Click it and Unblock the Notifications
താക്കീത് വകവെക്കാതെ സ്റ്റണ്ടിംഗ് നടത്തി MVD-യെ 'കളിയാക്കി'; റൈഡറുടെ ലൈസന്സ് പോയി; ബൈക്ക് കസ്റ്റഡിയില്
പൊതു നിരത്തില് ബൈക്ക് സ്റ്റണ്ടിംഗ് നടത്തിയതിന് താക്കീത് ലഭിച്ച യുവാവ് വീണ്ടും അതേ തെറ്റ് ആവര്ത്തിച്ചാലോ?. കേരള മോട്ടോര് വാഹന വകുപ്പാണെങ്കില് ബൈക്ക് പിടിച്ചെടുത്ത് ലൈസന്സ് സസ്പെന്ഡ് ചെയ്യുമെന്ന് നമുക്ക് പറയാനാകും.
പെതുനിരത്തുകളില് വാഹനങ്ങള് കൊണ്ട് അഭ്യാസ പ്രകടനങ്ങള് നടത്തുന്നത് കുറ്റകരമാണെന്ന് എല്ലാവര്ക്കും അറിയാം. റോഡുകളില് പൊതുജനങ്ങള്ക്ക് ശല്യമായി ഇത്തരം സ്റ്റണ്ടുകള് നടത്തുന്നവര്ക്കെതിരെ പൊലീസും മറ്റ് അധികാരികളും കര്ശന നടപടി സ്വീകരിക്കാറുണ്ട്. സംസ്ഥാനത്ത് നിയമങ്ങള് കര്ശനമായി നടപ്പാക്കുന്നതിലുടെ ഫ്രീക്കന്മാരുടെയും മോഡിഫൈ ചെയ്ത വാഹന ഉടമകളുടെയും അതൃപ്തി കേരള എംവിഡി പലപ്പോഴും സമ്പാദിച്ചിട്ടുണ്ട്.
അത്തരത്തില് സ്റ്റണ്ട് ചെയ്തതിന് ഒരിക്കല് താക്കീത് നല്കിയിരുന്ന ഒരു റൈഡര് തൊട്ടടുത്ത ദിവസം വീണ്ടും അഭ്യാസപ്രകടനം നടത്തി തങ്ങളെ കളിയാക്കിയതോടെ ഡ്രൈവിംഗ് ലൈസന്സ് റദ്ദാക്കിയിരിക്കുകയാണ് എംവിഡി. പ്രമുഖ മലയാളം വാര്ത്ത ചാനലായ മനോരമ ന്യൂസാണ് ഇതുസംബന്ധിച്ച വാര്ത്ത തങ്ങളുടെ യൂട്യൂബ് ചാനലില് വാര്ത്ത പങ്കുവെച്ചത്.
ബൈക്ക് സ്റ്റണ്ടുകളിലൂടെ സോഷ്യല് മീഡിയ പ്ലാറ്റ്ഫോമുകള്ക്ക് സുപരിചിതനായ പാലക്കാട് ജില്ലക്കാരനായ ജിഷ്ണുവാണ് കഥയിലെ നായകന്. അടുത്തിടെ കേരള എംവിഡി ഇയാളെ പിടികൂടുകയും അപകടങ്ങള് ഒഴിവാക്കാന് പൊതുനിരത്തുകളില് ഇത്തരം അപകടകരമായ സ്റ്റണ്ടുകള് നടത്തരുതെന്ന് നിര്ദ്ദേശം നല്കുകയും ചെയ്തു. താക്കീത് ചെയ്ത് ഒരു ദിവസം കഴിഞ്ഞപ്പോള് മറ്റൊരു സ്റ്റണ്ട് നടത്തി മോട്ടോര് വാഹന വകുപ്പിനെ പരിഹസിക്കുകയായിരുന്നു ജിഷ്ണു.
ജില്ലയിലെ വളരെ പ്രശ്സതനായ ബൈക്ക് സ്റ്റണ്ടര്മാരില് ഒരാളായ ജിഷ്ണുവിനെ നിരവധിയാളുകളാണ് സോഷ്യല് മീഡിയയില് പിന്തുടരുന്നത്. സമീപകാലത്തെ സ്റ്റണ്ടിംഗ് വീഡിയോ സോഷ്യല് മീഡിയയില് വൈറലായതോടെ എംവിഡി നടപടിയെടുക്കുകയായിരുന്നു. റൈഡര്ക്കെതിരെ കേസെടുക്കുകയും മോട്ടോര് സൈക്കിള് കസ്റ്റഡിയിലെടുക്കുകയും ചെയ്തു. ജിഷ്ണുവിന്റെ ലൈസന്സും റദ്ദാക്കിയിട്ടുണ്ട്.
സ്റ്റണ്ട് അവതരിപ്പിക്കുന്നതിന് കൂടുതല് അനുയോജ്യമാക്കാന് ജിഷ്ണു തന്റെ മോട്ടോര്സൈക്കിളുകളില് നിരവധി പരിഷ്കാരങ്ങള് നടത്തിയിരുന്നു. ബൈക്കിന്റെ രജിസ്ട്രേഷന് സര്ട്ടിഫിക്കറ്റും ഇപ്പോള് ആര്ടിഒയുടെ പക്കലുണ്ട്.
മോട്ടോര്സൈക്കിളിന് ടാങ്ക് ഗ്രിപ്പുകള്, പില്യണ് സീറ്റിലുള്ള മാറ്റങ്ങള്, മോഡിഫൈഡ് ഹാന്ഡില് ബാറും ഗ്രാബ് ഹാന്ഡിലുകളും എന്ന് തുടങ്ങി നിരവധി പരിഷ്കാരങ്ങള് നടത്തിയിരിക്കുന്നു. മോട്ടോര്സൈക്കിളിന്റെ പിന്ഭാഗത്തെ ടയര് ഹഗ്ഗറും നമ്പര് പ്ലേറ്റ് മൗണ്ടും പൂര്ണമായും നീക്കം ചെയ്തിട്ടുണ്ട്. മോട്ടോര്സൈക്കിളില് ചെറിയ ഒരു നമ്പര് പ്ലേറ്റ് സ്ഥാപിച്ചിട്ടുണ്ട്. റിപ്പോര്ട്ടുകള് പ്രകാരം വര്ഷങ്ങളായി ജിഷ്ണു ഇത്തരം സ്റ്റണ്ടുകള് ചെയ്യുന്നുണ്ട്.
ഒരു പ്രൊഫഷണല് ബൈക്ക് സ്റ്റണ്ടര് എന്ന നിലയില് സോഷ്യല് മീഡിയയില് ജിഷ്ണു ജനപ്രിയനാണ്. വിദ്യാഭ്യാസ സ്ഥാപനങ്ങളുടെ സ്വകാര്യ ഗ്രൗണ്ടില് സ്റ്റണ്ട് നടത്തിയ വീഡിയോകള് ഇയാള് സോഷ്യല് മീഡിയയിലും പോസ്റ്റ് ചെയ്തിട്ടുണ്ട്. മോട്ടോര്സൈക്കിളുകളില് നിരവധി നിയമവിരുദ്ധ പരിഷ്കാരങ്ങള് കണ്ടതിന്റെ അടിസ്ഥാനത്തില് എംവിഡി മോട്ടോര്സൈക്കിളിന്റെ ആര്സി റദ്ദാക്കാന് നോക്കുകയാണ്.'
ബൈക്ക് സ്റ്റണ്ട് എന്നത് ഒരു കലയാണ്. എന്നാല് പൊതുനിരത്തുകളില് ഇത് ചെയ്യുമ്പോള് ആണ് ഇത് നിയമവിരുദ്ധ പ്രവര്ത്തനമായി മാറുന്നത്. സ്റ്റണ്ടിംഗ് നടത്തുന്നതിനിടെ നിയന്ത്രണം നഷ്ടമായി അപകടങ്ങള് സംഭവിച്ച നിരവധി സംഭവങ്ങള് നാം കണ്ടിട്ടുണ്ട്. ഒരു സ്വകാര്യ സ്ഥലത്ത് റൈഡിംഗ് ഗിയറുകള് ധരിച്ച് സ്റ്റണ്ടിംഗ് നടത്തുമ്പോള് പിഴവുകള് ഉണ്ടായാലും അത് വലിയ പരിക്കേല്ക്കില്ല.
എന്നാല് പൊതു നിരത്തുകളില് സ്റ്റണ്ടിംഗ് നടത്തുന്ന കാര്യം അങ്ങനെ അല്ല. അവിടെ അപകടം സംഭവിക്കാനുള്ള സാധ്യത കൂടുതലാണ്. സ്റ്റണ്ടിംഗിനിടെ ബൈക്കിന്റെ നിയന്ത്രണം നഷ്ടപ്പെട്ട് മറ്റ് വാഹനങ്ങളെയോ കാല്നടയാത്രക്കാരെയോ ഇടിക്കാന് സാധ്യതയുണ്ട്. ഇത്തരം അപകടങ്ങളിലുണ്ടാകാന് സാധ്യതയുള്ള പരിക്കുകള് ഗുരുതരമായേക്കാം.
പൊതുനിരത്തുകളില് സ്റ്റണ്ടുകള് ചെയ്യുന്നതിലൂടെ റൈഡര് സ്വന്തം ജീവന് മാത്രമല്ല നിരവധി നിരപരാധികളുടെ ജീവന് കൂടിയാണ് അപകടത്തിലാക്കുന്നത്. അതുകൊണ്ടാണ് സ്റ്റണ്ടിംഗ് നടത്തുന്നതും പരിശീലിക്കുന്നതും ഒരു സ്വകാര്യ സ്ഥലത്തോ ട്രാക്കിലോ ആക്കണമെന്ന് പറയുന്നത്.
സ്റ്റണ്ടിങ് പരിശീലിക്കാന് ആഗ്രഹിക്കുന്ന ചെറുപ്പക്കാര് എപ്പോഴും വിദഗ്ദ്ധരുടെ സഹായം തേടണം. കൂടാതെ സ്റ്റണ്ടിങ്ങിന്റെയും റേസിംഗിന്റെയും സുരക്ഷിതമായ പരിശീലനങ്ങള്ക്കായി ഒരു സ്കൂളിലോ അക്കാദമിയിലോ ചേരാം. പൊതു നിരത്തുകളില് സ്റ്റണ്ടിങ് നടത്തുന്നത് അപ്രതീക്ഷിത അപകടങ്ങള്ക്ക് കാരണമാകും.
എന്തെങ്കിലും പിഴവ് സംഭവിച്ചാല് മോട്ടോര്സൈക്കിളുകളില് നിന്ന് താഴേക്ക് വീഴാനുള്ള സാധ്യത കൂടുതലാണ്. ഹെല്മറ്റ്, റൈഡിംഗ് ബൂട്ട്, കാല്മുട്ട് ഗാര്ഡുകള്, എല്ബോ ഗാര്ഡുകള്, ഗ്ലൗസ് എന്നീ കവചങ്ങള് ധരിക്കുന്നതാണ് നല്ലത്. ഇവ സ്റ്റണ്ടിങ്ങിനിടെ നിലതെറ്റി വീണാല് നിങ്ങളെ പരിക്കുകളില് നിന്ന് സംരക്ഷിക്കും.
ഇന്നത്തെ കാലത്ത് പൊലീസുകാര് വൈറല് വിഡിയോസ് ആസ്വദിക്കുകയല്ല മറിച്ച് വീട്ടിലെത്തി പിഴ അടപ്പിക്കുകയാണ് ചെയ്യുന്നത്. ഗാസിയാബാദില് ഇതാദ്യമായല്ല വീഡിയോ ദൃശ്യങ്ങള് ഉപയോഗിച്ച് കുറ്റവാളികളെ കണ്ടെത്തുന്നത്. മുമ്പ്, വീഡിയോ തെളിവുകളുടെ അടിസ്ഥാനത്തില് നിരവധി പേരെ പിഴ അടപ്പിച്ചിട്ടുണ്ട്.
Continue with Google