ജെറ്റ് വിമാനത്തിൽ നൂതനാവിഷ്ക്കാരവുമായി ബൊംബാഡിയാർ

ബൊംബാഡിയാർ 'സി' സീരിസിൽ അവതരിപ്പിച്ച ഒതുങ്ങിയ ബോഡിയും രണ്ട് എൻജിനുകളുമുള്ള ഇടത്തരം വലുപ്പമുള്ള ആദ്യ ജെറ്റ് വിമാനമാണിത്.

വീതി കൂടിയ സീറ്റുകളും വലിയ ജാലകങ്ങളും ഉൾക്കൊള്ളിച്ചാണ് സിഎസ് 100 വിമാനത്തിന്റെ രൂപകല്പനടത്തിയിട്ടുള്ളത്.

ബൊംബാഡിയെറിന്റെ മറ്റ് ജെറ്റുകളേക്കാൾ വലുപ്പമേറിയതാണെങ്കിൽ കൂടിയും സിങ്കിൾ എയ്സിൽ (ഇരിപ്പിട നിരകള്‍ക്ക് മധ്യേയുള്ള പാത) തന്നെ നിർമിച്ചിട്ടുള്ളതാണ് ഈ വിമാനം.

എന്നാൽ ഈ പാതയ്ക്ക് വീതിക്കൂട്ടിയുണ്ടെന്നുള്ള പ്രത്യേകതയുണ്ട്. മാത്രമല്ല മറ്റ് വിമനങ്ങളിലുള്ള സീറ്റുകളേക്കാൾ വീതി കൂടിയതിനാൽ വണ്ണം കൂടിയ യാത്രക്കാർക്കും സൗകര്യപൂർവ്വം ഇരിക്കാൻ തരത്തിലുള്ളതാണ്.

ബോയിംഗ് (43.9 സെ.മി ), എയർബസ്(45.7സെ.മി ), എംബ്രയർ (46.5സെ.മി ) വീതിയുള്ള സീറ്റുകളാണെങ്കിൽ സിഎസ്100ന് 48.3 സെ.മി വീതിയുള്ള സീറ്റുകളാണ് ഉപയോഗിച്ചിട്ടുള്ളത്.

വലിയ ജാലകങ്ങളും വീതിക്കൂടിയ നടപാതയും, വീതിക്കൂടിയ സീറ്റുകളും, വലുപ്പമേറിയ ലഗേജ് ബിനുകളുമാണ് സിഎസ് 100ന്റെ പ്രത്യേകത.

ഇതുവരെയായി സർവീസ് ആരംഭിച്ചിട്ടില്ലാത്ത എംബ്രയർ ഇ195-ഇ2 വിമാനങ്ങൾക്ക് എതിരാളിയായിട്ടാണ് സിഎസ് 100 ജെറ്റ് വിമാനമെത്തുന്നത്.

100 മുതൽ 150 യാത്രക്കാരെ ഉൾക്കൊള്ളാൻ പാകത്തിനാണ് വിമാനത്തിന്റെ രൂപകല്പന. ഇതേസ്ഥാനത്ത് എംബ്രയർ വിമാനം114 യാത്രക്കാരെ മാത്രമേ ഉൾക്കൊള്ളുന്നുള്ളൂ.

പ്രാറ്റ് & വിറ്റ്നി പ്യുവർ പവർ പിഡബ്ല്യൂ500ജി എൻജിൻ കരുത്തേകുന്ന വിമാനത്തിന് 3,300 നോട്ടിക്കൽ മൈൽ സഞ്ചരിക്കാനുള്ള ശേഷിയാണുള്ളത്.

എമിഷൻ കുറഞ്ഞ തോതിലുള്ള എൻജിനാണെന്നും മാത്രമല്ല ക്ഷമതയേറിയതുമാണെന്നാണ് കമ്പനി അവകാശപ്പെടുന്നത്.

സ്വിസ് ഇന്റർനാഷണൽ എയർലൈനാണ് സി-സീരീസ് പ്ലെയിനുകളെ ഏറ്റെടുക്കുന്ന ആദ്യത്തെ എയർലൈൻ കമ്പനി.

സിഎസ് 100 ജെറ്റിന്റെ ആദ്യ സർവീസ് സൂറിച്ച്-പാരീസ് റൂട്ടിലാണ് നിശ്ചയിച്ചിരിക്കുന്നത്.

തുടർന്ന് വാർസോ,ബ്രസൽസ്, സ്റ്റോർട്ട്ഗാർട്ട്, ഹാനോവർ, മിലൻ, ഫ്ലോറൻസ് എന്നീ റൂട്ടുകളിലേക്കും സിഎസ് 100ന്റെ സർവീസ് ദീർഘിപ്പിക്കുന്നതായിരിക്കും.

100 തികച്ച് ബോയിംഗ്: ചരിത്രത്തിലേക്കൊരു തിരിഞ്ഞുനോട്ടമായാലോ

എയർ ഇന്ത്യയിൽ പറക്കൂ ട്രെയിൻ നിരക്കിൽ!!!