പൊന്നപ്പനല്ല തങ്കപ്പനാണ് സാറേ ഇങ്ങേര്! സ്വർണ ബുളളറ്റും 5 കിലോയുടെ ആഭരണങ്ങളുമായി ബിഹാർ സ്വദേശി

ഇന്നത്തെ സ്വർണവിലയ്ക്ക് നിങ്ങൾക്ക് ധൈര്യമുണ്ടോ 5 കിലോ സ്വർണാഭരങ്ങളും ധരിച്ച് പൊന്നിൽ പൊതിഞ്ഞ ബുളളറ്റുമായി നാടു ചുറ്റി നടക്കാൻ. എന്നാൽ ബീഹാറിലുണ്ട് ഒരു ഗോൾഡ് മാൻ. ഇയാൾക്ക് സ്വർണത്തോടുള്ള അമിതമായ ഉപയോഗം സോഷ്യൽ മീഡിയയിൽ വൈറലായിരിക്കുകയാണ്. ബുള്ളറ്റിൻ്റെ ബോഡിയിൽ സ്വർണ്ണം കൊണ്ട് പൊതിയുകയും 5 കിലോയോളം തൂക്കം വരുന്ന ആഭരണങ്ങൾ ധരിച്ച് റോഡിലേയ്ക്കിറങ്ങുന്നത് അതിലും അപകടകരമാണ്. ലൈവ് സിറ്റിസ് മീഡിയ പ്രൈവറ്റ് ലിമിറ്റഡ് തങ്ങളുടെ യുട്യൂബ് ചാനലിലാണ് വീഡിയോ പോസ്റ്റ് ചെയ്തിരിക്കുന്നത്. ഇതിൻ്റെ കൂടുതൽ വിശദാംശങ്ങൾ അറിയാൻ ലേഖനം തുടർന്ന് വായിക്കാൻ മറക്കരുതേ.

പ്രേം സിംഗ് എന്നാണ് ഇദ്ദേഹത്തിൻ്റെ യഥാർത്ഥ പേര്. ബീഹാറിലെ തെരുവുകളിൽ അദ്ദേഹം പലപ്പോഴും സ്വർണ്ണം പൂശിയ റോയൽ എൻഫീൽഡ് ബുള്ളറ്റിൽ സവാരി ചെയ്യുന്നത് കാണാറുണ്ട്. കോടികൾ വിലമതിക്കുന്ന സ്വർണാഭരണങ്ങൾ അണിഞ്ഞിരിക്കുന്നു എന്നതാണ് അദ്ദേഹത്തിൻ്റെ പ്രത്യേകത.. വാസ്തവത്തിൽ, താൻ ഇപ്പോൾ 5.4 കിലോയിൽ കൂടുതൽ ഭാരമുള്ള സ്വർണ്ണമാണ് ധരിച്ചിരിക്കുന്നതെന്ന് അദ്ദേഹം വീഡിയോയിൽ പറയുന്നുണ്ട്. ഇതിൽ വളകളും ഭീമാകാരമായ ചങ്ങലകളും ഉൾപ്പെടുന്നു. അതിനുപുറമെ, തൻ്റെ റോയൽ എൻഫീൽഡിൻ്റെ ബോഡിയിൽ യഥാർത്ഥ സ്വർണ്ണവും പൂശിയിട്ടുണ്ട്. അതിന് മാത്രം 12 ലക്ഷം രൂപ ചെലവായി.

വാസ്തവത്തിൽ, ആളുകൾ സെൽഫി ആവശ്യപ്പെട്ട് അടുത്തേക്ക് വരുന്നുണ്ട്. സുരക്ഷയെക്കുറിച്ച് ചോദിച്ചപ്പോൾ, നിതീഷ് കുമാർ സർക്കാരിന് കീഴിൽ ബിഹാറിലെ ക്രമസമാധാന നില വളരെയധികം മെച്ചപ്പെട്ടുവെന്നാണ് അദ്ദേഹം പറയുന്നത്. അതുകൊണ്ട് തന്നെ ദേഹത്ത് ഇത്രയധികം സ്വർണവുമായി കറങ്ങിനടക്കാൻ അയാൾക്ക് ഭയമില്ല. സത്യത്തിൽ, താൻ എല്ലാവർക്കും പ്രിയപ്പെട്ടവനാണെന്നും പറയുന്നുണ്ട്. ലോകത്തിന് മുന്നിൽ ബിഹാറിനെ ശ്രദ്ധയിൽപ്പെടുന്നതിന് വേണ്ടി കൂടിയാണ് താൻ ഈ വിധത്തിൽ നടക്കുന്നതെന്നും അദ്ദേഹം പറയുന്നുണ്ട്.

സ്വർണം പൂശിയ ബുളളറ്റിനെ കുറിച്ച് നിങ്ങൾ എപ്പോഴും കേൾക്കുന്നതാവും. പലരും തങ്ങളുടെ ബുളളറ്റിനെ സ്വർണം പൂശുകയും പല തരത്തിൽ അലങ്കരിക്കുകയും ചെയ്യുന്നത് പതിവാണ്. റോയൽ എൻഫീൽഡിൻ്റെ പുതിയ വാർത്തകളിലേക്ക് വന്നാൽ ഏറ്റവും പുതിയ ഹിമാലയൻ 450 അഡ്വഞ്ചർ മോട്ടോർസൈക്കിൾ ജനങ്ങൾ ഏറ്റെടുത്തതോടെ 450 സിസി പ്ലാറ്റ്ഫോമിനെ അടിസ്ഥാനമാക്കിയുള്ള രണ്ടാമത്തെ മോഡലിനെ പുറത്തിറക്കാനുള്ള സമയമായെന്ന് വ്യക്തമാക്കിയിരിക്കുകയാണ് കമ്പനി.

ഏറെ നാളായി കാത്തിരിക്കുന്ന ഗറില്ലയാണ് ജൂലൈ 17-ന് ആഗോള തലത്തിൽ അരങ്ങേറ്റം കുറിക്കാൻ റെഡിയായി ഇരിക്കുന്നത്. മിക്കവാറും രണ്ട് വേരിയന്റുകളിലാവും എൻഫീൽഡിന്റെ പുത്തൻ റോഡ്സ്റ്റർ ബൈക്ക് വിപണിയിലെത്തുകയെന്നാണ് വിവരം. ഇതിൽ ഒരു വകഭേദം റെഡ്, ഗോൾഡൻ കളർ ഓപ്ഷനിൽ അതിമനോഹരമായാണ് വരുന്നത്. കാഴ്ച്ചയിൽ ആരേയും കൊതിപ്പിക്കുന്ന ഡിസൈനും ബൈക്കിനുണ്ടെന്ന് കാണാം. ബോഡി കളറിനോട് പൊരുത്തമുള്ള റെഡ് ഫെൻഡറും ഗോൾഡൻ ടെയിൽ സെക്ഷനും ബോൾഡ് ഫ്യുവൽ ടാങ്കുമെല്ലാം ഗറില്ലയെ വേറിട്ടു നിർത്തും.

റോയൽ എൻഫീൽഡ് ഹിമാലയൻ 450 പതിപ്പിൽ കാണുന്നതിന് സമാനമായ ഒരു റൗണ്ട് ടിഎഫ്ടി ഇൻസ്ട്രുമെൻ്റ് ക്ലസ്റ്ററും ഈ വേരിയൻ്റിലുണ്ട്. വിപുലമായ ഫീച്ചറുകളും ഇൻഫർമേഷൻ ഡിസ്‌പ്ലേകളുമുള്ള ഉയർന്ന നിലവാരമുള്ള വേരിയന്റായിരിക്കും ഇതെന്നാണ് സൂചന. രണ്ടാമത്തെ വേരിയൻ്റ് കൂടുതൽ ബഡ്ജറ്റ് ഓറിയൻ്റഡ് ആയിരിക്കാനാണ് സാധ്യത. ലളിതമായ സിൽവർ, ബ്ലൂ കളർ ഓപ്ഷനിലാണ് ഇതിനെ ഒരുക്കിയിരിക്കുന്നത്.

റോയൽ എൻഫീൽഡ് സൂപ്പർ മീറ്റിയോർ 650-യിലേതു പോലെ സമാനമായ ചെറിയ റൗണ്ട് ട്രിപ്പർ നാവിഗേഷൻ മൊഡ്യൂളോടുകൂടിയ സെമി-ഡിജിറ്റൽ ഇൻസ്ട്രുമെൻ്റ് ക്ലസ്റ്റർ ഇതിന് ലഭിക്കുന്നു. അഡ്വഞ്ചർ ടൂറർ മോട്ടോർസൈക്കിളായ ഹിമാലയനിൽ ഈ 452 സിസി സിംഗിൾ-സിലിണ്ടർ DOHC 4V ലിക്വിഡ് കൂൾഡ് എഞ്ചിൻ 8,000 ആർപിഎമ്മിൽ 39 bhp പവറും 5,500 ആർപിഎമ്മിൽ 40 Nm ടോർക്കും വരെയാണ് ഉത്പാദിപ്പിക്കുന്നത്.

ഡ്രൈവ്സ്പാർക്ക് മലയാളം വെബ്‌സൈറ്റ് വാഹന സംബന്ധിയായ വാർത്തകൾ തത്സമയം നിങ്ങളുടെ വിരൽത്തുമ്പിൽ ലഭ്യമാക്കുന്നു. സോഷ്യൽ മീഡിയയിലൂടെ ഞങ്ങൾ വാർത്തകൾ വായനക്കാരുമായി തൽക്ഷണം പങ്കിടുന്നു.ഏറ്റവും പുതിയ കാർ, ബൈക്ക് വാർത്തകൾ, ടെസ്റ്റ് ഡ്രൈവ് റിപ്പോർട്ടുകൾ, വീഡിയോകൾ എന്നിവ ലഭിക്കാൻ ഡ്രൈവ്സ്പാർക്ക് മലയാളത്തിന്റെ ഫെയ്‌സ്ബുക്ക്, ഇൻസ്റ്റഗ്രാം, ടെലിഗ്രാം, യൂട്യൂബ് ചാനൽ എന്നിവ മറക്കാതെ ഫോളോ ചെയ്യാം. ഞങ്ങളുടെ ഏതെങ്കിലും വാർത്ത ഇഷ്ടപ്പെട്ടാൽ ലൈക്ക് ചെയ്യാനും കമൻ്റ് ചെയ്യാനും മറക്കല്ലേ.