ഇന്ത്യൻ വിപണയിൽ ഏറ്റവും മനോഹരമായ ഇന്റീരിയറുകൾ വാഗ്ദാനം ചെയ്യുന്ന എൻട്രി ലെവൽ സെഡാനുകൾ

ഈ കാറുകൾ അവയുടെ ക്യാബിനുകൾക്കുള്ളിലും മാന്യമായ സൗകര്യങ്ങളും ഇടവും പ്രദാനം ചെയ്യുന്നു. ഹാച്ച്ബാക്കുകളേ അപേക്ഷിച്ച് ഒരുപക്ഷേ കൂടുതൽ ലെഗ് റൂമും ഹെഡ് റൂമും കോംപാക്ട് സെഡാനുകൾ വാഗ്ദാനം ചെയ്യാം. ഇവിടെ മികച്ച ഇന്റീരിയറുകളുള്ള അഞ്ച് എൻട്രി ലെവൽ സെഡാനുകളെക്കുറിച്ചാണ് ഞങ്ങൾ സംസാരിക്കാൻ ഉദ്ദേശിക്കുന്നത്.

മാരുതി സുസുക്കി ഡിസയർ

ഈ വിഭാഗത്തിലെ ഏറ്റവും ജനപ്രിയ കാറാണ് ഡിസയർ. വർഷങ്ങളായി, ഡിസയർ വിപണിയിൽ തുടരുന്നു. ഉയർന്നു വരുന്ന മത്സരത്തെ നേരിടാൻ വാഹനം സ്വയം അപ്‌ഡേറ്റുചെയ്‌ത് വളരെ നന്നായി തന്നെ നിലകൊള്ളുന്നു. ഡിസയറിന്റെ ഇന്റീരിയറുകൾ ഒരു ബീജ് തീം പിന്തുടരുന്നു, ഇത് കാബിന് വളരെ വായുസഞ്ചാരമുള്ള അനുഭവം നൽകുന്നു.

അനലോഗ്-ഡിജിറ്റൽ ഇൻസ്ട്രുമെന്റ് ക്ലസ്റ്ററും ഇൻഫോടെയിൻമെന്റ് സിസ്റ്റവും ഇന്റീരിയർ തീമിനോട് നന്നായി യോജിക്കുന്നു. സ്റ്റിയറിംഗും വളരെ അപ്പ് മാർക്കറ്റും സ്പോർട്ടിയുമായി കാണപ്പെടുന്നു. ക്യാബിൻ വളരെ വിശാലമാണ്, അഞ്ച് പേരെ വളരെ ഈസിയായി ഇതിന് ഉൾക്കൊള്ളാൻ കഴിയും.

ഹോണ്ട അമേസ്

ഇന്ത്യൻ വിപണിയിൽ ഹോണ്ടയുടെ ജനപ്രിയ മോഡലാണ് അമേസ്. സെഡാന്റെ ഇന്റീരിയറുകൾ ബ്ലാക്ക് ബീജ് തീമിലാണ് ഒരുക്കിയിരിക്കുന്നത്. മറ്റ് എൻട്രി ലെവൽ സെഡാനുകളുമായി താരതമ്യപ്പെടുത്തുമ്പോൾ ഈ സെഡാൻ കൂടുതൽ പ്രീമിയവും വിശാലമായ ഇന്റീരിയറും ലക്ഷ്യമിടുന്നു.

ക്യാബിന് മറ്റ് എതിരാളികളേക്കാൾ കൂടുതൽ പ്രീമിയവും കൂടുതൽ വിശാലതയും അനുഭവപ്പെടുന്നതിനാൽ ഈ ലക്ഷ്യം അമേസ് നേടിയെടുക്കുന്നു. അമേസിലെ സീറ്റുകൾ അങ്ങേയറ്റം സുഖകരമാണ്, ലോംഗ് ഡ്രൈവുകൾ ഇവ സുഖകരമാക്കുന്നു! വലിയ വലിപ്പത്തിലുള്ള വിൻഡോകൾ അകത്തളത്തിൽ വായുസഞ്ചാരം നൽകുന്നു.

ഹ്യുണ്ടായി ഓറ

എൻട്രി ലെവൽ സെഡാൻ സെഗ്‌മെന്റിലെ ഏറ്റവും മികച്ച ഇന്റീരിയറുകളിലൊന്നാണ് ഹ്യുണ്ടായി ഓറയ്ക്കുള്ളത് എന്ന് തീർച്ചയായും പറയാം! i20, വെർണ എന്നിവയിൽ നിന്ന് പ്രചോദനം ഉൾക്കൊണ്ടതാണ് ഇതിന്റെ ലേയൗട്ട്. സെന്റർ കൺസോൾ നന്നായി സജ്ജീകരിച്ചിരിക്കുന്നു, മെച്ചപ്പെട്ട കൺവെയൻസിനായി ഇത് ഡ്രൈവറുടെ സൈഡിലേക്ക് ചെറുതായി ചാഞ്ഞിരിക്കുന്നു.

ഈ സെഡാനിലെ സ്റ്റിയറിംഗ് പ്രത്യേകിച്ച് അതിന്റെ എതിരാളികളേക്കാൾ മികച്ചതായി അനുഭവപ്പെടുന്നു. ക്യാബിൻ സ്പേസ് അമേസിന്റെ അത്രയൊന്നും വരില്ല, പക്ഷേ അത് ഇപ്പോഴും പര്യാപ്തമാണ്. ഇൻസ്ട്രുമെന്റ് ക്ലസ്റ്ററും ഇൻഫോടെയിൻമെന്റ് സിസ്റ്റവും മറ്റ് എതിരാളികളേക്കാൾ മികച്ചതും നന്നായി സംയോജിപ്പിച്ചതുമാണ്.

ടാറ്റ ടിഗോർ

ടാറ്റ ടിയാഗോയിൽ നാം കാണുന്നത് പോലെ തന്നെയൊരു ഇന്റീരിയറാണ് ടിഗോറിന് ലഭിക്കുന്നത്. പൂർണ്ണ ഡിജിറ്റൽ ഇൻസ്ട്രുമെന്റ് ക്ലസ്റ്ററിനൊപ്പം വളരെ സ്പോർട്ടിയായ സ്റ്റിയറിംഗ് വീൽ നാം വളരെ ചെലവേറിയ കാറിലാണെന്ന് തോന്നിപ്പിക്കുന്ന ഒരു അനുഭവം നൽകുന്നു.

ഓൾ ബ്ലാക്ക് തീമുകളും ഈ സെഡാനിൽ നന്നായി പ്രവർത്തിക്കുന്നു, ഇത് വാഹനത്തെ അല്പം കൂടുതൽ അഗ്രസ്സീവും സ്പോർട്ടിയുമാക്കുന്നു. ടിഗോറിലെ സീറ്റുകൾ വളരെ സുഖകരമാണ്, എന്നിരുന്നാലും അവ നാല് മുതിർന്നവർക്ക് മാത്രം അനുയോജ്യമാണ്.

സ്കോഡ റാപ്പിഡ്

ഈ വിഭാഗത്തിലെ ഏറ്റവും പ്രീമിയം ഇന്റീരിയറാണ് സ്കോഡ റാപ്പിഡിന്. സ്കോഡയുടെ ഗംഭീരവും ക്ലാസ്സിയുമായ സമീപനം വളരെ നന്നായി റാപ്പിഡിൽ പ്രവർത്തിക്കുന്നു. ഫ്രണ്ട് ആംറെസ്റ്റ് ലഭിക്കുന്ന സെഗ്മെന്റിലെ ഒരേയൊരു കാർ കൂടിയാണ് റാപ്പിഡ്!

ഇൻസ്ട്രുമെന്റ് ക്ലസ്റ്റർ, ഇത് ഒരു അനലോഗ് യൂണിറ്റ് ആണെങ്കിലും, റാപ്പിഡിൽ വളരെ മനോഹരമായി കാണപ്പെടുന്നു. സെന്റർ കൺസോളിലെ ഇൻഫോടെയിൻമെന്റ് സിസ്റ്റത്തിന്റെ സംയോജനം അല്പം മികച്ചതാക്കാമായിരുന്നു, നിലവിൽ അത് കുഴപ്പമില്ലെന്ന് തോന്നുന്നു.