Click it and Unblock the Notifications
Celerio മുതല് Kiger വരെയുണ്ട്; ഇന്ധനക്ഷമതയുടെ കാര്യത്തില് ഈ മോഡലുകള് കിടുവാണ്
ഇന്ത്യയില് ഇന്ധന വില കുറച്ചു നാളുകളായി കുത്തനെ ഉയരുന്ന സാഹചര്യമാണുള്ളത്. കഴിഞ്ഞ 19 മാസത്തിനിടെ പെട്രോള് വില ലിറ്ററിന് 36 രൂപയായും ഡീസല് ലിറ്ററിന് 27 രൂപയായും വര്ധിച്ചു. സാധാരണക്കാരനെ സംബന്ധിച്ച വലിയ പ്രതിസന്ധിയാണ് ഇതുമൂലം ഉണ്ടായിരിക്കുന്നതും.
കഴിഞ്ഞ മാസം സര്ക്കാര് എക്സൈസ് തീരുവയില് ചില ചെറിയ ഇളവുകള് വരുത്തിയെങ്കിലും ഈ കുറവ് ഉപഭോക്താക്കള്ക്ക് നേരിയ ആശ്വാസം മാത്രമായിരുന്നുവെന്ന് വേണം പറയാന്. കഴിഞ്ഞ രണ്ട് വര്ഷത്തെ പ്രവണത കണക്കിലെടുത്ത് ഭാവിയില് വിലക്കയറ്റം തള്ളിക്കളയാനാവില്ല.
ഇത്തരം സമയങ്ങളില്, ഒരു കാര് വാങ്ങാന് പദ്ധതിയിടുന്ന നമ്മളില് ഭൂരിഭാഗവും ഇന്ധനക്ഷമതയ്ക്ക് ഉയര്ന്ന മുന്ഗണനയാകും നല്കും. അതിനാല്, 2021 അവസാനിക്കുമ്പോള്, ഈ വര്ഷം പുറത്തിറക്കിയ കുറച്ച് മോഡലുകളും, നേരത്തെ വിപണിയില് ഉള്ള ഏറ്റവും ഇന്ധനക്ഷമതയുള്ള ചില കാറുകളാണ് ഇവിടെ പങ്കുവെയ്ക്കുന്നത്. ഈ വര്ഷം പുറത്തിറക്കിയ ബഹുജന-വിപണി കാറുകളില് ഭൂരിഭാഗവും പെട്രോള് മാത്രമുള്ള മോഡലുകളായിരുന്നു.
ഇന്ധനക്ഷമതയുള്ള ഒരു കാര് നിങ്ങളുടെ ദൈനംദിന യാത്രയില് കുറച്ചുകൂടി ലാഭിക്കാന് സഹായിക്കും. നിലവില് വിപണിയിലുള്ള ഏറ്റവും ഇന്ധനക്ഷമതയുള്ള പെട്രോള് കാറുകള് ഏതൊക്കെയെന്ന് നോക്കാം. ഡ്രൈവിംഗ് സാഹചര്യങ്ങളും ശൈലികളും അനുസരിച്ച് വ്യത്യാസപ്പെടുമെന്ന് പ്രതീക്ഷിക്കുന്ന യഥാര്ത്ഥ കണക്കുകളുള്ള നിര്മ്മാതാക്കള് വെളിപ്പെടുത്തിയ ഔദ്യോഗിക കണക്കുകളെ അടിസ്ഥാനമാക്കിയുള്ളതാണ് താഴെ പങ്കുവെച്ചിരിക്കുന്ന മോഡലുകള്.
മാരുതി സുസുക്കി സെലേറിയോ - 26.68 kmpl
മാരുതി സുസുക്കി സെലേറിയോ എല്ലായ്പ്പോഴും ഇന്ത്യയില് വില്ക്കുന്ന ഏറ്റവും ഇന്ധനക്ഷമതയുള്ള കാറുകളില് ഒന്നാണ്, അടുത്തിടെ പുറത്തിറക്കിയ പുതിയ തലമുറ മോഡല് ആ പാരമ്പര്യം മുന്നോട്ട് കൊണ്ടുപോകുന്നുവെന്ന് വേണം പറയാന്.
വാഹനത്തില് ARAI സാക്ഷ്യപ്പെടുത്തിയ ഇന്ധനക്ഷമത ലിറ്ററിന് 26.68 കിലോമീറ്ററാണ്, നിലവില് ഇന്ത്യയിലെ ഏറ്റവും ഇന്ധനക്ഷമതയുള്ള പെട്രോള് കാറാണ് സെലേറിയോ. ചില സന്ദര്ഭങ്ങളില്, കോംപാക്ട് ഹാച്ച് സെഗ്മെന്റില് ചില ഡീസല് കാറുകളേക്കാള് മികച്ചതാണ്. 26.68 kmpl എന്ന ഏറ്റവും ഉയര്ന്ന ഇന്ധനക്ഷമത വാഗ്ദാനം ചെയ്യുന്ന VXI AGS വേരിയന്റാണിത്. Zxi+ MT ട്രിം ഏറ്റവും കുറഞ്ഞ ഇന്ധനക്ഷമതയുള്ള വേരിയന്റാണ്, 24.97 kmpl വാഗ്ദാനം ചെയ്യുന്നു, ഈ ലിസ്റ്റിലെ മറ്റ് മോഡലുകളേക്കാള് കൂടുതലാണെന്ന് വേണമെങ്കില് പറയാം.
രണ്ടാം തലമുറ സെലേറിയോയില് പുതിയതും കൂടുതല് കാര്യക്ഷമവുമായ ഡ്യുവല്ജെറ്റ് K10 പെട്രോള് എഞ്ചിനും മാരുതിയുടെ ഏറ്റവും പുതിയ Heartect പ്ലാറ്റ്ഫോമിലേക്ക് മാറിയതുമാണ് മാരുതി ഈ നേട്ടം കൈവരിച്ചിരിക്കുന്നത്. പുതിയ പെട്രോള് എഞ്ചിന് 67 bhp കരുത്തും 89 Nm torque ഉം ഉത്പാദിപ്പിക്കുന്നു. മുമ്പത്തെ സെലേറിയോയെ അപേക്ഷിച്ച് 1 bhp-യും 1 Nm-ഉം കുറയുന്നു - കൂടാതെ 5-സ്പീഡ് മാനുവല് അല്ലെങ്കില് AMT ഗിയര്ബോക്സുമായിട്ടാണ് എഞ്ചിന് ജോടിയാക്കിയിരിക്കുന്നത്.
മാരുതി സുസുക്കി സ്വിഫ്റ്റ് - 23.76 kmpl
കഴിഞ്ഞ വര്ഷത്തെ ഫെയ്സ്ലിഫ്റ്റിനൊപ്പം വന്ന ഡിസൈന് മാറ്റങ്ങളും ദൈര്ഘ്യമേറിയ ഉപകരണങ്ങളുടെ ലിസ്റ്റും കൂടാതെ, ഏറ്റവും പ്രധാനപ്പെട്ട മാറ്റങ്ങളിലൊന്ന് 1.2 ലിറ്റര് K12M പെട്രോള് എഞ്ചിന് പകരം 1.2 ലിറ്റര് K12N യൂണിറ്റ് സ്റ്റാര്ട്ട്-സ്റ്റോപ്പ് ഫംഗ്ഷനുമായി വരുന്നു എന്നതാണ്.
മാരുതി സുസുക്കി സ്വിഫ്റ്റ് മുമ്പത്തേക്കാള് 7 bhp കരുത്തും 5-സ്പീഡ് മാനുവല് (23.26kpl), 5-സ്പീഡ് AMT (24.12kpl) ഫോമിലും കൂടുതല് കാര്യക്ഷമവുമാണ്, ഇത് ഇന്ത്യയില് വില്പ്പനയ്ക്കെത്തുന്ന ഏറ്റവും ഇന്ധനക്ഷമതയുള്ള പെട്രോള് സെഡാനാക്കി വാഹനത്തെ മാറ്റുകയും ചെയ്യുന്നു.
മാരുതി സുസുക്കി സ്വിഫ്റ്റ് രാജ്യത്തെ ഏറ്റവും ജനപ്രിയമായ കാറുകളിലൊന്നാണ്, 2021 സാമ്പത്തിക വര്ഷത്തില് ഇന്ത്യയില് ഏറ്റവുമധികം വിറ്റഴിക്കപ്പെടുന്ന പാസഞ്ചര് വാഹനമാണിത്.
റെനോ ക്വിഡ് - 22 kmpl
ഈ വര്ഷം ആദ്യം, റെനോ 2021 മോഡല് ഇയര് (MY) ക്വിഡ് അവതരിപ്പിച്ചു. കാറില് വരുത്തിയ അപ്ഡേറ്റുകള് കോസ്മെറ്റിക് മാറ്റങ്ങള് മാത്രമാണെങ്കിലും, എന്ട്രി ലെവല് സ്പെയ്സിലെ ഏറ്റവും ഇന്ധനക്ഷമതയുള്ള പെട്രോള് കാറുകളിലൊന്നായി റെനോ ക്വിഡ് തുടരുന്നു.
കാറിന്റെ 1.0-ലിറ്റര് AMT പതിപ്പ് ARAI സാക്ഷ്യപ്പെടുത്തിയ ഇന്ധനക്ഷമത ലിറ്ററിന് 22 കിലോമീറ്റര് വാഗ്ദാനം ചെയ്യുന്നു, ഇത് തികച്ചും ശ്രദ്ധേയമായ ഒരു സംഖ്യയാണ്. നിലവില് വാഹനത്തില് രണ്ട് എഞ്ചിന് ഓപ്ഷനുകളാണ് കമ്പനി വാഗ്ദാനം ചെയ്യുന്നത്. 54 bhp കരുത്ത് നല്കുന്ന 0.8 ലിറ്റര്, 68 bhp കരുത്തുള്ള 1.0 ലിറ്റര്.
മാരുതി സുസുക്കി വാഗണ്ആര് 1.0- 21.79kpl
മിക്ക മാരുതി സുസുക്കികളെയും പോലെ, വാങ്ങുന്നവര് വാഗണ്ആറിനെ തെരഞ്ഞെടുക്കുന്നതിനുള്ള ഒരു കാരണം അതിന്റെ ഇന്ധനക്ഷമത തന്നെയാണ്. ടോള്-ബോയ് ഹാച്ച്ബാക്കിന് രണ്ട് യൂണിറ്റുകള് ലഭിക്കുന്നു - 68 bhp കരുത്ത് നല്കുന്ന 1.0-ലിറ്റര്, 83 bhp കരുത്ത് നല്കുന്ന 1.2-ലിറ്റര്.
1.2-ലിറ്റര് പതിപ്പില് 20.52 kpl-ലും ചെറിയ എഞ്ചിന് 21.79 kpl ഇന്ധനക്ഷമതയും നല്കുന്നു. രണ്ട് യൂണിറ്റുകള്ക്കും 5-സ്പീഡ് AMT ലഭിക്കുന്നു, മാനുവലുകള്ക്ക് സമാനമായ ARAI-റേറ്റുചെയ്ത ഇന്ധനക്ഷമതയുണ്ട്.
ഇതിനൊപ്പം തന്നെ 1.0-ലിറ്റര് എഞ്ചിന് ഒരു സിഎന്ജി ഓപ്ഷനുമായാണ് വരുന്നത്, അത് മികച്ച 32.52km/kg റേറ്റിംഗ് നല്കുന്നു. രാജ്യത്ത് ഇന്ന് വില്ക്കുന്ന ഏറ്റവും മിതവ്യയമുള്ള CNG കാറാണ് വാഗണ്ആര്. മാരുതി സുസുക്കി വാഗണ്ആറിന്റെ താരതമ്യേന ഉയര്ന്ന വില്പ്പന സംഖ്യയുടെ മറ്റൊരു കാരണം അതിന്റെ വിലയും പണത്തിന്റെ മൂല്യവുമാണ്.
മാരുതി സുസുക്കി എസ്-പ്രസോ- 21.7 kpl
എസ്-പ്രെസോ ഒരു സാധാരണ ചെറിയ മാരുതിയാണ് - അതിന്റെ ഭാരം താരതമ്യേന കുറവാണ്, ഒരു മിതവ്യയവും പെപ്പിയും ഉള്ള എഞ്ചിനുമായി ഇത് വിപണിയില് എത്തുന്നു. 1.0 ലിറ്റര് പെട്രോള് എഞ്ചിന് സെലെറിയോ, വാഗണ്ആര് എന്നിവയുമായി പങ്കിടുന്നത് പരിഗണിക്കുമ്പോള്, മാരുതി സുസുക്കി എസ്-പ്രസോയ്ക്ക് സമാനമായ ARAI കാര്യക്ഷമത കണക്കുകള് ഉണ്ടെന്നതില് അതിശയിക്കാനില്ല.
കൗതുകകരമെന്നു പറയട്ടെ, ഉയര്ന്ന സ്പെക്ക് VXI, VXI+ വേരിയന്റുകളാണ് (14-ഇഞ്ച് റിമ്മുകളില് ഓടുന്നത്) 21.7kpl റേറ്റിംഗാണ് വാഗ്ദാനം ചെയ്യുന്നത്. താഴ്ന്ന വേരിയന്റുകള്ക്ക് 21.4kpl റേറ്റിംഗ് ഉണ്ട്. 5-സ്പീഡ് AMT ഓപ്ഷനും ലഭിക്കുന്നു - VXI, VXI+ വേരിയന്റുകളില് മാത്രം - മിഡ്-സ്പെക്ക് LXI, VXI ട്രിമ്മുകളില് ഫാക്ടറി-ഫിറ്റ് CNG ഓപ്ഷനും കമ്പനി വാഗ്ദാനം ചെയ്യുന്നുണ്ട്.
മാരുതി സുസുക്കി ഇഗ്നിസ്- 20.89 kpl
ഇഗ്നിസ് മാരുതി സുസുക്കി പ്രതീക്ഷിച്ച വില്പ്പന സെന്സേഷനായിരിക്കില്ലെങ്കിലും, മൈലേജിന്റെ കാര്യത്തില് ഇത് ഒരു ഒന്നൊന്നര ഐറ്റം തന്നെയാണ്. മാരുതി സുസുക്കി ഇഗ്നിസിന്റെ ഒരു ഹൈലൈറ്റ് 83 bhp കരുത്ത് നല്കുന്ന 1.2-ലിറ്റര് K12M പെട്രോള് എഞ്ചിനാണ്, ഇത് മാനുവല്, AMT ഓട്ടോമാറ്റിക് രൂപത്തില് 20.89kpl എന്ന ARAI റേറ്റുചെയ്ത ഇന്ധനക്ഷമത നല്കുന്നു.
റെനോ കൈഗര് - 20.53 kmpl
2021-ല് പുതിയ റെനോ കൈഗറിന്റെ ലോഞ്ചിനും സാക്ഷ്യം വഹിച്ചു. കാര് നിര്മാതാവില് നിന്നുള്ള ആദ്യത്തെ സബ് കോംപാക്ട് എസ്യുവിയാണിത്. കൂടാതെ രാജ്യത്ത് ഇന്ന ലഭ്യമായി ഏറ്റവും താങ്ങാവുന്ന സബ്-4 മീറ്റര് എസ്യുവിയും.
ട്രൈബറിലെ അതേ CMF-A+ പ്ലാറ്റ്ഫോമിലാണ് ഇത് നിര്മിക്കുന്നത്. രണ്ട് പെട്രോള് എഞ്ചിന് ഓപ്ഷനുകളിലാണ് കൈഗര് വാഗ്ദാനം ചെയ്യുന്നത് - 1.0 ലിറ്റര് നാച്ചുറലി ആസ്പിറേറ്റഡ് മോട്ടോറും 1.0 ലിറ്റര് ടര്ബോ പെട്രോള് എഞ്ചിനും. 20.53 kmpl എന്ന ഉയര്ന്ന ARAI സാക്ഷ്യപ്പെടുത്തിയ ഇന്ധനക്ഷമത വാഗ്ദാനം ചെയ്യുന്ന രണ്ടാമത്തെ മാനുവല് പതിപ്പാണിത്. ആദ്യത്തേത് 19.17 kmpl ഓഫര് ചെയ്യുന്നു.
ടാറ്റ പഞ്ച് - 18.97 kmpl
ഈ വര്ഷം ഇന്ത്യയില് വില്പ്പനയ്ക്കെത്തിയത് ഏറെ പ്രതീക്ഷയോടെ കാത്തിരുന്ന കാറുകളിലൊന്നാണ് ടാറ്റ പഞ്ച്. കമ്പനിയുടെ ALFA പ്ലാറ്റ്ഫോമിനെ അടിസ്ഥാനമാക്കിയുള്ള മൈക്രോ-എസ്യുവി മികച്ച രൂപഭംഗിയുള്ളതാണ്, സ്മാര്ട്ട് ഫീച്ചറുകളോടെയാണ് വാഹനം വരുന്നത്.
കൂടാതെ ഗ്ലോബല് NCAP-ല് നിന്നുള്ള 5-സ്റ്റാര് സുരക്ഷാ റേറ്റിംഗും പഞ്ച് സ്വന്തമാക്കിയിട്ടുണ്ട്. 18.97 kmpl എന്ന ARAI സാക്ഷ്യപ്പെടുത്തിയ ശരാശരി ഇന്ധനക്ഷമത വാഗ്ദാനം ചെയ്യുന്ന പെട്രോള് എഞ്ചിനിലാണ് ഇത് വരുന്നത്.
Continue with Google