പഞ്ചറായ ടയർ മാറാനറിയാമോ സക്കീർ ഭായിക്ക്; അറിഞ്ഞിരിക്കേണ്ട പ്രധാന കാര്യങ്ങളിതാണ്

എല്ലാവർക്കും വാഹനം ഓടിക്കാൻ അറിയാമെങ്കിലും വാഹനത്തിൻ്റെ ടയർ പഞ്ചറായാൽ എങ്ങനെ മാറ്റണമെന്ന് പലർക്കും അറിയാൻ സാധ്യതയില്ല. എന്നാൽ എല്ലാവർക്കും പെട്ടെന്ന് തന്നെ ടയർ മാറ്റാൻ സാധിക്കും. ടയർ മാറ്റാനുളള ഉപകരണങ്ങൾ കാറിൽ സൂക്ഷിക്കുന്നത് നല്ലതായിരിക്കും. കുറച്ച് കാര്യങ്ങൾ പരിശീലിച്ചാൽ നിങ്ങൾക്ക് ടയർ മാറുന്നത് എളുപ്പമാക്കാൻ സഹായിക്കും. ടയർ പഞ്ചറായാൽ ആദ്യം നിങ്ങൾ സുരക്ഷിതമായി ഒരു സ്ഥലം കാണുക എന്നതാണ് പ്രധാനം.

ട്രാഫിക്കിൽ നിന്ന് വാഹനം മാറ്റിയിടുക ഇല്ലെങ്കിൽ റോഡിൽ ഗതാഗത കുരുക്ക് ഉണ്ടാവാൻ സാധ്യതയുണ്ട്. ടയർ മാറ്റുന്ന സമയത്ത് വാഹനങ്ങളുടെ ഹസാർഡ് ലൈറ്റുകൾ ഓണാക്കിയിടാൻ മറക്കരുത്. ടയർ മാറുന്നതിനുളള ഉപകരണങ്ങളായ സ്പെയർ വീൽ, ജാക്കി, വീൽ സ്പാനർ എന്നിവയെല്ലാം വാഹനത്തിൽ തന്നെയുണ്ട്. സ്പെയർ വീൽ വാഹനത്തിൻ്റെ ഡിക്കിയിലോ അല്ലെങ്കിൽ വാഹനത്തിൻ്റെ ബോഡിയുടെ അടിയിൽ ബോൾട്ട് ചെയ്തിട്ടുണ്ടായിരിക്കും.

അടുത്തതായി വീൽ നട്ടുകൾ ലൂസാക്കുക എന്ന പടിയാണ്.സാധാരണയായി നാല് അല്ലെങ്കിൽ അഞ്ച് നട്ടുകളാണ് കാണാറുളളത്. എതിർ ദിശ ക്രമത്തിൽ വേണം നട്ടുകൾ ലൂസ് ചെയ്യാൻ,എന്നാൽ ഓർക്കേണ്ട കാര്യം വാഹനം ജാക്കി വച്ച് ഉയർത്തിയതിന് ശേഷം മാത്രമേ നട്ടുകൾ ഊരിയെടുക്കാവു. അതിന് ശേഷം ജാക്കി വയ്ക്കേണ്ട പോയിൻ്റിൽ ജാക്കി വച്ച് വാഹനം ഉയർത്തുക. അതിന് ശേഷം നട്ടുകൾ പൂർണമായും ഊരി മാറ്റി, പഞ്ചറായ ടയർ ഊരിയെടുക്കുക.

അതിന് ശേഷം സ്പെയർ വീൽ സ്റ്റഡിലേക്ക് കയറ്റി വച്ചതിന് ശേഷം നട്ടുകൾ മുറുക്കുക, എന്നിട്ട് ജാക്കിയിൽ നിന്ന് വാഹനം താഴ്ത്തിയതിന് ശേഷം ഒന്ന് കൂടെ നട്ടുകൾ മുറുക്കാൻ ശ്രമിക്കുക. ടയർ നിലത്ത് തൊട്ട് കഴിഞ്ഞാൽ ജാക്കിയും, വീൽ സ്പാനറും പഞ്ചറായ ടയറും എടുത്ത് ഡിക്കിയിൽ ഇടുക. അത് കഴിഞ്ഞ് വളരെ സമാധാനത്തോടും സന്തോഷത്തോടും കൂടി യാത്ര തുടരുകയോ അല്ലെങ്കിൽ അടുത്തുളള മെക്കാനിക്കിനെ കാണുകയോ ചെയ്യാം.

മറ്റൊരു കാര്യം ഓർമിക്കേണ്ടത്, ഫ്ലാറ്റ് ടയറിൽ വാഹനമോടിക്കുന്നത് നിങ്ങളുടെ യാത്രക്കാരെ അപകടത്തിലാക്കാനും നിങ്ങളുടെ വാഹനത്തിന് ഗുരുതരമായ കേടുപാടുകൾ വരുകയും ചെയ്യുമെന്ന കാര്യത്തിൽ ഒരു സംശയവുമില്ല. ഫ്ലാറ്റ് ടയറിൽ വാഹനമോടിക്കുന്നത് നിങ്ങളുടെ വാഹനത്തിന്റെ ഹാൻഡ്‌ലിംഗ് കുറയ്ക്കുക മാത്രമല്ല, അത് ടയർ, ബ്രേക്കുകൾ, അലൈൻമെന്റ്, കൂടാതെ നിങ്ങളുടെ സസ്പെൻഷൻ, സ്റ്റിയറിംഗ് സിസ്റ്റം എന്നിവ പോലുള്ള മറ്റ് ഘടകങ്ങൾക്ക് ഘടനാപരമായി വലിയ കേടുപാടുകൾ വരുത്തിയേക്കാം.

ടയർ അറ്റകുറ്റപ്പണിയുടെ ഒന്നാം നമ്പർ നിയമം നിങ്ങളുടെ ടയർ മർദ്ദം പതിവായി പരിശോധിക്കുക എന്നതാണ്. നാഷണൽ ഹൈവേ ട്രാഫിക് സേഫ്റ്റി അഡ്‌മിനിസ്‌ട്രേഷൻ (NHTSA) നിങ്ങളുടെ എല്ലാ ടയറുകളിലും - സ്പെയർ ഉൾപ്പെടെ - മാസത്തിൽ ഒരിക്കലെങ്കിലും - മർദ്ദം പരിശോധിക്കാൻ ശുപാർശ ചെയ്യുന്നു. ടയർ പ്രഷർ ഗേജുകൾ വിലകുറഞ്ഞതും റോഡിലെ ടയർ പ്രശ്നത്തിൽ നിന്ന് നിങ്ങളെ രക്ഷിക്കാൻ സഹായിക്കും.

നിങ്ങളുടെ ടയറുകളിൽ നിർമ്മാതാവ് നിർദ്ദേശിച്ച മർദ്ദത്തിലാണോ വായു നിറച്ചിരിക്കുന്നത് എന്ന് സ്ഥിരമായി പരിശോധിക്കാൻ ഒരു ടയർ പ്രഷർ ഗേജ് ഉപയോഗിക്കുന്നതാണ് നല്ലത്. പ്രതിമാസം നിങ്ങളുടെ ടയർ പ്രഷർ പരിശോധിക്കുന്നതിനൊപ്പം, നിങ്ങളുടെ ടയറുകളും ദൃശ്യപരമായി പരിശോധിക്കുകയും തിരിക്കുകയും ചെയ്യുക. ടയർ റൊട്ടേഷനുകൾ നിങ്ങളുടെ ടയറുകളിലെ തേയ്മാനം കൂടുതൽ നേരം നിലനിൽക്കാൻ സഹായിക്കുന്നു. പൊതുവേ, ഓരോ 5,000 മുതൽ 10,000 കിലോമീറ്റർ വരെ നിങ്ങളുടെ ടയറുകൾ തിരിക്കാൻ ശ്രമിക്കണം. ഓരോ തവണയും ഓയിൽ മാറുമ്പോൾ ടയറുകൾ തിരിക്കാൻ കൂടെ ശ്രദ്ധിക്കുക

ടയറില്‍ ഒരുങ്ങുന്ന ട്രെഡുകളാണ് ടയറിന്റെ മികവിനെ സ്വാധീനിക്കുന്ന പ്രധാന ഘടകം. ട്രെഡ് തീര്‍ന്ന് നൂല്‍ പുറത്തു വരുമ്പോഴല്ല ടയര്‍ മാറ്റേണ്ടത്. ട്രെഡ് കുറയുന്നുണ്ടോ എന്ന് തിരിച്ചറിയാനുള്ള അടയാളം നിര്‍മ്മാതാക്കള്‍ തന്നെ ടയറുകളില്‍ നല്‍കുന്നുണ്ട്. കുറഞ്ഞ ട്രെഡ് ടയറിന്റെ ഗ്രിപ്പ് നഷ്ടപ്പെടുത്തും.കാര്‍ സഞ്ചരിക്കുമ്പോള്‍ ടയറിന്റെ വശങ്ങളിലാണ് (സൈഡ് വാള്‍) കൂടുതല്‍ സമ്മര്‍ദ്ദം അനുഭവപ്പെടുക. ആവശ്യമായ സന്ദർഭങ്ങളിൽ ടയർ വശങ്ങൾ കൂടുതൽ വികസിക്കും. പുതിയ ടയര്‍ വാങ്ങാന്‍ ചെല്ലുമ്പോള്‍ ടയറിന്റെ വശങ്ങളില്‍ നിര്‍മ്മാതാക്കള്‍ കുറിച്ച നിര്‍മ്മാണ തിയ്യതി പരിശോധിക്കാന്‍ ഒരിക്കലും മറക്കരുത്.