സൂപ്പര്‍കാര്‍ എന്‍ജിനുകള്‍ക്ക് സ്വീകരണമുറിയിലെന്തു കാര്യം?

ചിത്രങ്ങളിലൂടെ നീങ്ങുക.

Images are representational

കാഡില്ലാക്ക് കാറുകളില്‍ ഉപയോഗിക്കുന്ന നോര്‍ത്സ്റ്റാര്‍ എന്‍ജിനുകള്‍ കോഫീ ടേബിളാക്കാന്‍ സമ്പന്നര്‍ മത്സരിക്കുന്നു. കാഡില്ലാക് എന്ന ബ്രാന്‍ഡിന്റെ ഔന്നത്യമാണ് ഇതിനു കാരണം.

അവനവന്റെ പൊങ്ങച്ചത്തിന്റെ അല്‍പത്തരം സ്വീകരണമുറിയില്‍ പ്രദര്‍ശനത്തിനു വെക്കാന്‍ ഇതിലും മികച്ച ഒന്നില്ല എന്നതിനാലാണ് സമ്പന്നരും വാഹനപ്രേമികളുമായ ചിലയാളുകള്‍ നോര്‍ത്സ്റ്റാറിലേക്ക് ആകര്‍ഷിക്കപ്പെടുന്നത്.

ആഡംബരക്കാറുകളുടെ എന്‍ജിനുകള്‍ക്ക് ഒരുകാലത്തും നാശം സംഭവിക്കുന്നില്ല എന്നതിനുദാഹരണമായി ഈ ടീപ്പോയികള്‍ ചൂണ്ടിക്കാട്ടാവുന്നതാണ്.

ആഡംബരക്കാറുകളുടെ എന്‍ജിനുകള്‍ പഴകുന്നതും നാശമാകുന്നതും ഉപേക്ഷിക്കപ്പെടുന്നതും കാത്ത് വലിയൊരു വ്യാവസായിക ലോകം കാത്തുനില്‍ക്കുന്നുണ്ട് എന്നതാണ് യാഥാര്‍ത്ഥ്യം.

ബിഎംഡബ്ല്യു എ70 എന്‍ജിനുകള്‍ കോഫീ ടേബിള്‍ മാര്‍ക്കറ്റില്‍ വലിയ ഡിമാന്‍ഡുള്ള മറ്റൊരെന്‍ജിനാണ്.

ക്രൈസ്‌ലര്‍ സ്ലാന്റ് സിക്‌സാണ് മറ്റൊരെന്‍ജിന്‍. അത്യാവശ്യം വലിപ്പവും ഉയരവുമുണ്ട് എന്നതിനാല്‍ കോഫീ ടേബിളിന് ഏറ്റവും പറ്റിയ സാധനമായി ഈ എന്‍ജിന്‍ പരിഗണിക്കപ്പെടുന്നുണ്ട്.

ഹോണ്ട എന്‍ജിനുകളും, നമുക്ക് പരിചിതമായ മറ്റു നിരവധി എന്‍ജിനുകളും ഇതുപോലെ ഉപയോഗിക്കപ്പെടുന്നുണ്ട്.

ഇന്ത്യയില്‍ നിര്‍മിതമായ എന്‍ജിനുകള്‍ ആരും പ്രൗഢി കാണിക്കാന്‍ വേണ്ടി സ്വീകരണമുറിയില്‍ വെച്ചു തുടങ്ങിയിട്ടില്ല. എങ്കിലും ടാറ്റയുടെയും മഹീന്ദ്രയുടെയുമെല്ലാം എന്‍ജിനുകള്‍ ചിലരെങ്കിലും ഉപയോഗിക്കുന്നുണ്ടാവണം.

വ്യാപകമായി സ്വീകരണമുറികളില്‍ ഉപയോഗിക്കപ്പെടുന്ന എന്‍ജിനുകളിലൊന്നാണ് ഫെരാരിയുടേത്.

വിമാനത്തിന്റെ എന്‍ജിനുകളും കാര്യമായി ഈ ആവശ്യത്തിന് ഉപയോഗിക്കുന്നുണ്ട് ആളുകള്‍. ബ്രാന്‍ഡിനും തരത്തിനുമെല്ലാം അനുസരിച്ച് ഇവയുടെ നിര്‍മാണച്ചെലവ് കൂടുമെന്ന് പറഞ്ഞറിയിക്കേണ്ടതില്ലല്ലോ?