കാറപകടത്തിൽ രക്ഷകനായത് ആപ്പിൾ വാച്ച്! ആഡംബരം മാത്രമല്ല കൈയിൽ കെട്ടിയാൽ ഗുണവും ഉണ്ടേ

ടെക്നോളജി ദിനംപ്രതി വളർന്നുകൊണ്ടേയിരിക്കുകയാണ്. ആപ്പിൾ മൊബൈൽ ഉപയോഗിക്കാത്തവർ കുറവാണ്. അതിനൊപ്പം തന്നെ ആപ്പിൾ വാച്ചിനും ആരാധകർ വളരെ കൂടുതലാണ്. യുഎസിലെ ഒരു ഹൈവേയിൽ തൻ്റെ കാർ അപകടത്തിൽപ്പെട്ടപ്പോൾ ഒരു ഇന്ത്യൻ വ്യവസായി തൻ്റെ ആപ്പിൾ വാച്ച് എമർജൻസി സർവീസുകളിൽ നിന്ന് സഹായം ആവശ്യപ്പെട്ടത് സോഷ്യൽ മീഡിയയിൽ പങ്കുവെച്ചത് വൈറലായിരിക്കുകയാണ്. 911 ഡയൽ ചെയ്യുകയും അടിയന്തര സേവനങ്ങൾ ആവശ്യപ്പെടുകയും തൻ്റെ ആപ്പിൾ വാച്ച് ചെയ്തു എന്നാണ് അദ്ദേഹം പോസ്റ്റിൽ പങ്കുവച്ചിരിക്കുന്നത്. ഒരു ഹൈവേയിൽ അപകടം സംഭവിച്ച കാറിൻ്റെ ഫോട്ടോയും ക്രാഷ് സൈറ്റ് പരിശോധിക്കുന്ന ഒരു പോലീസ് ഉദ്യോഗസ്ഥനുമായി നിൽക്കുന്ന ചിത്രമാണ് പങ്കുവച്ചത്.

നിർത്തിയിട്ടിരുന്ന അദ്ദേഹത്തിൻ്റെ വാഹനത്തിൻ്റെ പിന്നിൽ വന്നിടിച്ചതാണ് അപകടകാരണം.ഇടിയുടെ ആഘാതത്തിൽ അപകടം സംഭവിച്ചു എന്ന് മനസിലാക്കിയ ആപ്പിൾ വാച്ചാണ് എമർജൻസി സർവീസിലേക്ക് കോൾ ചെയ്തത്. പെട്ടെന്ന് തന്നെ എല്ലാ എമർജൻസി സർവീസുകളും അപകട സ്ഥലത്തേക്ക് എത്തുകയും ചെയ്തു. വിദേശ രാജ്യങ്ങളിലെ ഹൈവേകളിലൂടെ സഞ്ചരിക്കുമ്പോൾ വളരെ ശ്രദ്ധിക്കുക.

ഒരു ഫ്രീവേ എന്നത് ഒരു "നിയന്ത്രിത-ആക്സസ്" ഹൈവേയാണ്. അത് അതിവേഗ വാഹന ഗതാഗതത്തിന് മാത്രമായി രൂപകൽപ്പന ചെയ്തിട്ടുള്ളതാണ്. ട്രാഫിക് സിഗ്നലുകളോ ഇൻ്റർസെക്ഷനുകളോ മറ്റ് റോഡുകളോ റെയിൽവേകളോ കാൽനട പാതകളോ ഉള്ള ഗ്രേഡ് ക്രോസിംഗുകളോ ഇല്ലാത്തത് കൊണ്ട് ഒരു ഫ്രീവേയിലെ ഗതാഗതം തടസ്സമില്ലാതെ പോകുന്നവയാണ്.

ഫ്രീവേകളും മൾട്ടിലെയ്ൻ ഹൈവേകളും തമ്മിലുള്ള പ്രധാന വ്യത്യാസം നോക്കുകയാണെങ്കിൽ, ഫ്രീവേകളുടെ കാര്യത്തിൽ, ഈ റോഡുകൾ ബാക്കിയുള്ള ട്രാഫിക്കിൽ നിന്ന് വേർതിരിക്കപ്പെടുകയും മറ്റൊരു സ്ലിപ്പ് റോഡുകൾ വഴി മാത്രമേ ആക്സസ് ചെയ്യാൻ കഴിയൂ എന്നതാണ്. സ്ലിപ്പ് റോഡുകൾ ഫ്രീവേയ്ക്കും മറ്റ് പാതകൾക്കും കളക്ടർ റോഡുകൾക്കുമിടയിൽ വേഗത മാറ്റാൻ അനുവദിക്കുകയാണ്.

ഒരു ഫ്രീവേ അല്ലാത്ത ഒരു ഹൈവേക്ക് കവലകളൊന്നുമില്ലാതെ നീളത്തിലായിരിക്കും റോഡ്. എന്നാൽ ഹൈവേകൾക്ക് സാധാരണയായി കുറഞ്ഞ വേഗപരിധിയുണ്ട്, ട്രാഫിക് സിഗ്നലുകളോ കാൽനടയാത്രക്കാരോ മറ്റ് വേഗത കുറഞ്ഞ ട്രാഫിക്കുകളോ ഉള്ള ജനവാസ മേഖലകളിലൂടെയായിരിക്കും കടന്നുപോകാറുളളത്. ഹൈവേകളിൽ പലപ്പോഴും ട്രാഫിക് ലൈറ്റുകളും നിയന്ത്രിത പ്രദേശങ്ങളും സാധാരണയായി കുറഞ്ഞ വേഗത പരിധികളുമുണ്ട്.

ഫ്രീവേകൾക്ക് ഉയർന്ന വേഗപരിധികളും കുറച്ച് കവലകളുമായിരിക്കും ഉണ്ടാവുക, അതിനാൽ, കുറഞ്ഞ ട്രാഫിക് നിയന്ത്രണത്തോടെ ഒരു നഗരത്തിൽ നിന്ന് മറ്റൊന്നിലേക്ക് വേഗത്തിൽ എത്തിച്ചേരാനാകുമെന്നതാണ് പ്രത്യേകത. ഹൈവേയുമായി ബന്ധപ്പെട്ട മറ്റ് കാര്യങ്ങളിലേക്ക് നോക്കിയാൽ റോഡ്, ഹൈവേ അപകടങ്ങളുടെ കാരണങ്ങൾ പലതാണ്. ബ്ലാക്ക് സ്പോട്ടുകൾ പ്രധാന കാരണങ്ങളിലൊന്നായി കണക്കാക്കപ്പെടുന്നുണ്ട്.

പ്രധാനമായും ഹൈവേകളിൽ, വലതുവശത്തുള്ള റോഡാണ് ഏറ്റവും വേഗതയേറിയ റോഡ്, അതായത് വേഗത കൂട്ടി യാത്ര ചെയ്യാൻ വലതുവശം ചേർന്നു പോകുക. അതായത് വേഗത്തിൽ വാഹനമോടിക്കുന്നവർ വലത്തോട്ടും പതുക്കെ വാഹനമോടിക്കുന്നവർ ഇടത്തോട്ടും പോകണം. രണ്ടുവരി വൺവേ റോഡുകളിലെ റോഡ് നിയമങ്ങൾ ഇവയാണ്. എന്നാൽ പലരും ഇത് പാലിക്കാറില്ല എന്നതാണ് പ്രശ്നം. മെല്ലെ പോകുന്നവർ വലതുവശം ചേർന്ന് പോകുമ്പോൾ വേഗത്തിൽ വരുന്ന വാഹനങ്ങളുമായി കൂട്ടിയിടിച്ച് അപകടം ഉണ്ടാകുന്നു.

ഡ്രൈവ്സ്പാർക്ക് മലയാളം വെബ്‌സൈറ്റ് വാഹന സംബന്ധിയായ വാർത്തകൾ തത്സമയം നിങ്ങളുടെ വിരൽത്തുമ്പിൽ ലഭ്യമാക്കുന്നു. സോഷ്യൽ മീഡിയയിലൂടെ ഞങ്ങൾ വാർത്തകൾ വായനക്കാരുമായി തൽക്ഷണം പങ്കിടുന്നു.ഏറ്റവും പുതിയ കാർ, ബൈക്ക് വാർത്തകൾ, ടെസ്റ്റ് ഡ്രൈവ് റിപ്പോർട്ടുകൾ, വീഡിയോകൾ എന്നിവ ലഭിക്കാൻ ഡ്രൈവ്സ്പാർക്ക് മലയാളത്തിന്റെ ഫെയ്‌സ്ബുക്ക്, ഇൻസ്റ്റഗ്രാം, ടെലിഗ്രാം, യൂട്യൂബ് ചാനൽ എന്നിവ മറക്കാതെ ഫോളോ ചെയ്യാം. ഞങ്ങളുടെ ഏതെങ്കിലും വാർത്ത ഇഷ്ടപ്പെട്ടാൽ ലൈക്ക് ചെയ്യാനും കമൻ്റ് ചെയ്യാനും മറക്കല്ലേ.