ആംബുലൻസിന് വഴി നൽകിയില്ല; ബിജെപി നേതാവ് വിവാദത്തിൽ

എന്നാൽ ജനങ്ങളെ സേവിക്കുന്ന ഒരു രാഷ്ട്രീയ നേതാവ് തന്നെ ഇതിന്റെ വില മനസ്സിലാക്കുന്നില്ല എന്നത് വളരെയധികം പരിതാപകരമായ കാര്യമാണ്.

പശ്ചിമ ബംഗാളിലെ ബിജെപി സംസ്ഥാന പ്രസിഡന്റ് ദിലീപ് ഘോഷാണ് ബിജെപി യോഗം നടന്നിരുന്ന വഴിയിലൂടെ ആംബുലൻസ് കടത്തി വിടാതിരുന്നത്. റോഡിൽ നൂറു കണക്കിന് പാർട്ടി പ്രവർത്തകർ ഇരിക്കുകയാണെന്നും ആംബുലൻസ് വേറെ വഴി തിരിച്ചു വിടാനുമാണ് അദ്ദേഹം നിർദ്ദേശിച്ചത്.

നാദിയയിലെ കൃഷ്ണനഗറിലാണ് സംഭവം. പ്രസ്തുത വഴിയിൽ ബിജെപി യോഗം നടക്കുകയാണെന്ന് ആംബുലൻസ് ഡ്രൈവർക്ക് അറിയില്ലെ? പിന്നെ എന്തിനാണ് അയാൾ ഈ വഴി വന്ന് എന്നും ഘോഷ് ചോദ്യം ചെയ്തു.

ബിജെപി യോഗം അലങ്കോലപ്പെടുത്താനുള്ള തൃണമൂൽ കോൺഗ്രസ്സിന്റെ ശ്രമണാതിന് എന്നും അദ്ദേഹം ആരോപിച്ചു. ബംഗാൾ മുഖ്യമന്ത്രി മമത ബാനർജിയേയും ഘോഷ് കുറ്റപ്പെടുത്തി.

ബിജെപി സംസ്ഥാന പ്രസിഡന്റ് ആംബുലൻസ് വഴി തിരിച്ചു വിടുന്നതിന്റെ വീഡിയോ സമൂഹ മാധ്യമങ്ങളിലും, ഇന്റർനെറ്റിലും വൈറലാവുകയാണ്. കടുത്ത മനുഷ്യാവകാശ ലംഘനം നടത്തിയ ബിജെപി നേതാവിനെതിരെ വളരെയധികം ജനരോക്ഷം ഉയരുകയാണ്.

എന്നിരുന്നാലും ഇതു വരെ ഘോഷിനെതിരെ യാതൊരു നിയമ നടപടികളും ഉണ്ടായിട്ടില്ല. സൈറനിട്ടു വരുന്ന ആംബുലൻസിനായി വഴിയൊരുക്കി നൽകേണ്ടത് പൊലീസിന്റെയും കർത്തവ്യമാണ്.

സ്വാഭാവികമായും ഒരു രാഷ്ട്രീയ പാർട്ടിയുടെ യോഗം നടക്കുമ്പോൾ പൊലീസ് ആ പരിസരത്ത് ഉണ്ടായിരിക്കും. എന്നാൽ ഇവിടെ പൊലീസും ബിജെപി നേതാവിന്റെ പ്രവർത്തികൾക്ക് വായും പൂട്ടി നിൽക്കുകയായിരുന്നോ എന്നതിനെക്കുറിച്ച് വ്യക്തതയില്ല.

രാജ്യത്തെ റോഡ് നിയമങ്ങളെക്കുറിച്ചും, സാമാന്യ മര്യാദകളെക്കുറിച്ചും രാഷ്ട്രീയ നേതാക്കൾക്കും മറ്റ് ജനപ്രതിനിഥികൾക്കും ട്യൂഷൻ എടുക്കേണ്ടുന്ന ഗതിയിലേക്കാണ് ഇന്ന് നമ്മുടെ രാജ്യത്തിന്റെ പോക്ക്.

എന്നാൽ പലയിടങ്ങളിലും എത്ര വലിയ ആൾക്കൂട്ടത്തിലും തിരക്കിലും ആംബുലൻസിന് വഴിയൊരുക്കുന്ന പല ആശ്വാസകരമായ വീഡിയോകളും അടുത്തിടെ വന്നിരുന്നു.

നമ്മുടെ കേരളത്തിലും പൗരത്ത ഭേതഗതി ബില്ലിനെതിരെ പ്രതിഷേധവുമായി നിരത്തിലിറങ്ങിയ ആയിരക്കണക്കിന് ജവനങ്ങൾ രോഗിയുമായി പാഞ്ഞു വരുന്ന ആംബുലൻസിന് വഴിയൊരുക്കിയ വീഡിയോയും സമൂഹ മാധ്യമങ്ങളിൽ വൈറലായിരുന്നു.

ഡെൽഹിയിലെ ജാമിയ മിലിയ സർവ്വകലാശാലയ്ക്കു മുന്നിലും പ്രതിഷേധക്കാർ ആംബുലൻസിന് വഴി ഒരുക്കി മാതൃക കാണിച്ചിരുന്നു.