പിൽകാലങ്ങളിൽ 4x4 പ്രതാപത്തോടെ ഇന്ത്യൻ വിപണിയിൽ വിലസിയിരുന്ന മികച്ച ഓഫ്റോഡറുകൾ

എന്നാൽ അവരെക്കൂടാതെ, ഓഫ്-റോഡുകൾ ഇഷ്ടപ്പെടുന്ന വ്യത്യസ്ത തരത്തിലുള്ള ആളുകളുമുണ്ട്, അതിനാൽ അവർ തങ്ങളുടെ വാഹനങ്ങൾ മറ്റൊരു ആവശ്യത്തിനായി കസ്റ്റമൈസ് ചെയ്യുന്നു. ഈ വാഹനങ്ങൾക്ക് ഫാക്ടറിയിൽ നിന്ന് 4×4 സംവിധാനം ഉണ്ടായിരിക്കാം.

പിൽകാലത്ത് 4×4 ഡ്രൈവ് ട്രെയിൻ വാഗ്ദാനം ചെയ്തിരുന്ന അത്തരം 10 കാറുകളാണ് പ്രത്യേക ക്രമങ്ങളൊന്നുമില്ലാചെ ഇവിടെ ഞങ്ങൾ ലിസ്റ്റ് ചെയ്തിരിക്കുന്നത്. ഇവയിൽ എന്തെങ്കിലും കൂട്ടിച്ചേർക്കണമെങ്കിൽ തീർച്ചയായും കമന്റ് ബോക്സിൽ മെൻഷൻ ചെയ്യാനും അഭ്യർഥിക്കുന്നു.

റെനോ ഡസ്റ്റർ

ലിസ്റ്റിൽ 4X4 ഡ്രൈവ് ട്രെയിൻ സപ്പോർട്ട് ചെയ്യുന്ന ഏറ്റവും വിലകുറഞ്ഞ കാർ റെനോ ഡസ്റ്ററാണ്. വാഹനത്തിന് ഔട്ട്സ്റ്റാൻഡിംഗ് ഓഫ്-റോഡ് ശേഷികൾ ഉള്ളതിനാൽ ഒരാൾ വിലയുടെ പിന്നാലെ പോകരുത് എന്ന് ഞങ്ങൾ ഓർമിപ്പിക്കുന്നു. ഡസ്റ്റർ AWD -ക്ക് പിന്നിൽ ഒരു മൾട്ടിലിങ്ക് സസ്പെൻഷൻ ലഭിച്ചിരുന്നതിനാൽ വാഹനത്തിന് മികച്ച ഡൈനാമിക്സ് ലഭിച്ചിരുന്നു.

ഏത് തരത്തിലുള്ള റോഡിലും യാത്രാ നിലവാരം അസാധാരണമായിരുന്നു. ഈ ഡ്രൈവ് ട്രെയിനിനൊപ്പം 110 bhp കരുത്ത് പുറപ്പെടുവിക്കുന്ന എഞ്ചിനുമൊപ്പം വാഹനം തീർച്ചയായും ഒരു മാസ്റ്റർപീസ് ആയിരുന്നു. ഈ ഡ്രൈവ്‌ട്രെയിൻ ഓപ്ഷനൊപ്പം കാർ തിരിച്ചുവരാൻ ഞങ്ങൾ ആഗ്രഹിക്കുന്നു.

മഹീന്ദ്ര സ്കോർപിയോ

എവിടെയും പോകാനുള്ള മനോഭാവം അടുത്തത് സ്കോർപിയോയ്ക്കായിരുന്നു. സ്കോർപിയോയ്ക്കും 4X4 ഡ്രൈവ് ട്രെയിൻ ഉണ്ടായിരുന്നു. എന്നാൽ അധികം താമസിയാതെ മഹീന്ദ്ര അത് ഉപേക്ഷിക്കാൻ തീരുമാനിച്ചു. ഇപ്പോൾ ചെലവേറിയ സ്കോർപിയോ RWD കോൺഫിഗറേഷനുമായി മാത്രം വരുന്നു.

4X4 പതിപ്പിലെ എഞ്ചിൻ 120 bhp പരമാവധി പവർ ഉത്പാദിപ്പിക്കാൻ കഴിവുള്ളതായിരുന്നു, വളരെ കുറഞ്ഞ rpm -ൽ പവർ വീലുകളിലേക്ക് എത്തിച്ചിരുന്നത് എസ്‌യുവിയെ മികച്ച ഓഫ് റോഡറാക്കി. മഹീന്ദ്ര 4X4 ഉപയോഗിച്ച് സ്കോർപിയോ തിരികെ പുറത്തിറക്കുമോ?

മാരുതി സുസുക്കി ഗ്രാൻഡ് വിറ്റാര

മാരുതി സുസുക്കിക്കും 4X4 എസ്‌യുവി ഉണ്ടായിരുന്നുവെന്ന് നിങ്ങൾക്ക് സങ്കൽപ്പിക്കാനാകുമോ? സുസുക്കി കാറുകൾക്ക് നല്ലൊരു റൈഡും കരുത്തുറ്റതും വിശ്വസനീയവുമായ പെട്രോൾ എൻജിനും പേരുകേട്ടതാണ്, എന്നാൽ ബ്രാൻഡിന്റെ 4x4 കരുത്തിന് ഒരു ഉദാഹരണമാണ് ഗ്രാൻഡ് വിറ്റാര.

വെർസറ്റൈൽ ഡ്രൈവ്‌ട്രെയിൻ കാരണം, ഗ്രാൻഡ് വിറ്റാര അന്നും ഇന്നും റാലി റേസിംഗിലും ഓഫ്-റോഡ് ട്രയലുകളിലും ഉപയോഗിക്കുന്നു. കൂടാതെ, രസകരമായ എല്ലാ കാര്യങ്ങളും ചെയ്യാൻ സുസുക്കി ഗ്രാൻഡ് വിറ്റാര ഉടമയുടെ ആവശ്യങ്ങൾക്ക് അനുസൃതമായി ക്രമീകരിക്കാൻ സാധിക്കുന്നു എന്നതും ശ്രദ്ധേയമാണ്.

ടാറ്റ സഫാരി

പുതിയ ടാറ്റ സഫാരി എന്നും പഴയ സഫാരിക്ക് ഒരു പടി പിന്നിലാണ് എന്നാണ് ഞങ്ങളുടെ അഭിപ്രായം. ടാറ്റ സഫാരി ഇന്ത്യൻ കാർ കമ്മ്യൂണിറ്റിയിലെ ഒരു ഐക്കൺ ആണ്. ടാറ്റ സഫാരി സ്റ്റോമായിരുന്നു ബോഡി ഓൺ ഫ്രെയിം ചാസിയിൽ ഒരു RWD സിസ്റ്റവുമായി വന്നിരുന്നത്.

അതിനുപുറമെ, 4X4 ഡ്രൈവ് ട്രെയിനിന്റെ ഒരു ഓപ്ഷനും വാഹനത്തിലുണ്ടായിരുന്നു. പക്ഷേ, ഈ മികച്ച ഓപ്ഷനുകളും ഫീച്ചറുകളുമെല്ലാം ഇപ്പോൾ വാഹനത്തിലില്ലെന്ന് അറിയിക്കുന്നത് ദുഖകരമാണ്. പുതിയ ടാറ്റ സഫാരി ഒരു FWD ഡ്രൈവ്‌ട്രെയിനുള്ള ഒരു പീപ്പിൾ മൂറാണ്. എന്നാൽ ടാറ്റ മോട്ടോർസ് സഫാരിയെ അതിന്റെ പഴയ മഹത്വത്തിലേക്ക് തിരികെ കൊണ്ടുവരുമോ എന്ന് ഞങ്ങൾക്ക് അറിയില്ല.

ടാറ്റ സെനോൺ

നിർഭാഗ്യവശാൽ വിപണിയിൽ വംശനാശം സംഭവിച്ച അടുത്ത വാഹനം ടാറ്റാ സെനോൺ ആണ്. വാഹനത്തിന്റെ കൊമേർഷ്യൽ പതിപ്പ് ഇപ്പോഴും ടാറ്റയുടെ യോദ്ധ എന്ന പേരിലുള്ള പോർട്ട്‌ഫോളിയോയുടെ ഭാഗമാണെങ്കിലും 4X4 ഡ്രൈവ്‌ട്രെയിൻ ഇതിൽ നഷ്ടപ്പെടുന്നു. എല്ലാ അടിസ്ഥാന സൗകര്യങ്ങളോടും കൂടിയ ഇന്ത്യയിലെ ആദ്യത്തെ ഫാമിലി പിക്കപ്പ് ട്രക്കുകളിൽ ഒന്നായിരുന്നു സെനോൺ.

മഹീന്ദ്ര XUV500 AWD

മഹീന്ദ്രയെ ഇന്ത്യൻ വിപണി തിരിച്ചുപിടിക്കാൻ സഹായിച്ച എസ്‌യുവിയാണ് XUV500. ഈ ഫാമിലി കാർ വളരെക്കാലമായി കമ്പനിയുടെ പോർട്ട്‌ഫോളിയോയുടെ ഭാഗമാണ്, കൂടാതെ വലിയൊരു പരിവർത്തം ആവശ്യമായ മോഡലാണിത്. മഹീന്ദ്ര കാലാനുസൃതമായി വാഹനത്തിന്റെ രണ്ട് ഫെയ്‌സ്‌ലിഫ്റ്റുകൾ പുറത്തിറക്കിയിരുന്നു.

എന്നാൽ, വാഹനം അപ്‌ഡേറ്റ് ചെയ്യുന്നതിൽ മഹീന്ദ്ര ചില അനാവശ്യ മാറ്റങ്ങൾ വരുത്തിയതായി റിപ്പോർട്ട് ചെയ്യുന്നത് ശരിക്കും നിരാശാജനകമാണ്. ഇപ്പോഴത്തെ XUV500 എന്നത് ഒരു FWD വാഹനമാണ്, അത് ഒരു സോഫ്റ്റ്-റോഡറാണ്. പുത്തൻ നവീകരണങ്ങിൽ വന്ന പ്രധാന മാറ്റം AWD സിസ്റ്റം നിർത്തലാക്കി എന്നതാണ്.

മാരുതി സുസുക്കി ജിപ്സി

മാരുതി സുസുക്കി ജിപ്സിയെക്കുറിച്ച് സംസാരിക്കുമ്പോൾ നമ്മുടെ മനസ്സിലേക്ക് കടന്നുവരുന്ന രണ്ട് കാര്യങ്ങളാണ് ഇന്ത്യൻ ആർമിയും റാലി റേസിംഗും. മാരുതി സുസുക്കി ജിപ്സി വൈവിധ്യം എന്നൊരു ഉദ്ദേശ്യത്തിനായി നിർമ്മിച്ചതാണ് ഇതിന് കാരണം. കുറഞ്ഞ ശ്രേണിയിലുള്ള 4X4 ഗിയർബോക്സും ഒരു ഷോർട്ട് വീൽബേസും ഉപയോഗിച്ച്, ജിപ്സി അസമമായ ഭൂപ്രദേശങ്ങളിൽ മികച്ച സഹചാരിയായി മാറി.

എന്നാൽ ഖേദകരമെന്നു പറയട്ടെ, സുരക്ഷാകാരണങ്ങളാൽ നിർമ്മാതാക്കളുടെ വാഹന നിരയിൽ ഇപ്പോൾ ജിപ്സി ഇല്ല. എന്നാൽ ജിപ്സിയുടെ പിൻഗാമിയായ ജിംനിയെ ഇന്ത്യൻ വിപണിയിലേക്ക് മാരുതി കൊണ്ടുവന്നേക്കുമെന്ന് അഭ്യൂഹങ്ങളുണ്ട്.

സാങ്‌യോംഗ് റെക്സ്റ്റൺ

മഹീന്ദ്രയാണ് സാങ്‌യോംഗ് ബ്രാൻഡ് ഇന്ത്യൻ വിപണിയിൽ എത്തിച്ചത്, ഇവയിൽ നിന്ന് ആദ്യം എത്തിയ വാഹനം റെക്സ്റ്റൺ ആയിരുന്നു. എസ്‌യുവി പുറത്തിറക്കിയ വിലയ്ക്ക് അത് ശരിക്കും വലിയ മൂല്യം വാഗ്ദാനം ചെയ്തിരുന്നു. സാങ്‌യോംഗ് റെക്സ്റ്റണിന് ശക്തമായ ഒരു എഞ്ചിനും കഴിവുള്ള ചാസിയും ലഭിച്ചു, വാഹനം സ്റ്റോക്ക് കണ്ടീഷനിൽ തന്നെ എവിടെയും കൊണ്ടുപോകാവുന്നതായിരുന്നു.

സ്കോഡ യതി

ഇന്ത്യയിൽ കോംപാക്ട് എസ്‌യുവി സെഗ്‌മെന്റ് ആരംഭിച്ച എസ്‌യുവിയാണ് സ്കോഡ യേറ്റി. യതി യഥാർത്ഥ അണ്ടർഡോഗായി കണക്കാക്കപ്പെടുന്നു, കാരണം വാഹനത്തിന് ധാരാളം കഴിവുണ്ടെങ്കിലും അത് തെളിയിക്കാൻ കഴിഞ്ഞില്ല എന്നതാണ്.

സ്കോഡ യതി ഒരു അസാധാരണമായ ജർമ്മൻ നിർമ്മിതവും ശക്തമായ എഞ്ചിനും തടസ്സമില്ലാത്ത ട്രാൻസ്മിഷനുമായിട്ടാണ് വന്നത്. അതിനുപുറമേ, യതിയുടെ USP ഒരു 4×4 ഡ്രൈവ് ട്രെയിനുമായി വന്നു എന്നതാണ്, വാഹനം ഓടിക്കാൻ വളരെ രസകരമായിരുന്നു.