Click it and Unblock the Notifications
അച്ഛന് പറഞ്ഞു, മകള് കേട്ടു; ബിഎംഡബ്ല്യുവിന് പിന്നാലെ പുത്തന് ഥാര് റോക്സ് വാങ്ങി 'വെറും വര്ഷ'
മലയാളം ടെലിവിഷന് അവതാരകയും പ്രമുഖ സോഷ്യല് മീഡിയ ഇന്ഫ്ലുവന്സറുമായ വര്ഷ രമേഷ് (Varsha Ramesh) മഹീന്ദ്രയുടെ ഏറ്റവും പുതിയ എസ്യുവി മോഡലായ ഥാര് റോക്സ് (Mahindra Thar ROXX) സ്വന്തമാക്കി. കഴിഞ്ഞ വര്ഷം ബിഎംഡബ്ല്യു X1 സ്വന്തമാക്കിയ വര്ഷ ഥാര് റോക്സ് സ്വന്തം അച്ഛന്റെ ഇഷ്ട പ്രകാരമാണ് വാങ്ങിയത്. ഏഷ്യാനെറ്റില് സംപ്രേഷണം ചെയ്യുന്ന മലയാളത്തിലെ ഏറ്റവും ജനപ്രിയ മ്യൂസിക്കല് റിയാലിറ്റി ഷോയായ സ്റ്റാര് സിംഗറിന്റെ അവതാരകയായ വര്ഷ ബോഗണ്വില്ലെ, സാഹസം എന്നീ സിനിമകളിലൂടെയും മലയാളി പ്രേക്ഷകരുടെ മനംകവര്ന്നിരുന്നു.
മലയാളികള്ക്ക് തങ്ങളുടെ ജീവിതവുമായി ഏറെ അടുത്ത് നില്ക്കുന്ന കണ്ടന്റുകള് സൃഷ്ടിക്കുന്ന വര്ഷയുടെ ചില പോസ്റ്റുകള് നമ്മെ ഒരുപോലെ ചിരിപ്പിക്കുകയും ചിന്തിപ്പിക്കുകയും ചെയ്യുന്നു. പുതുവര്ഷത്തില് 2025 തന്റെ വ്യക്തി ജീവിതത്തിലെ ചില കയ്പ്പേറിയ അനുഭവങ്ങള് ഇന്സ്റ്റഗ്രാം വീഡിയോയിലൂടെ തുറന്ന് പറഞ്ഞ വര്ഷ ഈ വര്ഷം നല്ല അടിപൊളിയായാണ് തുടങ്ങിയിരിക്കുന്നത്. അച്ഛന് പറഞ്ഞത് അനുസരിച്ച മകള് വീട്ടുമുറ്റത്തേക്ക് പുത്തന് കാറുമായി എത്തിയിരിക്കുകയാണ്.
കൊച്ചിയിലെ മഹീന്ദ്ര ഡീലര്ഷിപ്പില് നടന്ന ചടങ്ങില് കുടുംബാംഗങ്ങള്ക്കൊപ്പമെത്തിയാണ് താരം വാഹനം ഏറ്റുവാങ്ങിയത്. ഈ സന്തോഷവാര്ത്ത താരം തന്റെ ഇന്സ്റ്റാഗ്രാം പേജിലൂടെ ആരാധകരുമായി പങ്കുവെച്ചു.മഹീന്ദ്രയുടെ ഏറ്റവും ഡിമാന്ഡുള്ള വാഹനങ്ങളിലൊന്നായ ഥാര് റോക്സിന്റെ വെള്ള നിറത്തിലുള്ള മോഡലാണ് വര്ഷ തിരഞ്ഞെടുത്തത്. സ്പോര്ട് യൂട്ടിലിറ്റി വാഹനങ്ങളോടുള്ള (SUV) താരത്തിന്റെ താല്പ്പര്യമാണ് ഈ പുതിയ ചോയ്സിലൂടെ വ്യക്തമാകുന്നത്.
ഡെലിവറി ചടങ്ങിന്റെ വീഡിയോ സോഷ്യല് മീഡിയയില് ഇതിനകം തരംഗമായിക്കഴിഞ്ഞു. നിരവധി ആരാധകരാണ് താരത്തിന് ആശംസകളുമായി എത്തുന്നത്.റോഡ് പ്രസന്സിന്റെ കാര്യത്തിലും പെര്ഫോമന്സിന്റെ കാര്യത്തിലും ഥാര് റോക്സ് മുന്പന്തിയിലാണ്. 3-ഡോര് താറില് നിന്നും വ്യത്യസ്തമായി പ്രായോഗികമായുള്ള പരാതികള്ക്ക് അറുതി വരുത്തി 5 ഡോറുകളുമായാണ് ഥാര് റോക്സ് 2024-ല് വിപണിയിലെത്തിയത്. ഫാമിലി ഫ്രണ്ട്ലിയായി മാറിയ ലൈഫ്സ്റ്റൈല് എസ്യുവി ഇപ്പോള് ചൂടപ്പം പോലെയാണ് വിറ്റുപോകുന്നത്.
അത്യാധുനിക സൗകര്യങ്ങളാല് സമ്പന്നമാണ് ഥാര് റോക്സിന്റെ ഇന്റീരിയര്. പനോരമിക് സണ്റൂഫ്, 10.25 ഇഞ്ച് ടച്ച്സ്ക്രീന് ഇന്ഫോടെയ്ന്മെന്റ് സിസ്റ്റം, ഹര്മന് കാര്ഡണ് സൗണ്ട് സിസ്റ്റം എന്നിവ ഇതിലുണ്ട്. പ്രീമിയം ലുക്ക് നല്കുന്ന വൈറ്റ് തീമിലുള്ള ഡാഷ്ബോര്ഡും വെന്റിലേറ്റഡ് സീറ്റുകളും യാത്രക്കാര്ക്ക് വലിയ ആശ്വാസം നല്കുന്നു. ദീര്ഘദൂര യാത്രകള്ക്ക് അനുയോജ്യമായ രീതിയിലാണ് ഇതിന്റെ സീറ്റിംഗ് ക്രമീകരണം.
ഥാര് റോക്സിന്റെ സാങ്കേതിക വശങ്ങളിലേക്ക് നോക്കിയാല്, കരുത്തുറ്റ എഞ്ചിന് ഓപ്ഷനുകളാണ് ഇതിന്റെ പ്രധാന ആകര്ഷണം. 2.0 ലിറ്റര് എംസ്റ്റാലിയന് (mStallion) ടര്ബോ പെട്രോള് എഞ്ചിന്, 2.2 ലിറ്റര് എംഹോക്ക് (mHawk) ഡീസല് എഞ്ചിന് എന്നിങ്ങനെ രണ്ട് ഓപ്ഷനുകളില് ഈ വാഹനം ലഭ്യമാണ്. 6-സ്പീഡ് മാനുവല്, 6-സ്പീഡ് ടോര്ക്ക് കണ്വെര്ട്ടര് ഓട്ടോമാറ്റിക് ഗിയര്ബോക്സ് ഓപ്ഷനുകള് ഈ വാഹനത്തിനുണ്ട്.
ഓഫ്-റോഡിംഗിനും സിറ്റി ഡ്രൈവിംഗിനും ഒരുപോലെ അനുയോജ്യമായ രീതിയിലാണ് ഇതിന്റെ മെക്കാനിക്കല് സവിശേഷതകള് ക്രമീകരിച്ചിരിക്കുന്നത്.സുരക്ഷയുടെ കാര്യത്തിലും ഥാര് റോക്സ് വിട്ടുവീഴ്ച ചെയ്യുന്നില്ല. 6 എയര്ബാഗുകള്, ലെവല് 2 ADAS സാങ്കേതികവിദ്യ, 360 ഡിഗ്രി ക്യാമറ, ഇലക്ട്രോണിക് സ്റ്റബിലിറ്റി കണ്ട്രോള് (ESC) എന്നിവ വാഹനത്തിലുണ്ട്.
ഇതിഹാസ തുല്യമായ ഥാറിന്റെ ഓഫ്-റോഡ് കരുത്തിനൊപ്പം അത്യാധുനിക സുരക്ഷാ സംവിധാനങ്ങള് കൂടി ചേരുന്നതോടെ ഇതൊരു കംപ്ലീറ്റ് പാക്കേജായി മാറുന്നു.കേരളത്തിലെ സെലിബ്രിറ്റികള്ക്കിടയില് മഹീന്ദ്ര ഥാറിന് വലിയ സ്വീകാര്യതയാണ് ലഭിക്കുന്നത്. പ്രായോഗികതയും ആഡംബരവും ഒത്തുചേരുന്ന 5 ഡോര് പതിപ്പ് എത്തിയതോടെ വിപണിയില് ഇതിന്റെ പ്രിയം വര്ദ്ധിച്ചു.
വര്ഷ രമേഷിനെപ്പോലെ യൂത്തിനിടയില് സ്വാധീനമുള്ള ഒരാള് ഈ വാഹനം തിരഞ്ഞെടുത്തത് മഹീന്ദ്രയുടെ ബ്രാന്ഡ് മൂല്യം വര്ദ്ധിപ്പിക്കാന് സഹായിക്കും.നിലവില് വിപണിയില് വന് ബുക്കിംഗാണ് ഥാര് റോക്സിന് ലഭിക്കുന്നത്. കുറഞ്ഞ സമയം കൊണ്ട് തന്നെ എസ്യുവി പ്രേമികളുടെ പ്രിയപ്പെട്ട വാഹനമായി മാറാന് ഇതിന് സാധിച്ചു. വര്ഷ രമേഷിന്റെ ഗരാജിലെ ഏറ്റവും പുതിയ ഈ അതിഥി താരത്തിന്റെ യാത്രകളെ കൂടുതല് സ്റ്റൈലിഷ് ആക്കുമെന്ന് ഉറപ്പാണ്.
Continue with Google