ഹെൻറിക് ഫിസ്കറിന്റെ ഭാവനയിലുദിച്ച ഉല്ലാസനൗക

164 അടി നീളമാണ് ഫിസ്കർ 50 എന്നു വിളിക്കപ്പെടുന്ന ഈ നൗകയ്ക്കുള്ളത്. ഏകദേശം പത്ത് കർമ്മാ കാറുകൾ നിരത്തിയാലുണ്ടാകുന്ന നീളമാണ് ഈ ഭീമൻ നൗകയ്ക്കുള്ളത്.

മൂന്ന് തട്ടുകളായി ക്രമീകരിച്ചിരിക്കുന്ന തരത്തിലാണ് ബോട്ട് നിർമിച്ചിരിക്കുന്നത്. എയറോഡൈനാമിക് ഡിസൈനാണ് മൊത്തത്തിൽ നൽകിയിരിക്കുന്നത്.

ഇപ്പോഴിത് വെറുമൊരു കൺസ്പെറ്റ് മാത്രമാണ്. ആവശ്യമുള്ളവർക്ക് ഇതിന്റെ പ്രോഡക്ഷൻ മോഡൽ നൽകുമെന്നാണ് കമ്പനി അറിയിച്ചിട്ടുള്ളത്.

ടോപ്പ് ഡെക്ക് ലോഞ്ച്, വിശാലമായ സലൂൺ, നീന്തൽ കുളം, അതിഥികൾക്കായി ആറ് ക്യാമ്പിനുകൾ, പതിനോന്ന് ക്രൂമെമ്പർമാർക്കായുള്ള ക്വാർട്ടേസുകൾ എന്നിവയാണിതിൽ ഒരുക്കിയിട്ടുള്ളത്.

ബെഡ് റൂം, വിശാലമായ കുളിമുറി, ലൈബ്രറി, ഹോ തിയേറ്റർ, ജിം, ഫോൾഡ്-ഡൗൺ ബാൽക്കണി എന്നീ സൗകര്യങ്ങളാണ് മാസ്റ്റർ സ്യൂട്ടിൽ ഉൾപ്പെടുത്തിയിട്ടുള്ളത്. പാർട്ടി നടത്താൻ ആഗ്രഹമുള്ളവർക്ക് മിനിബാറുകളും ഒരുക്കിയിട്ടുണ്ട്.

കാർബൺ ഫൈബർ, മരം, മറ്റ് വിദേശ നിർമ്മിത വസ്തുക്കൾ എന്നിവയുപയോഗിച്ചാണ് ഈ നൗകയുടെ നിർമാണം നടത്തിയിരിക്കുന്നത്.

ഹൈബ്രിഡ് പ്രോപ്പൽഷൻ സിസ്റ്റമാണ് എൻജിനായിട്ട് ഉപയോഗിച്ചിരിക്കുന്നത്. കൂടാതെ സോളാർ പാനലുകളും ഇതിന്റെ ഭാഗമാണ്.

ഫിസ്കർ ഡിസൈൻ ചെയ്യുന്ന ആദ്യത്തെ ബോട്ടാണിത്. മാത്രമല്ല ഫിസ്കർ നിർമ്മിച്ചിട്ടുള്ള മറ്റ് വാഹനങ്ങളേക്കാളും വിലപ്പിടിച്ചതുമാണ് ഈ ബോട്ട്.

ഏകദേശം 37 മില്ല്യൺ ഡോളറാണ് ഈ ആഡംബര ബോട്ടിന്റെ വില കണക്കാക്കപ്പെടുന്നത്.

ഇങ്ങനെയും ഉണ്ടോ കപ്പലുകൾ