നമ്പർ പ്ലേറ്റുകളെ കുറിച്ച് ഒരു ധാരണയുണ്ടോ; അറിഞ്ഞിരിക്കാം ഈ കാര്യങ്ങൾ

ഇന്ത്യയിൽ കാറുകളിലും മോട്ടോർ ബൈക്കുകളിലുമായി വിവിധ തരം നമ്പർ പ്ലേറ്റുകൾ ഉപയോഗിക്കുന്നുണ്ട്. ഈ നമ്പർ പ്ലേറ്റുകൾ വ്യത്യസ്‌ത ഉദ്ദേശ്യങ്ങൾക്ക് കൂടെ വേണ്ടിയാണ് എന്ന് എത്ര പേർക്ക് അറിയാം. നമ്പർ പ്ലേറ്റുമായി ബന്ധപ്പെട്ട് ചില പ്രത്യേക നിയന്ത്രണങ്ങളുണ്ട്. ഇന്ത്യയിൽ കാറുകളിൽ ഉപയോഗിക്കുന്ന വിവിധ തരം നമ്പർ പ്ലേറ്റുകൾ എന്തൊക്കെയെന്ന് ഒന്ന് അറിഞ്ഞിരിക്കാം.

രാജ്യത്ത് ഒരു വാഹനം ഏത് നിലക്ക് റോഡിൽ ഉപയോഗിക്കുന്നു എന്നതാണ് നമ്പർ പ്ലേറ്റുകളുടെ വിവിധ നിറങ്ങളിലൂടെ നമുക്ക് മനസ്സിലാക്കാൻ സാധിക്കുക. പച്ച നിറം മാത്രം ആ വാഹനത്തിലെ ഇന്ധനത്തെയാണ്‌ സൂചിപ്പിക്കുന്നത്. അതായത് വൈദ്യുതി ഇന്ധനമാക്കിയ ഇലക്ട്രിക് വാഹനങ്ങൾക്ക്‌ രാജ്യത്ത് ഉടനീളം അനുവദിച്ചിട്ടുള്ളത് പച്ച നിറത്തിലുള്ള നമ്പർ പ്ലേറ്റുകൾ ആണ്.

സ്റ്റാൻഡേർഡ് നമ്പർ പ്ലേറ്റ്: ഇന്ത്യൻ കാറുകളിൽ ഏറ്റവും സാധാരണമായ നമ്പർ പ്ലേറ്റാണ് സാധാരണ നമ്പർ പ്ലേറ്റ് എന്നത്. ഒരു വെളുത്ത പശ്ചാത്തലത്തിൽ കറുത്ത അക്ഷരങ്ങളും അക്കങ്ങളും ഉള്ള നമ്പർ പ്ലേറ്റാണ് സ്റ്റാൻഡേർഡ് നമ്പർ പ്ലേറ്റ് എന്ന് പറയുന്നത്. രജിസ്ട്രേഷൻ അടയാളം പ്ലേറ്റിൻ്റെ മധ്യഭാഗത്തായി നൽകിയിരിക്കും, അതേസമയം സംസ്ഥാന കോഡും മറ്റ് വിവരങ്ങളും ഇരുവശത്തും സ്ഥാപിച്ചിട്ടുമുണ്ട്.

മഞ്ഞ നമ്പർ പ്ലേറ്റ്: ടാക്സി, ക്യാബുകൾ, ട്രക്കുകൾ തുടങ്ങിയ വാണിജ്യ വാഹനങ്ങൾക്കാണ് ഇത്തരം ബോർഡുകൾ. ഇത്തരം വാഹനങ്ങൾക്ക് സ്വകാര്യ ഉപയോഗത്തിനുള്ള വാഹനവുമായി താരതമ്യം ചെയ്യുമ്പോൾ വ്യത്യസ്ത നികുതി ഘടനയുണ്ട്. മഞ്ഞ പ്ലേറ്റുകളുള്ള വാഹനങ്ങളുടെ ഡ്രൈവർമാർക്കും വാണിജ്യ ഡ്രൈവിംഗ് പെർമിറ്റ് ഉണ്ടായിരിക്കണമെന്ന് നിർബന്ധമുണ്ട്.

ഫാൻസി നമ്പർ പ്ലേറ്റ്: ഫാൻസി നമ്പർ പ്ലേറ്റുകൾക്ക് കാഴ്ച്ചയിൽ വ്യത്യാസമൊന്നുമില്ല എന്നതാണ് സത്യം. വ്യക്തികൾക്ക് ഇഷ്ടമുളള നമ്പറുകൾ ലേലത്തിലൂടെ വാങ്ങുന്ന നമ്പറുകൾക്കാണ് ഫാൻസി നമ്പറുകൾ എന്ന് പറയുന്നത്. ഈ ഫാൻസി നമ്പർ പ്ലേറ്റുകൾ പലപ്പോഴും അവയുടെ ഡിസൈനിലും വലിപ്പത്തിലും തനതായ സ്റ്റൈലുകളോ ഫോണ്ടുകളോ ഉപയോഗിച്ചു വരുന്നവയാണ്.

വെളുത്ത അക്ഷരങ്ങളുള്ള പച്ച നമ്പർ പ്ലേറ്റ് സ്വകാര്യ ഉപയോഗത്തിനുള്ള ഇലക്ട്രിക് കാറുകൾക്ക് മാത്രമുള്ളതാണ് ഈ നമ്പർ പ്ലെയ്റ്റുകൾ. ഇലക്ട്രിക്ക് വാഹനങ്ങൾ വാണിജ്യ ആവശ്യങ്ങൾക്കായി രെജിസ്റ്റർ ചെയ്യുമ്പോൾ പച്ച നമ്പർ പ്ലേറ്റിൽ മഞ്ഞ അക്ഷരങ്ങളാണ് പതിപ്പിക്കേണ്ടത്. ഇത്തരത്തിലുളള നമ്പർ പ്ലേറ്റുകൾ ഇപിപോൾ എല്ലാവർക്കും സുപരിചിതമാണല്ലോ.

ഹൈ-സെക്യൂരിറ്റി നമ്പർ പ്ലേറ്റ്: വാഹന മോഷണങ്ങൾ തടയുന്നതിനും സുരക്ഷാ നടപടികൾ മെച്ചപ്പെടുത്തുന്നതിനുമായി കേന്ദ്ര സർക്കാർ അവതരിപ്പിച്ചതാണ് ഹൈ സെക്യൂരിറ്റി നമ്പർ പ്ലേറ്റുകൾ, 2019 ഏപ്രിലിനു ശേഷം വിൽക്കുന്ന എല്ലാ പുതിയ വാഹനങ്ങൾക്കും ഉയർന്ന സുരക്ഷാ നമ്പർ പ്ലേറ്റുകൾ നിർബന്ധമാക്കിയിരുന്നു. എച്ച്എസ്ആർപികളിൽ ക്രോമിയം ഹോളോഗ്രാം, ലേസർ-ബ്രാൻഡഡ് സ്ഥിര തിരിച്ചറിയൽ നമ്പർ, എഞ്ചിൻ/ചാസിസ് വിശദാംശങ്ങളുള്ള, ടാംപർ പ്രൂഫ് സ്നാപ്പ് ലോക്ക് ഫിറ്റിംഗ് സിസ്റ്റം മുതലായവയെല്ലാം ഉണ്ട്.

താൽക്കാലിക നമ്പർ പ്ലേറ്റ്: ഇതുവരെ രജിസ്റ്റർ ചെയ്തിട്ടില്ലാത്ത ബ്രാൻഡ്-ന്യൂ വാഹനങ്ങൾ വിൽക്കുമ്പോൾ ഓട്ടോമൊബൈൽ ഡീലർഷിപ്പുകളാണ് താൽക്കാലിക അല്ലെങ്കിൽ ഡീലർ ലൈസൻസ് പ്ലേറ്റുകൾ നൽകുന്നത്. ഈ പ്ലേറ്റുകൾ പരിമിത കാലത്തേക്ക് മാത്രമേ വാലിഡിറ്റിയുളളു, സാധാരണയായി 30 ദിവസത്തേക്ക്, ഈ സമയത്ത് വാഹന ഉടമ രജിസ്ട്രേഷനും സാധാരണ നമ്പർ പ്ലേറ്റുകളും നേടിയിരിക്കണം എന്നായിരുന്നു നിയമം. ഇപ്പോൾ ഡെലിവറി സമയത്ത് തന്നെ നമ്പർ പ്ലേറ്റുകൾ ഘടിപ്പിച്ചാണ് വാഹനം ഇറക്കുന്നത്.

ഡിപ്ലോമാറ്റിക് നമ്പർ പ്ലേറ്റ്: ഇന്ത്യയിൽ പ്രവർത്തിക്കുന്ന വിദേശ എംബസികൾ, കോൺസുലേറ്റുകൾ അല്ലെങ്കിൽ അന്താരാഷ്ട്ര സംഘടനകൾ എന്നിവയുടെ വാഹനങ്ങൾക്കാണ് നയതന്ത്ര നമ്പർ പ്ലേറ്റുകൾ നൽകുന്നത്. നയതന്ത്ര പ്രതിരോധശേഷിയും പ്രത്യേകാവകാശങ്ങളും സൂചിപ്പിക്കുന്ന തികച്ചും കോൺഫിഡൻഷ്യലായ വ്യക്തികൾക്കായി വ്യത്യസ്ത നിറങ്ങളും അടയാളങ്ങളിലും നൽകുന്നു എന്നതാണ് ഈ നമ്പർ പ്ലേറ്റുകളുടെ സവിശേഷത.

ഇന്ത്യയിലെ കാറുകളിൽ ഉപയോഗിക്കുന്ന വിവിധ തരം നമ്പർ പ്ലേറ്റുകളെ കുറിച്ചാണ് നിങ്ങൾ ഇപ്പോൾ അറിഞ്ഞത്. വാഹന ഉടമകൾ നമ്പർ പ്ലേറ്റ് സ്പെസിഫിക്കേഷനുകൾ സംബന്ധിച്ച നിയന്ത്രണങ്ങൾ പാലിക്കുകയും നിയമപ്രകാരം അവ കൃത്യമായി പ്രദർശിപ്പിക്കുകയും ചെയ്യേണ്ടത് വളരെ പ്രധാനമാണ്. അതൊരു സ്റ്റാൻഡേർഡ് പ്ലേറ്റോ ഫാൻസി വ്യക്തിഗതമാക്കിയതോ ആകട്ടെ, നിങ്ങളുടെ വാഹനത്തിൽ ശരിയായ ഐഡന്റിഫിക്കേഷൻ ഉറപ്പാക്കുന്നത് നിയമം പാലിക്കുന്നതിനും സുരക്ഷാ ആവശ്യങ്ങൾക്കും നിർണായകമായ ഒന്നാണ്.