വേറിട്ടൊരു യാത്ര സമ്മാനിക്കൻ ഫ്ലോട്ടിംഗ് എയർപോർട് യാഥാർത്ഥ്യമാവുന്നു

'ലണ്ടൻ ബ്രിട്ടാനിയ' എന്ന പേരിലറിയപ്പെടുന്ന ഈ വിമാനത്താവളം യുകെ ക്യാപിറ്റലിന് 30 മൈൽ അകലെയായി തേംസ് നദിയിൽ നിർമ്മിക്കുന്ന കൃത്രിമ ദ്വീലാണ് നിർമ്മിക്കുന്നത്.

നദിയുടെ അടിത്തട്ടുമായി ബന്ധിപ്പിച്ചാണ് ടെർമിനലുകളും റൺവെകളും നിർമ്മിക്കുന്നത്. മാത്രമല്ല തേംസ് നദിയുമായി ബന്ധിപ്പിച്ച് പണിതിട്ടുള്ള അണ്ടർവാട്ടർ റെയിൽ ടണലുമായി വിമാനത്താവളത്തെ ബന്ധിപ്പിക്കുന്നതായിരിക്കും.

വിമാനത്താവളത്തിലേക്ക് കാർ മാർഗം വരുന്നവർക്ക് എത്തിപ്പെടാനായി മൂന്ന് ലാന്റ് ബേസ്‍ഡ് ടെർമിനലുകളും പണിയുന്നതായിരിക്കും.

എയർപോർടിന് ചുറ്റുമായി സ്ഥാപിച്ചിട്ടുള്ള മറൈൻ ടർബൈനുകളിൽ നിന്നായിരിക്കും ആവശ്യമായിട്ടുള്ള വൈദ്യുതിയുല്പാദനം.

ഈ റെയിൽ ടണൽ വഴി യാത്രക്കാർക്ക് വിമാനത്താവളത്തിലേക്ക് വരുന്നതിനും പോകുന്നതിനും എളുപ്പമായിരിക്കും. മാത്രമല്ല സെൻട്രൽ ലണ്ടൻ, യൂറോപ്പിന്റെ മറ്റ് ഭാഗങ്ങളിലേക്ക് എത്തിപ്പെടാൻ ഈ അതിവേഗ ട്രെയിൻ സർവീസും ഉപകരിക്കും.

24മണിക്കൂറും പ്രവർത്തനനിരതമായിരിക്കും ഈ ഫ്ലോട്ടിംഗ് എയർപോർട്. നദിക്ക് മുകളിലായി സജ്ജമാക്കിയതിനാൽ ശബ്ദമലിനീകരണത്തെക്കുറിച്ച് ആശങ്കപ്പെടേണ്ടതില്ല എന്നാണ് നിർമാതാക്കളുടെ പക്ഷം.

നദിയുടെ മധ്യത്തിലായി പണിയുന്ന ടെർമിനലുകൾക്ക് ചുറ്റുമായിട്ടായിരിക്കും 5 കിലോമീറ്റർ ദൈർഘ്യമുള്ള നാല് ഫ്ലോട്ടിംഗ് റൺവെകൾ നിർമ്മിക്കുക.

കരയ്ക്ക് സമീപത്തായി മൂന്ന് പാർക്കിംഗ് ടെർമിനലുകൾ പണിയാനും ഈ പ്രോജക്ടിന്റെ ഭാഗമായി ആലോചിക്കുന്നുണ്ട്.

കൂടാതെ ഹെത്രോ വിമാനത്താവളത്തെ എക്കോ വില്ലേജാക്കി മാറ്റി നിർമ്മിക്കാനുള്ള പദ്ധതിയും നടപ്പിലാക്കുന്നുണ്ട്.

വിമാനയാത്രയുടെ മുഖഛായ തന്നെ മാറ്റാൻ പോഡ് പ്ലെയിനുകൾ

പാമ്പൻ പാലം ലോക എൻജിനിയറിംഗ് വിസ്മയങ്ങളിൽ ഒന്ന്!