Click it and Unblock the Notifications
Destini Xtec മുതല് Ninja 300 വരെ; 2022 ഏപ്രില് മാസം വിപണിയില് എത്തിയ ഇരുചക്രവാഹനങ്ങള്
വാഹന വിപണി വലിയൊരു പ്രതിസന്ധിയിലൂടെയാണ് പോകുന്നതെങ്കിലും നിരവധി ബ്രാന്ഡുകളില് നിന്നായി വ്യത്യസ്ത ലോഞ്ചുകള് നമ്മള് കണ്ടു. വ്യത്യസ്ത ശ്രേണിയിലേക്കായി നിരവധി മോഡലുകള് 2022 ഏപ്രില് മാസത്തില് ലോഞ്ച് ചെയ്തിരുന്നു.
സ്കൂട്ടറുകള് മുതല് വളരെ വേഗതയേറിയ ചില ADV-കള് വരെ, ഇന്ത്യന് ഇരുചക്രവാഹന വിപണിയിലേക്ക് എത്തുകയും ചെയ്തു. 2022 ഏപ്രില് മാസം വിപണിയില് എത്തിയ കുറച്ച് മോഡലുകളെയാണ് ഇവിടെ ലിസ്റ്റ് ചെയ്തിരിക്കുന്നത്.
ഹീറോ ഡെസ്റ്റിനി Xtec
ഹീറോ മോട്ടോകോര്പ്പ് Q2 2022 ഡെസ്റ്റിനി Xtec ലോഞ്ചിലൂടെയാണ് ആരംഭിച്ചത്. 125 സിസി സ്കൂട്ടറിന്റെ വില 79,990 രൂപയാണ് (എക്സ്ഷോറൂം, ഡല്ഹി).
എന്നത്തേക്കാളും കൂടുതല് ഫീച്ചറുകളോടെയാണ് ഇപ്പോള് ഈ മോഡല് എത്തുന്നത്. എല്ഇഡി ഇലുമിനേഷന് മുതല് ബ്ലൂടൂത്ത് കണക്റ്റിവിറ്റി വരെ കാണാന് സാധിക്കും. അതുകൊണ്ട് തന്നെ ഹീറോ സ്കൂട്ടര് ഇപ്പോള് പണത്തിന് കൂടുതല് മൂല്യം വാഗ്ദാനം ചെയ്യുന്നുവെന്ന് വേണം പറയാന്.
സുസുക്കി അവെനിസ് 125 (അടിസ്ഥാന വേരിയന്റ്)
കുറച്ച് മുമ്പ് റൈഡ് കണക്ട് എഡിഷനും റേസ് എഡിഷനും പുറത്തിറക്കിയതിന് ശേഷം, സുസുക്കി ഇപ്പോള് അവെനിസ് 125-ന്റെ അടിസ്ഥാന വേരിയന്റും രാജ്യത്ത് അവതരിപ്പിച്ചിരിക്കുകയാണ്.
ഏകദേശം 86,500 രൂപയ്ക്കാണ് ഈ മോഡലിനെ അവതരിപ്പിച്ചിരിക്കുന്നത് (എക്സ്ഷോറൂം, ഡല്ഹി). മേല്പ്പറഞ്ഞ ട്രിമ്മുകളുടെ അതേ ഡിസൈന്, അണ്ടര്പിന്നിംഗുകള്, മോട്ടോര് എന്നിവ ഇത് പായ്ക്ക് ചെയ്യുന്നു, പക്ഷേ ഫീച്ചറുകളില് ചെറിയ മാറ്റങ്ങള് ഉണ്ടായിട്ടുണ്ടെന്ന് വേണം പറയാന്.
സുസുക്കി V-സ്ട്രോം SX
ഈ മാസം, സുസുക്കി V-സ്ട്രോം SX-ന്റെ രൂപത്തില് ഇന്ത്യയില് അതിന്റെ ഏറ്റവും പുതിയ ക്വാര്ട്ടര് ലിറ്റര് ഓഫര് അവതരിപ്പിച്ചു.
2,11,600 രൂപയാണ് (എക്സ്ഷോറൂം) ഈ മോഡലിന്റെ വില. കൂടാതെ KTM 250 അഡ്വഞ്ചറും റോയല് എന്ഫീല്ഡ് ഹിമാലയനും എതിരെയാണ് ഇത് പ്രധാനമായും മത്സരിക്കുന്നത്.
യമഹ MT-15, R15 V4 വേള്ഡ് GP 60-ാം വാര്ഷിക പതിപ്പ്
ഒന്നല്ല രണ്ട് മോഡലുകളാണ് യമഹ ഏപ്രില് മാസം പുറത്തിറക്കിയത്. ആദ്യം, MT-15 Ver 2.0 അതിന്റെ മുന്ഗാമിയെ അപേക്ഷിച്ച് ചില ശ്രദ്ധേയമായ അപ്ഡേറ്റുകള് കൊണ്ടുവന്നു.
ഇത് മോട്ടോര്, ഡിസൈന്, മറ്റ് ബിറ്റുകള് എന്നിവ നിലനിര്ത്തിയിട്ടുണ്ട്, എന്നാല് ഇപ്പോള് കുറച്ച് കൂടുതല് സവിശേഷതകള് പായ്ക്ക് ചെയ്യുന്നുവെന്ന് വേണം പറയാന്. നവീകരിച്ച ബേബി സ്ട്രീറ്റ്ഫൈറ്ററിനൊപ്പം, യമഹ ഒരു അള്ട്രാ കൂള് വേള്ഡ് ജിപി 60-ാം വാര്ഷിക പതിപ്പ് കളര് സ്കീമിനൊപ്പം R15 V4 മോഡലും രാജ്യത്ത് കൊണ്ടുവന്നിരുന്നു.
ബിഎംഡബ്ല്യു F 900 XR പ്രോ, F 850 GS, F 850 GS അഡ്വഞ്ചര്
ഏപ്രിലില് ബിഎംഡബ്ല്യു മോട്ടോറാഡ് അതിന്റെ മൂന്ന് പരിഷ്കരിച്ച അഡ്വഞ്ചര് മോഡലുകള് ഇന്ത്യയില് അവതരിപ്പിച്ചു. ബിഎംഡബ്ല്യു F 900 XR പ്രോ, F 850 GS, F 850 GS അഡ്വഞ്ചര് എന്നിവയാണ് ഈ മോഡലുകള്.
F 900 XR പ്രോയ്ക്ക് 12.30 ലക്ഷം രൂപയാണ് എക്സ്ഷോറൂം വില. ഫുള് എല്ഇഡി ലൈറ്റിംഗും ബ്ലൂടൂത്ത് പ്രവര്ത്തനക്ഷമമാക്കിയ 6.5 ഇഞ്ച് ഫുള് കളര് ടിഎഫ്ടി സ്ക്രീനുമാണ് ഇതിന്റെ പ്രധാന സവിശേഷതകള്.
F 850 GS-ലേക്ക് വന്നാല് 12.50 ലക്ഷം രൂപയാണ് എക്സ്ഷോറൂം വില. അതേസമയം ഇതിന്റെ അഡ്വഞ്ചറിന് 13.25 ലക്ഷം രൂപയാണ് എക്സ്ഷോറൂം വില.
ഹോണ്ട ഗോള്ഡ് വിംഗ് DCT
ഗോള്ഡ് വിംഗ് DCT മോഡലായിരുന്നു ഏപ്രില് മാസത്തെ ജാപ്പനീസ് ബ്രാന്ഡിന്റെ പ്രധാന അവതരണം. 39.20 ലക്ഷം രൂപയാണ് നവീകരിച്ച് എത്തുന്ന മോഡലിന്റെ എക്സ്ഷോറൂം വില.
പുതിയ മോഡലിന് എയര്ബാഗ്, നാവിഗേഷന് സിസ്റ്റം, ഓട്ടോ-ക്യാന്സല് ടേണ് ഇന്ഡിക്കേറ്ററുകള്, പാസഞ്ചര് ഓഡിയോ കണ്ട്രോളുകളുള്ള 7.0 ഇഞ്ച് ഫുള്-കളര് TFT ഡാഷ് സ്പീക്കറുകള്, യുഎസ്ബി ടൈപ്പ്-സി പോര്ട്ടുകള്, ഇലക്ട്രോണിക് ക്രമീകരിക്കാവുന്ന വിന്ഡ്സ്ക്രീന് എന്നിവ ലഭിക്കുന്നുണ്ട്.
ഡ്യുക്കാട്ടി മള്ട്ടിസ്ട്രാഡ V2
മറ്റൊരു അഡ്വഞ്ചര് മോഡലായി ഈ മാസം ഇന്ത്യയിലേക്ക് എത്തിയത് ഇറ്റലിയില് ബ്രാന്ഡായ ഡ്യുക്കാട്ടിയില് നിന്നുള്ള മള്ട്ടിസ്ട്രാഡ V2 മോഡലായിരുന്നു. 14.65 ലക്ഷം രൂപയാണ് ഇതിന്റെ വില, ഇറ്റാലിയന് നിര്മ്മാതാവില് നിന്നുള്ള ഏറ്റവും താങ്ങാനാവുന്ന അഡ്വഞ്ചര് മോഡല് കൂടിയാണിത്.
കവസാക്കി നിഞ്ച 300
അവസാനമായി, കവസാക്കി അതിന്റെ ബേബി നിഞ്ചയുടെ നവീകരിച്ച പതിപ്പിനെയും പോയ മാസം വിപണിയില് അവതരിപ്പിച്ചു. ചില അടിസ്ഥാന കോസ്മെറ്റിക് മാറ്റങ്ങള് വരുത്തിയാണ് മോഡലിനെ അവതരിപ്പിച്ചിരിക്കുന്നത്. നവീകരണങ്ങളോടെ എത്തുന്ന മോഡലിന് ഇപ്പോള് 3.37 ലക്ഷം രൂപയാണ് എക്സ്ഷോറൂം വില, കൂടാതെ പുതിയ കളര് സ്കീമുകളും ലഭിക്കുന്നു.
Continue with Google