ഭാവി അമേരിക്കൻ പ്രസിണ്ടന്റിന്റെ ലിമോസിൻ;സുരക്ഷയിൽ നമ്പർ1

മുൻ ഔദ്യോഗിക വാഹനം നിർമിച്ചതുപോലെ ഹെവി-ഡ്യൂട്ടി ട്രക്ക് പ്ലാറ്റ്ഫോമിൽ ജനറൽ മോട്ടേഴ്സ് തന്നെയാണ് പ്രസിണ്ടന്റിനായുള്ള പുതിയ വാഹനവും നിർമ്മിച്ച് നൽകുന്നത്.

നിലവിലെ കാഡിലാക്ക് എസ്ടിഎസ്-ന്റെ ഡിസൈൻ ഫിലോസഫി പിൻതുടരാതെ കാഡിലാകിന്റേത് തന്നെയായ എസകലേഡ്, സിടി6സെഡാൻ മോഡലുകളെ അടിസ്ഥാനപ്പെടുത്തിയുള്ളതാണ് പുതിയ ലിമോസിൻ.

അമേരിക്കന്‍ കാര്‍ നിർമാതാവായ ജനറല്‍ മോട്ടോഴ്‌സിന്റെ ആഡംബര കാര്‍ വിഭാഗത്തിലെ ഏറ്റവും കൂടിയ ഇനങ്ങളില്‍ ഒന്നാണ് കാഡില്ലാക്ക്.

ഏഴുപേരെ ഉൾക്കൊള്ളാവുന്ന തരത്തിൽ ലോകത്തിലെ ഏറ്റവും മികച്ച സുരക്ഷാക്രമീകരണങ്ങൾ ഉൾപ്പെടുത്തിയാണ് പുതിയ ലിമോസിനെ ഒരുക്കിയിരിക്കുന്നത്.

ഈ വാഹനത്തിലുള്ള സംവിധാനങ്ങള്‍ എന്തെല്ലാമെന്നത് സംബന്ധിച്ച ഊഹങ്ങള്‍ മാത്രമേ ലഭിക്കുന്നുള്ളൂ.

മിസൈല്‍ ആക്രമണം തടയാനും, വെടിയുണ്ട, ബോംബ് തുടങ്ങിയവയെ പ്രതിരോധിക്കാനും കാറ്റൊഴിഞ്ഞ ടയറില്‍ ഓടാനുമൊക്കെയുള്ള ശേഷിയുണ്ടെന്നാണ് വ്യക്തമാകുന്നത്.

ബയോകെമിക്കല്‍ ആക്രമണങ്ങളെ ഫലപ്രദമായി ചെറുക്കാന്‍ ഈ ലിമോസിന് കഴിയുമത്രെ.

വാഹനത്തിനകത്തെ ഓക്സിജന്‍ വിതരണം പൂര്‍ണമായും നിര്‍വഹിക്കുന്നത് പ്രത്യേക സാങ്കേതികസംവിധാനമാണ്. പുറത്തുനിന്ന് വായുവിലൂടെയുള്ള യാതൊരാക്രമണവും വാഹനത്തിനകത്തേക്ക് എത്തുകയില്ലെന്ന് ഇത് ഉറപ്പുനല്‍കുന്നു.

എന്നാല്‍ ഇത്രയുംകൊണ്ട് പ്രസിഡണ്ട്‌സ് ലിമോസിന്റെ സവിശേഷതകള്‍ തീരുന്നില്ല. ഇവ സംബന്ധിച്ച വിവരങ്ങൾ പുറത്തുവിടാന്‍ ജനറല്‍ മോട്ടോഴ്സോ അമേരിക്കൻ രഹസ്യാന്വേഷണ ഏജൻസിയോ തയ്യാറല്ല എന്നുള്ളതാണ് വാസ്തവം.

ഒബാമയ്ക്ക് സമം മോദി; ലോകം ചുറ്റിക്കറങ്ങാൻ 'എയർ ഇന്ത്യ വൺ'

യൂറോ ചാമ്പ്യൻ ക്രിസ്റ്റ്യാനോ റൊണാൾഡോയുടെ പടക്കുതിര