Click it and Unblock the Notifications
Keeway K300N നേക്കഡ് ബൈക്ക് വാങ്ങാന് പദ്ധതിയുണ്ടോ?; അറിഞ്ഞിരിക്കേണ്ട കുറച്ച് കാര്യങ്ങള് ഇതൊക്കെ
ലാഭകരമായ 300 സിസി നേക്കഡ് സെഗ്മെന്റിന്റെ ഒരു പങ്ക് പിടിച്ചെടുക്കുക എന്ന ഉദ്ദേശത്തോടെ കീവേ അടുത്തിടെയാണ് അതിന്റെ ഇന്ത്യയിലെ ആദ്യത്തെ നേക്കഡ് ബൈക്കായ K300 N പുറത്തിറക്കുന്നത്.
2,65,000 രൂപ (എക്സ്ഷോറൂം ഇന്ത്യ) വിലയുള്ള ഇത് രാജ്യത്തെ ഏറ്റവും താങ്ങാനാവുന്ന കീവേ ബൈക്കാണ്. നിങ്ങള് ഈ നേക്കഡ് മോഡല് വാങ്ങാന് ആഗ്രഹിക്കുന്നുവെങ്കില്, നിങ്ങള് അറിഞ്ഞിരിക്കേണ്ട കുറച്ച് പ്രധാന കാര്യങ്ങളാണ് ഇവിടെ പങ്കുവെയ്ക്കുന്നത്.
വില & വേരിയന്റ്
കീവേ K300 N ഒരു വേരിയന്റില് മാത്രമേ രാജ്യത്ത് ലഭ്യമാകൂ, എന്നാല് മൂന്ന് വ്യത്യസ്ത നിറങ്ങളില് നിങ്ങള്ക്ക് ഇത് തെരഞ്ഞെടുക്കാനും സാധിക്കും. കളര് ഓപ്ഷന്റെ അടിസ്ഥാനത്തിലാണ് വിലയും നിശ്ചയിച്ചിരിക്കുന്നത്.
അടിസ്ഥാന മാറ്റ് വൈറ്റ് കളര് ഓപ്ഷന് 2,65,000 രൂപയും മാറ്റ് റെഡ് പതിപ്പിന് 2,75,000 രൂപയുമാണ് എക്സ്ഷോറൂം വിലയായി നല്കേണ്ടത്. അതേസമയം റേഞ്ച്-ടോപ്പിംഗ് മാറ്റ് ബ്ലാക്ക് പതിപ്പിന് 2,85,000 രൂപയാണ് എക്സ്ഷോറൂം വില.
ലിവറികള് പരസ്പരം കാര്യമായ വ്യത്യാസമില്ലാത്തതിനാല് മറ്റ് രണ്ട് നിറങ്ങള്ക്കുള്ള പ്രീമിയം വളരെ ഉയര്ന്നതാണ്. കീവേയുടെ ഔദ്യോഗിക വെബ്സൈറ്റില് 10,000 രൂപയ്ക്ക് നേക്കഡ് മോട്ടര്സൈക്കിള് ബുക്ക് ചെയ്യാനും സാധിക്കും.
സ്പോര്ട്ടി ഡിസൈന്
കീവേ K300 N-ന്റെ ഡിസൈന് പരിശോധിച്ചാല്, നാം കണ്ടിരിക്കുന്ന CFMoto 300NK യുമായി അസാധാരണമായ സാമ്യം വഹിക്കുന്നുവെന്ന് മനസ്സിലാക്കാന് സാധിക്കും. അത്രയധികം ഇത് റീബാഡ്ജ് ചെയ്ത ബൈക്ക് ആണെന്ന് തോന്നുന്നു.
പറഞ്ഞുകഴിഞ്ഞാല്, ഡിസൈന് തന്നെ വളരെ സ്പോര്ടിയും ഈ വിഭാഗത്തോട് നീതി പുലര്ത്തുന്നതുമാണ്. നേര്ത്ത എല്ഇഡി ഹെഡ്ലൈറ്റിനെ പൂരകമാക്കുന്ന ബീഫി ടാങ്ക് എക്സ്റ്റന്ഷനുകളുള്ള ഒരു മസ്കുലര് ഫ്യൂവല് ടാങ്ക് ഇതിലുണ്ട്.
അണ്ടര്ബെല്ലി എക്സ്ഹോസ്റ്റ് വിഷ്വല് ബോഡിയെ കേന്ദ്രീകൃതമാക്കി നിലനിര്ത്തുന്നു, കൂടാതെ സ്പ്ലിറ്റ് സീറ്റുകളുള്ള മിനുസമാര്ന്ന ടെയില് ഭാഗം ഇത് നന്നായി പൂരകമാക്കുകയും ചെയ്യുന്നു. പിന് നമ്പര് പ്ലേറ്റ് ടയര് ഹഗ്ഗറുമായി സംയോജിപ്പിച്ചിരിക്കുന്നു, ഇത് ബൈക്കിന് ശരിയായ സ്പോര്ട്ടി ലുക്ക് നല്കുന്നുവെന്ന് വേണം പറയാന്.
ന്യായമായ ഫീച്ചര് ലിസ്റ്റ്
കീവേ K300 N-ല് എല്ലാം എല്ഇഡി ലൈറ്റിംഗും സജ്ജീകരമാണ് നല്കിയിരിക്കുന്നത്. ഇന്സ്ട്രുമെന്റ് ക്ലസ്റ്റര് ഒരു എല്സിഡി യൂണിറ്റാണ്.
ഇതിന് സ്മാര്ട്ട്ഫോണ് കണക്റ്റിവിറ്റി ലഭിക്കുന്നില്ല, പക്ഷേ ഹസാര്ഡ് ലൈറ്റ് ഫംഗ്ഷനുമായാണ് ഇത് വരുന്നത്. മോട്ടോര്സൈക്കിളില് ഡ്യുവല്-ചാനല് എബിഎസും ഉണ്ട്, അതിലും പ്രധാനമായി, ബൈക്കിന് രണ്ട് റൈഡിംഗ് മോഡുകളും ലഭിക്കുന്നുണ്ടെന്ന് കീവേ പറയുന്നു.
ആധുനിക എഞ്ചിന്
കീവേ K300 N-ന് കരുത്തേകുന്നത് 292.4 സിസി, സിംഗിള്-സിലിണ്ടര്, ലിക്വിഡ്-കൂള്ഡ് എഞ്ചിനാണ്.
ഈ യൂണിറ്റ് 27.8 bhp കരുത്തും 25 Nm torque ഉം സൃഷ്ടിക്കുന്നു. സ്ലിപ്പര് ക്ലച്ചോടുകൂടിയ ആറ് സ്പീഡ് ഗിയര്ബോക്സിനൊപ്പമാണ് ഇത് ജോടിയാക്കിയിരിക്കുന്നത്. കെടിഎം 250 ഡ്യൂക്ക് അതിന്റെ ചെറിയ 248.7 സിസി എഞ്ചിനില് നിന്ന് 30 bhp കരുത്തും 24 Nm torque ഉം നല്കുന്നു.
പ്രീമിയം ഹാര്ഡ്വെയറുകള്
കീവേ K300 N നിര്മ്മിച്ചിരിക്കുന്നത് ഒരു ട്രെല്ലിസ് ഫ്രെയിമിലാണ്. സസ്പെന്ഷനായി മുന്നില് 37 mm ഇന്വെര്ട്ടഡ് ഫോര്ക്കും, പിന്നില് മോണോഷോക്ക് എന്നിവയുമായി ബന്ധിപ്പിച്ചിരിക്കുന്നു.
രണ്ട് അറ്റത്തും CST RideMigra S1 റേഡിയല് ടയറുകളാല് പൊതിഞ്ഞ 17 ഇഞ്ച് അലോയ്കളിലാണ് മോട്ടോര്സൈക്കിള് വരുന്നത്. പരമ്പരാഗത ടയറുകളുമായി താരതമ്യപ്പെടുത്തുമ്പോള്, റേഡിയല് യൂണിറ്റുകള്ക്ക് കൂടുതല് ഫ്ലെക്സിബിള് സൈഡ്വാള് ഉണ്ട്, ഇത് മികച്ച കോണ്ഫിഡന്സ് വാഗ്ദാനം ചെയ്യുന്നു.
292 mm ഫ്രണ്ട്, റേഡിയല് കാലിപ്പര്, 220 mm റിയര് ഡിസ്ക്, ഡ്യുവല് ചാനല് എബിഎസ് എന്നിവയിലൂടെയാണ് ബ്രേക്കിംഗ്. 151kg ഭാരമുള്ള കീവേ K300 N അതിന്റെ സെഗ്മെന്റിലെ ഏറ്റവും ഭാരം കുറഞ്ഞ മോഡലാണ്. ഇതിന് മാന്യമായ 12.5 ലിറ്റര് ഇന്ധന ടാങ്കും ലഭിക്കുന്നു, കൂടാതെ സീറ്റ് ഉയരം 795 mm ആണ്. ഗ്രൗണ്ട് ക്ലിയറന്സും 150 mm ആണ്.
എതിരാളികള് & അഭിപ്രായം
കീവേ K300 N വിപണിയില് പ്രധാനമായും ബിഎംഡബ്ല്യൂ G 310 R (2,70,000 രൂപ എക്സ്ഷോറൂം), KTM 250 ഡ്യൂക്ക് (2,37,222 രൂപ എക്സ്ഷോറൂം), ഹോണ്ട CB300R (2,77,000 രൂപ, എക്സ്ഷോറൂം) എന്നിവയ്ക്കെതിരെയാണ് മത്സരിക്കുന്നത്.
മൊത്തത്തില്, K300 N ഒരു സ്പോര്ടി നേക്കഡാണ്, എന്നാല് അത് ഓഫര് ചെയ്യുന്നതിനേക്കാള് അല്പ്പം ചെലവേറിയതാണെന്ന് പറയേണ്ടി വരും. പ്രത്യേകിച്ചും നിങ്ങള്ക്ക് കൂടുതല് പ്രീമിയം-ലുക്ക്, കൂടുതല് ശക്തവും ഫീച്ചര് പായ്ക്ക് ചെയ്തതുമായ ബദലുകള് ലഭിക്കുന്നത് കണക്കിലെടുക്കുമ്പോള്.
Continue with Google