കൽക്കിയിലെ ബുജി കാറോടിച്ച് ആനന്ദ് മഹീന്ദ്ര, അടുത്ത് പാർക്ക് ചെയ്തിരിക്കുന്ന കാർ കണ്ട് വണ്ടറടിച്ച് ആരാധകർ

വാഹന നിർമാതാക്കൾക്കിടയിലെ തികഞ്ഞ ഒരു വണ്ടിപ്രാന്തനാണ് ആനന്ദ് മഹീന്ദ്ര എന്ന് എല്ലാവർക്കും അറിയാവുന്നതാണ്. അദ്ദേഹത്തിന് വാഹനങ്ങളോടും ടെക്നോളജിയോടുമുളള അടങ്ങാത്ത് പ്രിയം ലോക പ്രശസ്തമാണ്. കഴിഞ്ഞ ദിവസം കൽക്കി 2898" എന്ന സിനിമയിലെ ഏറ്റവും സവിശേഷമായ കാറായ "ബുജ്ജി"യെ അഭിനന്ദിച്ച് ഒരു ട്വീറ്റ് പങ്കിട്ടിരുന്നു. അടുത്ത ദിവസം തന്നെ അദ്ദേഹം വാഹനമോടിക്കുന്ന ചിത്രങ്ങളും സമൂഹമാധ്യമങ്ങളിൽ വൈറലായി. സിനിമയുടെ നിർമ്മാതാക്കളും മഹീന്ദ്ര ഓട്ടോമോട്ടീവും ചേർന്നാണ് രൂപകൽപ്പന ചെയ്തത്. ബുജിയുടെ അടുത്തായി തൻ്റെ സ്കോർപിയോ എൻ പാർക്ക് ചെയ്തിരിക്കുന്ന ചിത്രങ്ങളും ആനന്ദ് മഹീന്ദ്ര സമൂഹമാധ്യമങ്ങളിൽ പങ്കുവച്ചിട്ടുണ്ട്.

ആനന്ദ് മഹീന്ദ്ര ബുജ്ജി ഓടിക്കുന്ന വീഡിയോ ഇന്ത്യ ടുഡേ തങ്ങളുടെ ഇൻസ്റ്റാഗ്രാമിൽ പങ്കുവെച്ചിട്ടുണ്ട്. ആനന്ദ് മഹീന്ദ്രയ്ക്ക് ഓടിക്കാൻ വേണ്ടി ഈ കാർ പ്രത്യേകം തയ്യാറാക്കിയ സ്ഥലത്ത് എത്തുന്നതോടെയാണ് വീഡിയോ ആരംഭിക്കുന്നത്. ലൊക്കേഷനിൽ എത്തിയതിന് ശേഷം സിനിമയിൽ നിന്നുളള രണ്ട് ഗാർഡുകളും അദ്ദേഹത്തോടൊപ്പം ഉണ്ടായിരുന്നു.

ഇതിനെത്തുടർന്ന് ആനന്ദ് മഹീന്ദ്ര ബുജ്ജിയുടെ മുന്നിൽ നിൽക്കുകയും, കാർ കണ്ടയുടനെ സന്തോഷം കൊണ്ട് ആനന്ദ് മഹീന്ദ്ര കൈയടിക്കാൻ തുടങ്ങി. തുടർന്ന് നടക്കുന്നതിനിടയിൽ ബുജ്ജിയുടെ വിശദാംശങ്ങൾ അദ്ദേഹം ശ്രദ്ധിക്കുന്നത് കണ്ടു. മഹീന്ദ്ര മുതലാളി ബുജ്ജി നിർമിച്ച ആളുകളുമായി സംസാരിക്കുന്നതും അതിൻ്റെ പ്രവർത്തനത്തെക്കുറിച്ചും മറ്റ് അനുബന്ധ കാര്യങ്ങളെക്കുറിച്ചും ചോദിച്ചു പഠിക്കുന്നതും വീഡിയോയിൽ കാണാം.

വാക്കറൗണ്ടിന് ശേഷം ബുജ്ജിയുടെ സിംഗിൾ ബബിൾ ഗ്ലാസ് ഡ്രൈവിംഗ് ചേംബർ തുറന്നു, പിന്നെ അദ്ദേഹം ഡ്രൈവിംഗ് സീറ്റിൽ ഇരുന്നു. തുടർന്ന് ഈ വാഹനം ഓടിക്കുന്നതെങ്ങനെയെന്ന് നിർദേശിച്ചു. അതേത്തുടർന്ന്, ആളുകളിൽ ഒരാളെ അനുഗമിച്ചു, ആനന്ദ് മഹീന്ദ്ര ഏതാനും മീറ്ററുകളോളം ബുജ്ജി ഓടിച്ചു. അതിനോടൊപ്പം തന്നെ, അദ്ദേഹത്തിൻ്റെ സ്വകാര്യ മഹീന്ദ്ര സ്കോർപ്പിയോ-എൻ കൊണ്ടുവന്നതായി വീഡിയോ കാണിക്കുന്നു. അത് ബുജ്ജിയുടെ തൊട്ടടുത്ത് പാർക്ക് ചെയ്തു.

ആനന്ദ് മഹീന്ദ്ര രണ്ട് വാഹനങ്ങൾക്ക് മുന്നിൽ പോസ് ചെയ്യുകയും ചെയ്തു. നാഗ് അശ്വിൻ്റെ വരാനിരിക്കുന്ന സയൻസ് ഫിക്ഷൻ ത്രില്ലർ സിനിമയായ "കൽക്കി 2898 എഡി"ക്ക് വേണ്ടി രൂപകൽപ്പന ചെയ്ത ഒരു ഫ്യൂച്ചറസ്റ്റിക്ക് വാഹനമാണിത്. കാഴ്ചയിൽ നിന്ന്, കാർ ഒരു CGI സൃഷ്ടിയാണെന്ന് പലർക്കും തോന്നാം. എന്നിരുന്നാലും, ഈ കാർ യഥാർത്ഥത്തിൽ സിനിമയിൽ ഉപയോഗിക്കാനായി സൃഷ്ടിച്ചതാണ്.

ബുജിയെ കാണാൻ ആനന്ദ് മഹീന്ദ്ര അടുത്തിടെ എത്തിയതിൻ്റെ കാരണം, ഈ വാഹനം നിർമ്മിക്കാൻ മഹീന്ദ്ര സഹായിച്ചു എന്നതാണ്. കമ്പനിയും ജയം ഓട്ടോമോട്ടീവും ചേർന്ന് ആദ്യം മുതൽ 6 ടൺ ഭാരമുള്ള ഈ കാർ സൃഷ്ടിച്ചത്. ഈ കാറിൻ്റെ മുൻവശത്ത് കസ്റ്റമൈസ് ചെയ്ത് നിർമ്മിച്ച 34.4 ഇഞ്ച് ഹബ്‌ലെസ് റിമുകൾ ഉണ്ട്. കൂടാതെ, പിന്നിൽ ഒരു വലിയ വീലും ലഭിക്കുന്നു.

ഏതു ദിശയിലേക്കും സ്വതന്ത്രമായി സഞ്ചരിക്കാൻ കഴിയുന്ന തരത്തിലാണ് കാർ രൂപകൽപ്പന ചെയ്തിരിക്കുന്നത്. അളവനുസരിച്ച്, ബുജ്ജി കാറിൻ്റെ നീളം 6075 mm, ഉയരം 2186 mm, വീതി 3380 mm -ഉം ആണ്. ബുജ്ജി കാറിന് 47kW ബാറ്ററി സജ്ജീകരണം നൽകിയിട്ടുണ്ട്. 126 bhp പരമാവധി പവർ ഔട്ട്‌പുട്ടും 9800 Nm പീക്ക് ടോർക്കും സൃഷ്ടിക്കുന്ന രണ്ട് മഹീന്ദ്ര ഇലക്ട്രിക് മോട്ടോറുകൾ ഇതിൽ സജ്ജീകരിച്ചിരിക്കുന്നു. ഡ്രൈവറുടെ ഭാഗത്ത് ഒരു പ്രത്യേക ഡിസൈൻ നൽകിയിരിക്കുന്നത് കാറിൻ്റെ ഫ്യൂച്ചറസ്റ്റിക്ക് ലുക്ക് കൂട്ടുന്നു.