ഇനി മെർസിഡീസ് ബെൻസ് എസ് ക്ലാസിൻ്റെ കരുത്തുമായി അജയ് ദേവ്ഗൺ

ലക്ഷ്വറി കാറുകളോടും വാഹനങ്ങളോടും പ്രത്യേക കമ്പമുളള വ്യക്തിയാണ് ബോളിവുഡ് നടൻ അജയ് ദേവ്ഗൺ. പ്രമുഖ ബോളിവുഡ് നടൻ്റെ കളക്ഷനുകളിൽ ഒരുപാാട് പ്രീമിയം കാറുകൾ ഉണ്ട്, അവയിൽ ഏറ്റവും കൂടുതൽ പ്രീമിയം വാഹനനിർമാതാക്കളുടെ ബ്രാൻഡുകളാണ്. അടുത്തിടെയാണ് നടൻ ഒരു പുതിയ മെർസിഡീസ്-Maybach GLS 600 സ്വന്തമാക്കിയത്. എസ്-ക്ലാസ് സെഡാനായ മെർസിഡീസ് ബെൻസിൻ്റെ പുതിയ മോഡലും നടൻ സ്വന്തമാക്കിയിരിക്കുകയാണ്.

അജയ് ദേവ്ഗണിന്റെ പുതിയ മെർസിഡീസ് ബെൻസ് എസ് ക്ലാസ് ആണ് മുൻനിര സെഡാന്റെ S 450 4MATIC വകഭേദത്തിലെ ഏറ്റവും മുന്നിൽ, ഇത് എസ് ക്ലാസിന്റെ ആകെയുളള പെട്രോൾ വേരിയന്റാണ്. 3.0 ലിറ്റർ ഇൻലൈൻ-സിക്‌സ് എഞ്ചിൻ നൽകുന്ന S 450 4MATIC 365 PS പരമാവധി കരുത്തും 500 Nm പരമാവധി ടോർക്കും ലഭ്യമാണ്. 4MATIC എന്ന് സൂചിപ്പിക്കുന്നത് പോലെ, S-ക്ലാസിന്റെ ഈ പതിപ്പ് മെർസിഡീസ് ബെൻസിൻ്റെ ഓൾ-വീൽ ഡ്രൈവ് സിസ്റ്റത്തിനൊപ്പമാണ് വരുന്നത്.

എഞ്ചിൻ 9G-ട്രോണിക് 9-സ്പീഡ് ഓട്ടോമാറ്റിക് ഗിയർബോക്സുമായിട്ടാണ് ജോടിയാക്കിയിരിക്കുന്നത്, അതോടൊപ്പം തന്നെ മികച്ച ഇന്ധനക്ഷമതയ്ക്കായി EQ ബൂസ്റ്റ് മൈൽഡ്-ഹൈബ്രിഡ് സിസ്റ്റവും വാഹനത്തിൽ ഉപയോഗിക്കുന്നുണ്ട്.

ഈ അടുത്ത കാലത്ത് മെർസിഡീസ് ബെൻസ് എസ്-ക്ലാസ് വാങ്ങിയ ബോളിവുഡ് നടൻ എന്ന് പറയുന്നത് അജയ് ദേവ്ഗൺ മാത്രമല്ല. ഷാരൂഖ് ഖാൻ, കരീന കപൂർ എന്നിവരുൾപ്പെടെ ബോളിവുഡിൽ നിന്നുള്ള മറ്റ് പല വ്യക്തികളും വൈറ്റ് കളർ ഓപ്ഷൻ സ്വന്തമാക്കിയിട്ടുണ്ട്. മെഴ്‌സിഡസ്-Maybach എസ്-ക്ലാസ് അതിന്റെ ഏറ്റവും കൂടിയ വേരിയൻ്റ് ഷാഹിദ് കപൂർ ഉൾപ്പെടെയുള്ള ബോളിവുഡ് അഭിനേതാക്കൾ വാങ്ങിയിട്ടുണ്ട്.

3.0-ലിറ്റർ ഇൻലൈൻ-ആറ് ടർബോചാർജ്ഡ് പെട്രോൾ എഞ്ചിന് പുറമെ, മെഴ്‌സിഡസ്-ബെൻസ് എസ്-ക്ലാസ് രണ്ട് വേരിയന്റുകളിൽ ലഭ്യമാണ് 2.9-ലിറ്റർ ആറ് സിലിണ്ടർ ഡീസൽ എഞ്ചിനും വാഹനത്തിന് നൽകുന്നുണ്ട് - S 350d, S 400d 4MATIC. ഈ എഞ്ചിൻ S 350d വേരിയന്റിൽ 285 PS പവറും 600 Nm ടോർക്കും അവകാശപ്പെടുന്നു, അതേസമയം S 400d വേരിയന്റ് അതേ ഡീസൽ എഞ്ചിനിൽ നിന്ന് 330 PS പവറും 700 Nm ടോർക്കും വാഗ്ദാനം ചെയ്യുന്നു.

എന്നാൽ Maybach GLS 600 ൻ്റെ പ്രകടനത്തെ സംബന്ധിച്ചിടത്തോളം, S580 4.0-ലിറ്റർ V8 എഞ്ചിൻ ഉപയോഗിക്കുന്നു, അത് പരമാവധി 503 bhp പവർ ഔട്ട്‌പുട്ടും 700 Nm പീക്ക് torque ഉം നൽകുന്നു, കൂടാതെ 20 bhp വർധിപ്പിക്കാൻ അനുവദിക്കുന്ന ഒരു മൈൽഡ്-ഹൈബ്രിഡ് സാങ്കേതികവിദ്യയും ഇത് അവതരിപ്പിക്കുന്നു. മറുവശത്ത്, S680 -ൽ 6.0-ലിറ്റർ ബൈ-ടർബോ V12 പവർട്രെയിൻ 612 bhp കരുത്തും 900 Nm torque ഉം പുറപ്പെടുവിക്കുന്നു. 4.5 സെക്കൻഡിൽ 0-100 കിലോമീറ്റർ വേഗതയും പുറപ്പെടുവിക്കുന്നു. രണ്ട് എഞ്ചിനുകളും സ്റ്റാൻഡേർഡായി ഒമ്പത് സ്പീഡ് ഓട്ടോമാറ്റിക് ട്രാൻസ്മിഷനുമായി ബന്ധിപ്പിച്ചിരിക്കുന്നു.

കാര്യങ്ങൾ ഇങ്ങനെയൊക്കെ ആണെങ്കിലും ബോളിവുഡിൽ ഏറ്റവും പ്രിയപ്പെട്ടതും ജനപ്രിയമായതുമായ ഓഫർ മെഴ്‌സിഡസ്-മെയ്‌ബാക്ക് GLS 600 എന്ന് തന്നെയാണ് തോന്നുനത്.കാരണം സെലിബ്രിറ്റികൾ ഉൾപ്പെടെയുള്ളവർക്ക് സെഡാനുകളേക്കാൾ ഇഷ്ടക്കൂടുതൽ എസ്‌യുവികളോടാണ് എന്നത് പ്രത്യേകത. അജയ് ദേവ്ഗൺ കൂടാതെ, രൺവീർ സിംഗ്, അർജുൻ കപൂർ, ആയുഷ്മാൻ ഖുറാന, കൃതി സനോൺ തുടങ്ങി ബോളിവുഡിൽ നിന്നുള്ള നിരവധി ജനപ്രിയ ആളുകൾ ഇതിനകം തന്നെ GLS-ക്ലാസ് എസ്‌യുവിയുടെ മെയ്ബാക്ക് പതിപ്പ് സ്വന്തമാക്കിയിട്ടുണ്ട്.

റേഞ്ച്-ടോപ്പിംഗ് മെഴ്‌സിഡസ്-ബെൻസ് ഓഫറുകൾ മാത്രമല്ല നടന് സ്വന്തമായിട്ടുളളത്. അജയ് ദേവ്ഗണിൻ്റെ ശേഖരത്തിൽ വേറെ ഒരുപാട് ലക്ഷ്വറികാറുകളുണ്ട്, അവയിൽ ഏറ്റവും കരുത്തനും ആഡംബരത്തിൻ്റെ അവസാനവാക്ക് എന്ന് വിശേഷിപ്പിക്കാൻ സാധിക്കുന്ന റോൾസ് റോയ്‌സ് കള്ളിനാൻ വരെയുണ്ട്. ബിഎംഡബ്ല്യു 7-സീരീസ്, ബിഎംഡബ്ല്യു X7, റേഞ്ച് റോവർ വോഗ്, ഓഡി ക്യൂ7, മിനി കൂപ്പർ എന്നിവയും നടൻ്റെ ലക്ഷ്വറി വാഹനങ്ങളുടെ ലിസ്റ്റിൽ ഉൾപ്പെടുന്നുണ്ട്. ബോളിനുഡിലെ എല്ലാ നടീനടൻമാർക്കും ബെൻസ് കാറുകളോട് പ്രത്യേക ഇഷ്ടമുളളതായിട്ടാണ് തോന്നിയിട്ടുളളത്. കാരണം ബെൻസിൻ്റെ ഏത് പുതിയ മോഡൽ വിപണിയിൽ അവതരിപ്പിച്ചാലും ബോളിവുഡിലെ ഏതെങ്കിലും ഒരു താരം അത് ആദ്യം സ്വന്തമാക്കയിരിക്കും എന്നതാണ് പ്രത്യേകത