BMW M 1000 RR മുതൽ Ducati Panigale V4 R വരെ; രാജ്യത്ത് വാങ്ങാന്‍ കഴിയുന്ന ഏറ്റവും ശക്തമായ ബൈക്കുകള്‍

സൂപ്പര്‍ബൈക്കുകള്‍ ജനപ്രീയമായിക്കൊണ്ടിരിക്കുന്ന കാഴ്ചയാണ് കാണാന്‍ സാധിക്കുന്നത്. ചെറിയ സിസിയില്‍ നിന്ന് മാറി വലിയ എഞ്ചിനുകളുള്ള ബൈക്കുകള്‍ വിപണിയില്‍ എത്തിക്കാന്‍ നിര്‍മാതാക്കളും വലിയ മത്സരമാണിപ്പോള്‍. ഇന്ന് വിപണിയില്‍ നിന്ന് നിങ്ങള്‍ക്ക് വാങ്ങാന്‍ കഴിയുന്ന ഏറ്റവും ശക്തമായ കുറച്ച് സൂപ്പര്‍ബൈക്കുകളെയാണ് ഇവിടെ പരിചയപ്പെടുത്തുന്നത്.

ബിഎംഡബ്ല്യൂ M 1000 RR (209.1bhp)

സൂപ്പര്‍ബൈക്കുകള്‍ എന്ന് കേള്‍ക്കുമ്പോള്‍ തന്നെ മനസ്സിലേക്ക് ഓടിയെത്തുന്ന ബ്രാന്‍ഡ് അല്ല ബിഎംഡബ്ല്യുവെങ്കിലും, സൂപ്പര്‍ബൈക്കുകളുടെ ലോകത്തും ജര്‍മ്മന്‍ ബ്രാന്‍ഡ് സുപരിചിതമാണ്. ഇപ്പോള്‍, കമ്പനി അടുത്തിടെ ഒരു പുതിയ മോട്ടോര്‍സൈക്കിള്‍ വെളിപ്പെടുത്തിയിരുന്നു. 'RR' എന്ന പേരിലാണ് ഇത് വരുന്നത്.

മോട്ടോര്‍സൈക്കിള്‍ ലോകത്ത് മോഡല്‍ എന്നാല്‍ ബിസിനസ്സ് എന്നാണ് അര്‍ത്ഥമാക്കുന്നത്. അതിനുപുറമെ, മോഡല്‍ നാമത്തില്‍ 'M' ബാഡ്ജിംഗും അടങ്ങിയിരിക്കുന്നു - നമുക്കറിയാവുന്നതുപോലെ യഥാര്‍ത്ഥത്തില്‍ ബിസിനസ്സ് എന്നാണ് അര്‍ത്ഥമാക്കുന്നത്. ബിഎംഡബ്ല്യൂ M 1000 RR-ന് കരുത്തേകുന്നത് 209.1 bhp പവറും 113 Nm പീക്ക് ടോര്‍ക്കും വികസിപ്പിക്കുന്ന 999 സിസി ഇന്‍ലൈന്‍-4 എഞ്ചിനാണ്. 193 കിലോഗ്രാം (M കോമ്പറ്റീഷന്‍ ട്രിമ്മില്‍ 191.8 കിലോഗ്രാം) കെര്‍ബ് ഭാരവുമായി ചേരുന്ന ബൈക്ക് ഈ വിഭാഗത്തിലെ മികച്ച ചോയിസാണ്.

ഡ്യുക്കാട്ടി പനിഗാലെ V4 (212.6bhp)

വളരെക്കാലമായി ഡ്യുക്കാട്ടി സൂപ്പര്‍ബൈക്കുകള്‍ നിര്‍മ്മിക്കുന്നു. ഏറ്റവും പുതിയത് ഡ്യുക്കാട്ടി പനിഗാലെ V4 ആണ്. ഇറ്റാലിയന്‍ ഇരുചക്രവാഹന നിര്‍മാതാക്കള്‍ വിഖ്യാതമായ L-ട്വിന്‍ എഞ്ചിനുകള്‍ ഉപേക്ഷിച്ചതിനാല്‍ പേരിലുള്ള 'V4' ഏറ്റവും പുതിയ സൂപ്പര്‍ബൈക്കായ V-4 എഞ്ചിനെ പ്രതിനിധീകരിക്കുന്നു.

ഈ പുതിയ 1,103 സിസി V4 എഞ്ചിന്‍ 212.6 bhp പവറും 123.6 Nm പീക്ക് ടോര്‍ക്കും സൃഷ്ടിക്കുന്നു. കൂടാതെ, 200 കിലോഗ്രാമില്‍ താഴെ ഭാരം ഉള്ളതിനാല്‍, ഡ്യുക്കാട്ടി പനിഗാലെ V4 ശ്രേണിയിലെ സൂപ്പര്‍ബൈക്കുകള്‍ക്ക് 300 കിലോമീറ്റര്‍ വേഗത അനായാസം മറികടക്കാന്‍ കഴിയും.

അപ്രീലിയ RSV4 ഫാക്ടറി (214.03bhp)

ലോകത്തിലെ ഏറ്റവും ശക്തമായ മോട്ടോര്‍സൈക്കിളുകളിലൊന്നാണ് അപ്രീലിയ RSV4, സൂപ്പര്‍ബൈക്കിന്റെ 'ഫാക്ടറി' വകഭേദം കൂടുതല്‍ ശബ്ദവും ശക്തിയും ഉത്പാദിപ്പിക്കുന്നു. അതിനുപുറമെ, നിങ്ങള്‍ക്ക് വാങ്ങാന്‍ കഴിയുന്ന ഏറ്റവും ശക്തമായ സൂപ്പര്‍ബൈക്കുകളില്‍ ഒന്നാണ് അപ്രീലിയ RSV4 ഫാക്ടറി.

അപ്രീലിയ RSV4 ഫാക്ടറി സൂപ്പര്‍ബൈക്കിലെ 1,099 സിസി V4 എഞ്ചിന്‍ 214.03 bhp പീക്ക് പവറും 125 Nm പീക്ക് ടോര്‍ക്കും ഉത്പാദിപ്പിക്കാന്‍ ട്യൂണ്‍ ചെയ്തിരിക്കുന്നു. കൂടാതെ, നിങ്ങള്‍ക്ക് വാങ്ങാന്‍ കഴിയുന്ന ഏറ്റവും പ്രവചനാതീതമായ സൂപ്പര്‍ബൈക്കുകളില്‍ ഒന്നാണ് അപ്രീലിയ RSV4 ഫാക്ടറി.

ഹോണ്ട CBR1000RR ഫയര്‍ബ്ലേഡ് SP (214.5bhp)

ഈ ലിസ്റ്റിലെ ഒരേയൊരു ജാപ്പനീസ് മോട്ടോര്‍സൈക്കിളാണ് ഹോണ്ട CBR1000RR ഫയര്‍ബ്ലേഡ് SP. സൂപ്പര്‍ബൈക്ക് വളരെ നീണ്ട പേരിലാണ് വരുന്നതെങ്കിലും, 300+ കി.മീ/മണിക്കൂര്‍ വേഗതയില്‍ ദൂരങ്ങള്‍ ചെറുതാക്കാന്‍ ഇതിന് കഴിയും.

999.9 സിസി, ഇന്‍ലൈന്‍-4 എഞ്ചിന്‍ 214.5 bho പവറും 113 Nm പീക്ക് ടോര്‍ക്കും ഉത്പാദിപ്പിക്കുന്നു. സൂപ്പര്‍ബൈക്ക് ധാരാളം പവര്‍ ഉല്‍പ്പാദിപ്പിക്കുമെങ്കിലും, ഇത് ഹോണ്ടയെപ്പോലെ വളരെ മൃദുലമാക്കുന്നു.

ഡ്യുക്കാട്ടി പനിഗാലെ V4 R (215.02bhp)

ഈ ലിസ്റ്റില്‍ 215 bhp കരുത്ത് ഭേദിക്കുന്ന ഒരേയൊരു മോട്ടോര്‍സൈക്കിളാണ് ഡ്യുക്കാട്ടി പനിഗാലെ V4 R. നിലവില്‍ വില്‍പ്പനയിലുള്ള ഏറ്റവും ശക്തമായ സ്ട്രീറ്റ്-ലീഗല്‍ പനിഗാലെയാണ് മോട്ടോര്‍സൈക്കിള്‍ എന്ന് ഡ്യുക്കാട്ടി അവകാശപ്പെടുന്നു.

ഡ്യുക്കാട്ടി പനിഗാലെ V4 R-ലെ 998 സിസി V4 എഞ്ചിന്‍ 215.02 bhp പവറും 112 Nm പീക്ക് ടോര്‍ക്കും ഉത്പാദിപ്പിക്കുന്നു. മാത്രമല്ല, 188.5 കിലോഗ്രാം കര്‍ബ് വെയ്റ്റ് ഈ പവര്‍ കൂടുതല്‍ പ്രൊപ്പല്‍ഷനാക്കി മാറ്റുന്നത് ഉറപ്പാക്കുന്നു. അക്രപോവിക് റേസ് എക്സ്ഹോസ്റ്റിനൊപ്പം ഈ എഞ്ചിന് 237.2 bhp പീക്ക് പവര്‍ ഉത്പാദിപ്പിക്കാന്‍ കഴിയുമെന്നതും എടുത്തുപറയേണ്ടതാണ്, എന്നിരുന്നാലും, ഈ മോഡ് സൂപ്പര്‍ബൈക്ക് റോഡില്‍ ഉപയോഗിക്കുന്നത് നിയമവിരുദ്ധമാക്കും.

നിങ്ങള്‍ക്ക് വാങ്ങാന്‍ കഴിയുന്ന ഏറ്റവും പ്രായോഗികമായ മോട്ടോര്‍സൈക്കിളുകള്‍ സൂപ്പര്‍ബൈക്കുകള്‍ ആയിരിക്കില്ല, പക്ഷേ അവ സ്വപ്നങ്ങളെ സജീവമാക്കുന്നവയാണ്.