ചെന്നൈയിൽ ലക്ഷ്വറി കാറുകൾ ലേലത്തിന്

നിരവധി ഇൻഷൂറൻസ് കമ്പനികളും, കാറുടമകളും, ബാങ്കുകളും ആണ് പ്രളയത്തിന് ഇരകളായിരിക്കുന്നത്. ഇവർ തങ്ങളുടെ ലക്ഷ്വറി കാറുകൾ വളരെ കുറഞ്ഞ നിരക്കിൽ വിറ്റഴിക്കുന്നുവെന്നാണ് റിപ്പോര്‍ട്ട്.

എൻട്രി ലെവൽ മുതൽ ലക്ഷ്വറി സെഗ്മന്റുകൾ വരെയുള്ള കാറുകളാണ് ഓൺറോഡ് വിലയേക്കാൾ പത്ത്ശതമാനം കുറഞ്ഞ നിരക്കിൽ വിറ്റഴിക്കുന്നത്.

കോപാർട്ട്.ഇൻ എന്ന ഓൺലൈൻ ലേല വിൽപനക്കാരാണ് നൂറിൽപരം കാറുകളോളം ലേലത്തിൽ വിറ്റഴിക്കുന്നത്. 2015, 2014ലുകളിൽ ഇറങ്ങിയ പുതിയ മോഡലുകളാണ് ലേലത്തിന് വെച്ചിരിക്കുന്നത്.

ലേലത്തിൽ കാറുകളും എല്ലാ അനുബന്ധ ഡോക്യുമെന്റുകളും കൃത്യമായിരിക്കും. എന്നാൽ കാറുകളുടെ തകരാറുകൾക്ക് തങ്ങൾ ഉത്തരവാദികളായിരിക്കില്ലെന്ന് കോപാർട്ടിന്റെ എംഡിയായ രാജീവ് കപൂർ വ്യക്തമാക്കി. കേടുപാടുകൾ സ്വയം പരിഹരിക്കേണ്ടതായി വരുമെന്ന് സാരം.

ബുധനാഴ്ചയിലെ ലേലത്തിൽ ബിഎംഡബ്ള്യു 3 സീരിസുകൾക്ക് ലേലം വിളി ആരംഭിച്ചത് 6 ലക്ഷത്തിനും, ഓ‍ഡി എ4 3.4 ലക്ഷത്തിനും, പോർഷെ (2012 മോഡൽ) 5 ലക്ഷത്തിനുമായിരുന്നു. നിലവിലുള്ള കാറുകൾ വിറ്റഴിക്കുന്നത് വരെ എല്ലാ ആഴ്ചയിലും ലേലം തുടരുന്നതായിരിക്കും.

ലേലത്തിൽ താൻപര്യമുള്ള ആളുകൾ ഇതിനകം തന്നെ സെക്യൂരിറ്റി ഡെപോസിറ്റ് നൽകി കൊണ്ട് രജിസ്റ്റർ ചെയ്തിട്ടുണ്ട്. അടുത്ത മൂന്ന് മാസത്തേക്ക് ലേലം തുടരുമെന്നും പ്രതീക്ഷിച്ചതിലധികം രെജിസ്ട്രേഷനുകൾ ഉണ്ടാകുമെന്ന് കപൂർ വ്യക്തമാക്കി.

മറ്റൊരു ഓക്ഷൻ പോർട്ടലായ സെലക്ട് ഓട്ടോ മാർട്ട്10,000ത്തോളം പ്രളയ ബാധിത കാറുകളായിരുന്നു ലേലത്തിന് വെച്ചത്. ഇതിൽ 5,000ത്തോളം കാറുകൾ 20 ദിസത്തിനുള്ളിൽ വിറ്റഴിക്കപ്പെട്ടുവെന്നാണ് പറയപ്പെടുന്നത്.