'DL 1 CJI 1' ചീഫ് ജസ്റ്റിസിന്റെ കാറിന്റെ നമ്പർ പ്രത്യേക ആനുകൂല്യമോ? സർക്കാരിന്റെ പാരിതോഷികമോ?

കഴിഞ്ഞ വാരാന്ത്യത്തിൽ സോഷ്യൽ മീഡിയയിൽ പോസ്റ്റ് ചെയ്ത ഒരു ചിത്രം വളരെയധികം കൗതുകം ഉയർത്തുന്നതായിരുന്നു. ഇന്ത്യയുടെ ചീഫ് ജസ്റ്റിസ് ധനഞ്ജയ Y ചന്ദ്രചൂഡിൻ്റെ കാറാണ് ഫോട്ടോയിൽ ഉണ്ടായിരുന്നത്. മെർസിഡീസ് E-ക്ലാസ് എന്ന വാഹനത്തിന്റെ ആഡംബരവും ക്ലാസുമല്ല ശ്രദ്ധ പിടിച്ചുപറ്റുന്നത് മറിച്ച് "DL1 CJI 0001" എന്ന അതിന്റെ തനതായ നമ്പർ പ്ലേറ്റാണ്.

ബിസിനസ് പ്രമുഖൻ ലോയ്ഡ് മത്യാസാണ് ചിത്രം X -ൽ പങ്കുവെച്ചത്. ഇന്നലെ ഡൽഹിയിൽ നടന്ന ഒരു സ്വകാര്യ ചടങ്ങിൽ ചീഫ് ജസ്റ്റിസ് ഓഫ് ഇന്ത്യ ധനഞ്ജയ് ചന്ദ്രചൂഡിനെ കണ്ടു എന്നും, തിരികെ പുറപ്പെടുമ്പോൾ, അദ്ദേഹത്തിൻ്റെ കാറിൻ്റെ ' DL1 CJI 0001' എന്ന ലൈസൻസ് പ്ലേറ്റ് നമ്പർ ശ്രദ്ധിക്കാതിരിക്കാൻ തനിക്ക് കഴിഞ്ഞില്ല എന്നും ഒരു കുറുപ്പോടെയാണ് അദ്ദഹം ചിത്രം പങ്കുവെച്ചത്.

അതോടൊപ്പം ചീഫ് ഇലക്ഷൻ കമ്മീഷണറുടെ കാറിൻ്റെ നമ്പർ പ്ലേറ്റ് DL1 CEC 0001 ആണോ എന്നും ഒരു ചോദ്യവും അദ്ദേഹം കുറുപ്പിൽ അദ്ദേഹം കൂട്ടിച്ചേർത്തു. സ്റ്റേറ്റ് (സംസ്ഥാന) കോഡ്, പദവി, സീക്വൻഷ്യൽ നമ്പറിംഗ് എന്നിവയുടെ ഈ സംയോജനം നിരവധി ചോദ്യങ്ങൾ ഉയർത്തുന്നു.

ചീഫ് ജസ്റ്റിസിന് അനുവദിച്ച പ്രത്യേക ആനുകൂല്യമോ അവകാശമോ ആണോ ഇത്? ഈ കൊതിപ്പിക്കുന്ന സീക്വൻസ് കൈയ്ക്കലാക്കാൻ സർക്കാർ ചരടുവലിച്ചോ? എന്നിങ്ങനെ ഒട്ടവധി ചോദ്യങ്ങളാണ് നമ്മിൽ പലരുടേയും മനസിലൂടെ ഇപ്പോൾ മിന്നിമറയുന്നത്. ഇതിനുള്ള ഉത്തരം, ഇന്ത്യയുടെ മോട്ടോർ വെഹിക്കിൾസ് ആക്ടിലും ബ്യൂറോക്രാറ്റിക് സാന്ദർഭികതയിലും ഉണ്ട്.

മിനിസ്ട്രി ഓഫ് റോഡ് ട്രാൻസ്പോർട്ട് & ഹൈവേയ്സ് സ്ഥിരീകരിച്ചതുപോലെ, ചീഫ് ജസ്റ്റിസിനെപ്പോലുള്ള ഭരണഘടനാ ഉദ്യോഗസ്ഥർക്കായി നിയോഗിച്ചിട്ടുള്ള വാഹനങ്ങൾ അവയുടെ നമ്പർ പ്ലേറ്റുകളിൽ ഒരു പ്രത്യേക തരം ഫോർമാറ്റ് പിന്തുടരുന്നു. ആദ്യത്തെ രണ്ട് അക്ഷരങ്ങൾ സംസ്ഥാനത്തെ സൂചിപ്പിക്കുന്നു (ഡൽഹിക്കുള്ള DL), തുടർന്ന് പദവിക്കുള്ള ഒരു കോഡ് (ഈ കേസിൽ CJI). അതിനു ശേഷം ബാക്കിയുള്ള നമ്പറുകൾ സാധാരണയായി രജിസ്ട്രേഷൻ തീയതി അനുസരിച്ച് ക്രമാനുഗതമായി അസൈൻ ചെയ്യപ്പെടുന്നു.

ഈ സാഹചര്യത്തിൽ, 2024 ജനുവരി 1 -നാണ് കാർ രജിസ്റ്റർ ചെയ്തത്, ഈ വർഷം CJI പദവി നൽകിയ ആദ്യത്തെ വാഹനമായി ഇത് മാറി. ഈ വളരെ യാദൃശ്ചികമായ സമയം, ഇന്ത്യയിലെ "ഏറ്റവും കൂളായ കാർ നമ്പർ പ്ലേറ്റ്" എന്ന് ഓൺലൈനിൽ വലിയ കോളിളക്കും സൃഷ്ടിച്ചതിന് കാരണമായ, "0001" എന്ന സീക്വൻസിന് കാരണമായി.

എന്നിരുന്നാലും, എല്ലാവരും ഇത് ഒരു രസകരമായ വളരെ യാദൃശ്ചികമായ കാര്യമായി കാണുന്നില്ല. ചില വിമർശകർ വാദിക്കുന്നത് ഇത്തരം സവിശേഷമായ നമ്പർ പ്ലേറ്റുകൾ ശ്രേഷ്ഠതയുടെയും പദവിയുടെയും ഒരു അവബോധം സൃഷ്ടിക്കുകയും അത്തരം വ്യത്യാസങ്ങളുടെ ആവശ്യകതയെ ചോദ്യം ചെയ്യുകയും ചെയ്യുന്നു. മറ്റുചിലർ പ്രത്യേക നമ്പർ പ്ലേറ്റുകൾ നേടുന്നതിൽ അധികാരം ദുരുപയോഗം ചെയ്യാനുള്ള സാധ്യതയെക്കുറിച്ച് ആശങ്ക ഉയർത്തുന്നു.

പൊതുഗതാഗതത്തിലെ പ്രതീകാത്മകത (സിമ്പോളിസം), പദവി (സ്റ്റാറ്റസ്), ആക്സസിബിലിറ്റി എന്നിവ തമ്മിലുള്ള സങ്കീർണ്ണമായ ബന്ധത്തെ ഈ സംവാദം എടുത്തുകാണിക്കുന്നു. യുണീക്ക് നമ്പർ പ്ലേറ്റുകൾക്ക് പ്രതീകാത്മക മൂല്യം ഉണ്ടായിരിക്കുമെങ്കിലും, അവയുടെ പ്രായോഗിക ലക്ഷ്യത്തെക്കുറിച്ചും ധാർമ്മിക ഇംപ്ലിക്കേഷനുകളെക്കുറിച്ചും ചോദ്യങ്ങൾ അവശേഷിക്കുന്നു. കൗതുകകരമെന്നു പറയട്ടെ, ഒരു ഭരണഘടനാ പദവിക്ക് നൽകിയിട്ടുള്ള നമ്പർ പ്ലേറ്റ് വാർത്തകളിൽ ഇടം പിടിക്കുന്നത് ഇതാദ്യമല്ല.

2017 -ൽ, ഇന്ത്യൻ പ്രസിഡൻ്റിൻ്റെ കാർ "0001" എന്ന നമ്പർ പ്ലേറ്റുമായി എത്തി, അത് പ്രത്യേകാവകാശത്തെയും പ്രതീകാത്മകതയെയും കുറിച്ചുള്ള ഇത്തരമൊരു സമാന ചർച്ചകളിലേക്ക് നയിച്ചു. ചീഫ് ജസ്റ്റിസിൻ്റെ കാർ പ്ലേറ്റ് ഒരു ലഘുവായ ഓൺലൈൻ സംഭാഷണത്തിന് തിരികൊളുത്തിയിരിക്കാം, പക്ഷേ അധികാരത്തിൻ്റെ ചിഹ്നങ്ങളുടെ ഉപയോഗത്തെക്കുറിച്ചും പബ്ലിക്ക് സർവ്വീസും പെഴ്സണൽ പ്രിവിലെജും തമ്മിലുള്ള സൂക്ഷ്മമായ ബാലൻസിനെ കുറിച്ചുള്ള ഒരു വലിയ ചർച്ചയിലേക്ക് അത് അശ്രദ്ധമായി ഒരു ജാലകം തുറന്നു.

ആത്യന്തികമായി, "DL1 CJI 0001" എന്നത് ഒരു രസകരമായ യാദൃശ്ചികതയാണോ, അനാവശ്യമായ വേർതിരിവിൻ്റെ പ്രതീകമാണോ, അല്ലെങ്കിൽ പവറിന്റെയും ആക്സസിബിലിറ്റിയെയും കുറിച്ചുള്ള വിശാലമായ സംഭാഷണത്തിനുള്ള ഒരു തീപ്പൊരിയായി കാണണോ എന്ന് തീരുമാനിക്കേണ്ടത് ഓരോ വ്യക്തിയും തന്നെയാണ്. അതിനാൽ നിങ്ങളുടെ അഭിപ്രായങ്ങൾ കമന്റുകൾ വഴി രേഖപ്പെടുത്തുക.