. ഇതോടൊപ്പം ഡോക്ടറുടെ നിര്ദ്ദേശങ്ങള് ഫോണിലൂടെ ലഭ്യമായിക്കൊണ്ടിരിക്കും. അടുത്ത താളിലെ വീഡിയോയില് വ്യക്തമായി മനസ്സിലാക്കാം.
വീഡിയോ
വീഡിയോ
Continue with Google